MATIYUW 17:9 - Nupela Testamen long tokples Manambu

⁹ Day nibwukim dataay tikuw, Jisas dayak nimadib wadidiy, “Gwur ki vigwura javik kita nuwukadiy duw takwak wawayik. Ginyir duw taakw dayadi Mwaam kiyakuw, God kirapitaka-kidaad. A nyaam ki javik wakigwura.”

MATIYUW 17:9 Iomraidhean Croise

MATIYUW 12:16

Di kwasik yikuw, samasama duw taakw diki kwurdil yawiy wukidakik, alik di ata wadidiy, “Gwur nuwukadiy duw takwak watikwa a javik.”

MATIYUW 17:20

Jisas ata wadidiy, “Gwur Godak nimadib wukijibir maa ti. Alik gwur maa rav. Gwur Godak kwasa mwiy wukijibir tikuw, gwur kidi nibwukik ‘Gwakuw maay!’ wakuw, di bwunak gwakuw, niki tamiyaar yikinaad. Atawa Godak wukijibir tikuw, samasama nimadiy yawiy kwur-kigwuradiy. [Gwur kikipaat ki maarkuw, Godak bas sikuw, atampika yawiy kwurkigwuradiy.]”

MATIYUW 17:22

Ginyir Jisas dikidiy kalivadidiy duw day vagaruwdaak Galiliy tamiyaam, Jisas wadidiy, “Ginyir adi duw nak duw taakw dayadiy Mwaam kwiykidanaad nuwukadiy duw daya tabaam. Adiy duw dim viyasipa-kidanaad. Kiyakuw, nyi mugwul yidaak, di ata rapikinaad.” Ki maaj wadik, Jisas dikidiy kalivadidiy duw samasam wukidiy.

MATIYUW 17:8

Day kituw vikuw, nikidi duw day maa vi. Jisasadika vidaad.

MATIYUW 8:20

Aw Jisas adi duw diki mawul kwurkitaan vikir, dikik ata wadid, “Sapiy as kawaam sikwanadiy. Wapiy kwaat sitaay, si kwanadiy. Aw wun, duw taakw dayadi Mwaam, wun si kwa tamiy maa ti.”

MATIYUW 8:4

Jisas dikik ata wadid, “Min awuk. Kipa duw takwak wawayik ki minaam kwurtuwa javik. Aw yabiyib maay pris ak mina sip vidikikik. Tayir Mawsis gwurak wadidiy jaav akwiy pris ak Godak kwiydikik. Alik ababa duw taakw lakwu-kwadiy mina giviyib bwu kwusina wakuw.”

MAK Sukwudil Maaj. 8:30

Di dayak nimadib wadidiy, “Gwur nuwukadiy duwak watikwa ki javik.”

LUK Sukwudil Maaj. 8:56

Likibir amaay asaay pitaan warkuw, rakarak tibir. Aw Jisas birakik wadibir, “Ki kwurtuwa yawiy maaj nuwukadiy duw takwak wayi waya wayik.”

LUK Sukwudil Maaj. 9:36

A maaj kwusilik, day ata vidaad Jisas di dikida kap tidik. Aw day kipa duw takwak maa yarik yi aal vidaal javik a nyaam.