MATIYUW 24:16 - Nupela Testamen long tokples Manambu

¹⁶ “A nyaam Juwtiya tamiyaam kwakidiy duw taakw nibwukir tabwu-kwadiy.

MATIYUW 24:16 Iomraidhean Croise

MATIYUW 2:1

Yirat, Juw dayadi yitaypika duw tidik, Maria Jisasaam sapwiylid Juwtiya tamiyaam rina tip, Bitliyimaam. Maria Jisas sapwiykuw, kwasa mwiy rilik, nuwukadiy lakwudiy duw waliy kawaar kwala tamiyab tikuw, Jiruwsalimaar yadiy. “Kwula sapwiylidi nyan, Juw dayadi yitaypika duw tikinaad, akidada?” Day ata bas sidiy. “Nyan diki tugwiy vibana walida waliy kawaar kwala tamiyaam tilik. Aw nyan lakwukuw taakw bwu sapwiylaad dim, alik kiril yanadiyan dikik gaba maaj sukwuk.”

MATIYUW 24:15

Ki maaj Jisas maa wadidiy, “Ginyir tip kupwaraap rikinadi jaav vikigwuraad. Adi jaav watipida God dikidi wiy tamiyaam tikinaad. Tayir God diki maaj wasapwiydi duw, Daniyil, ki javik waad.” Ki maaj vikuw, duw taakw ki jaav lakwu-kwadiy.

MATIYUW 24:17

“Duw aluwur maka kwaal wiyaam kwakuw, dadiba niki jaav niki jaav wulaan kwurik.

YIPIRUW 11:7

Aw Nawa diki Godak wukijibir tidil mawulak tikuw, God yarik yidid adiy ginyir kidi kupwaam yakida kupwarapa jaav maaj. God atawa wadil majib wukikuw, adi nimadi guw war maardik nibway kip ridik, Nawa God diki wadil majib wukikuw, nimadi jabira wiy ata kwurdid dikidiy wiy ni duw taakw nyigilik. Aw Nawa di God diki majib wukidilik tikuw, di simaka-didiy adiy nuwukadiy duw takwak aw day God diki maaj sardiy wakuw. Aw Nawa, di God wadil majib wukijibir tidilik tikuw, God ata tasakwudid diki milaam mwiya mwiyab mwiya viyakita duw-ad.