MATIYUW 14:3 - Nupela Testamen long tokples Manambu

^3-5 Tayir Yirat kiradil Yirawtiyas, dikidi nyamwus Pilip diki taakw. Jon Baptais kwiydi duw Yiratak wadikalib, “God maa wanaad min minadi nyamwus diki taakw kiraminil.” Yirawtiyas pitaan warkuw Jonak, li dim viyasipak. Alik Yirawtiyas kwurik, Yirat duw wayakididiy Jon kwurin yaav jikuw mala wiyaam takadakik. Yirat Jonaam viyasipak waad. Aw adiy Juw tipa kidiy duw taakw day wadiy, “Jon di God diki maaj wasapwiydi duwad.” Alik Yirat di Jonaam viyasipa viyasipak yagaad.

MATIYUW 14:3 Iomraidhean Croise

MATIYUW 11:2

Jon Baptais kwiydi duw, kalabus im kwadik, Jisas kwurdidiy yawiy maaj ata wukidil. Wukikuw, dikidiy kalivadidiy duw Jisas Kraisak wayakidik, yidiy dikik bas sidakikik.

MATIYUW 14:6

Yirat diki maaj kwadil nyi tilik, di kikipaat jabim takanadiy sapakwa nyanugw kidakikik. Yirawtiyas liki takwa nyan yaan baagw dayak tilik, Yirat rakarak samasam tad likik. Alik di basa kasab wadil, “Mwiya maaj watuwanyin. Agwa jaav nyina mawul kwurik walik, wun kwatiyaribaak tinadiwun.”

MATIYUW 4:12

Jon Baptais kwiydi duw Yiratak kipwu mwutaam yikuw wadik, Yirat dim kalabus ir kwusawula maaj Jisas ata wukidil. Wukikuw, Jisas Galiliy tamiyaar ata yad.

MAK Sukwudil Maaj. 6:14

Ababa duw taakw wabagwudiy Jisasak. Alik Juw dayadi yitaypika duw, Yirat, adiy yawiy wukididiy. Nuwukadiy duw taakw wadiy, “Jon, baptais kwiydi duw, God bwu rapinaad. Alik ki nima ap dim rina.”

MAK Sukwudil Maaj. 6:17

Tayir Yirat kiradil Yiratiyas, dikidi mwaam Pilip diki taakw. Jon, baptais kwiydi duw, Yiratak wadakilib, “God maa wanaad min minadi mwaam diki taakw kiramina.” Yiratiyas pitaan warkuw Jonak, li dim viyasipak. Alik Yiratiyas kwurik, Yirat duw wayakididiy Jon kwurin yaav jikuw, kalabus im takadakik.

MAK Sukwudil Maaj. 6:22

Yiratiyas liki niba takwa nyan yaan baagw dayak tilik, day abab rakarak tidiy likik. Alik Yirat likik ata waad, “Agwa jaav nyin kwurik? Wunak wakuw, a jaav kwatiya-kituwa nyinak.”

MAK Sukwudil Maaj. 8:15

Jisas nimadib di waya maaj kitika maaj wadidiy, “Gwur wukir yarakara ada Parasiy daya yis awa Yirat diki yis ak.”

LUK Sukwudil Maaj. 13:1

A nyi nuwukadiy duw Jisasak yakuw, day dikik yarik yidaad nuwukadiy Galiliya tamiya kidiy duw day Godak vaal kwurdaak, Paylat vay sawdiy duw wayakidik dayaam viyasipa-dadiy.

LUK Sukwudil Maaj. 13:31

A nyi nuwukadiy Parasiy Jisasak yakuw, dikik ata wadaad, “Juw dayadi yitaypika duw Yirat, di minaam viyasipaak wanaad. Alik min ki tip awap.”

LUK Sukwudil Maaj. 23:11

Yiratawa dikidiy vay sawdiy duw Jisasak rik kwurtaay, wajibayin kwurkuw, viyakita simiy tidi wapwiy Jisasaam jitakakuw, Paylatak sibinin wayakidaad.

LUK Sukwudil Maaj. 3:1

Taypiriyas nabiy tabatiy maan tabab Rom dayadi yitaypika duw tidik, Pantiyas Paylat Juwtiya tamiyak van tad Roma gavman ak. Yirat di Galiliy tamiyaam kwadiy duw dayadi yitaypika duw tad. Yirat dikidi mwaam, Pilip, di Yituwriyawa Tirakaniytas abir tamiyaam kwadiy duw dayadi yitaypika duw tad. Laysaniyas di Apilan tamiyaam kwadiy duw dayadi yitaypika duw tad. Anasawa Kayapas bir Juw dayabir yitaypika pris tibir. A nyaam Jon, Sakaraya dikidi nyan, di kipa tamiyaam kwadik, God dikik wadid, “Min yin wuna maaj awasapwiy duw takwak.”

APOSEL 12:1

A nyaam Juw dayadi yitaypika duw, Yirat jawjaay kwurdidiy Kristen duw takwaam.

APOSEL 4:27

“Ki maaj bwu maykaar wakwuna. Aw Yiratawa Pantiyas Paylatawa, Yisrayil tipa kidiywa, nuwukadiy tipa kidiywa ki tipaam vagaluwdiy. Vagaluwkuw, day kupwaraap kwurik minadi Viyakita Yawiy Duw, minadi Tasakwu-minidi Duw Jisasak.