MATIYUW 19:4 - Nupela Testamen long tokples Manambu

^4-6 Jisas dayak ata wadidiy, “Ki God diki lapa nyigaam rina maaj gwur van maa ti? Mwiya tayir God duw taakw yitakakuw, ata waad, ‘Wun duw taakw yitaka-tuwdiy. Alik duw dikibir amaay asayim wapakuw, di diki takwawa tikinaad. Bir ata nak tikinabir.’ Alik tikuw, ginyir bir vitiy ti maa. Amwiy nak kaytik tikinabir. Agwa jaav God bwu tuwtakada, duw gwutaka-diba!”

MATIYUW 19:4 Iomraidhean Croise

MATIYUW 12:3

Jisas dayak ata wadidiy, “Lapa nyigaam tayir Davit kwurdil jaav sukwudaal. Gwur maa vi? Di dikidiy duwawa kaam yisilik kikipaat kikir. Alik Davit God diki wiyaar wulakuw, Godak kwiydadiy bret kwurkuw, di dikidiy duwawa ata kidadiy. Aw nyana lo wana, ‘Pris dayadika adiy bret kikwadanadiy. Nuwukadiy duw taakw akis kikwadanadiy.’ Aw li gwur yaakiya wakwagwura Davit kwurdil yawiyik, agwa javik tikuw gwur maa wanadiygwur wunadiy kaliva-tuwadiy duw daya yawiyik?

MATIYUW 21:42

Jisas dayak ata wadidiy, “Gwur ki God diki lapa nyigaam rina maaj maa vi? Kitawa wana: ‘Adi kabaak, tayir wiy kwurdiy duw maa wadiy dikik, kita nimadi kabaak abwa tibawa rinaad. Nimadi Yitaypika Duw a jaav kwurdil. Nyan vikuw, ata paynadiyan.’

MATIYUW 21:6

Abir vitiya duw yikuw, Jisas wadil majib kwurbiril.

MATIYUW 22:31

“Ki kiyanadiy rapa majik gwur God diki lapa nyigaam rina maaj maa vi? God wadidiygwur, ‘Wun Aparam Aysakawa Jakap dayadi God-adiwun tikwanadiwun.’ Aw li God atawa waad adiy Mawsis diki tayir kwakuw kiyadiy duwak gwur lakwu-kigwura adiy duw kiyakuw, kwas maa. Dayadiy mawul kip kwakwanadiy. Alik God di kwakwanadiy duw taakw dayadi God-ad.”

MAK Sukwudil Maaj. 12:10

“Ki God diki lapa nyigaam rina maaj vigwura, ay maa? ‘Adi kabaak, tayir wiy kwurdiy duw maa wadiy dikik, Kita nimadi kabaak abwa tibawa rinaad. Yitaypika Duw a jaav kwurdil, nyan vikuw, ata paynadiyan.’”

MAK Sukwudil Maaj. 12:26

“Ki kiyanadiy duw rapa majik gwur Mawsis lapa nyigaam sukwudil maaj kwasadi miyaam yadi yiyak vigwura? Ay maa vi? A nyaam God Mawsisak wadid, ‘Wun Aparam Aysakawa Jakap dayadi God-adiwun tikwanadiwun.’

MAK Sukwudil Maaj. 2:25

Jisas dayak ata bas sididiy, “Lapa nyigaam Davit diki kwurdil jaav sukwudaal. Gwur maa vi? Di dikidiy duwawa kaam yasalik kikipaat kikir.

LUK Sukwudil Maaj. 10:26

Jisas dikik ata wadid, “Ata ata God diki maaj wana? Min likim vikuw, agwa maaw majal lakwumina?”

LUK Sukwudil Maaj. 6:3

Jisas dayak ata wadidiy, “Lapa nyigaam Davit kwurdil jaav sukwudaal gwur likim maa laakw? Di dikidiy duwawa kaam yasadaak, kikipaat kikir. Alik Davit God dikidi wiyaar wulakuw, pris Godak kwiydadiy bret dikik kwiykuw, di dikidiy duwak nuwukadiy kwiykuw, day diwa ata kidadiy. Aw nyana lo wana, ‘Pris dayadika adiy bret kikwadanadiy. Nuwukadiy duw taakw akis kikwadanadiy.’ Aw li gwur yaakiya wakwagwura Davit diki kwurdil yawiyik, agwa javik tikuw gwur maa wanadiygwur wunadiy kalivatuwadiy duw daya yawiyik?”