MATIYUW 11:23 - Nupela Testamen long tokples Manambu

^23-24 “Aw gwur, Kapanam tipaam kwanadiy duw taakw, gwur wakwanadiygwurik, ‘Nyan adawul tipaar warkidiyan’. Aw gwur war maa. Gwur kupwarapa tipaar dakidiygwurik! Li wun adi tayir God yiy wapataka-didi tip, Satam, adiy gwurak kwurtuwdiy nimadiy yawiy pik dayak kwurik-tuwa, adi tip ki kupwaam kida rikik-da. Gwur yara awuk! Ginyir God dikidi nimadi kot im rikidi nyi, adiy Satam tipaam kwadiy duw taakw kupwaraap kwurkidadiy. Aw gwuraam mwiya kupwaraap God kwur-kidadiygwurik!”

MATIYUW 11:23 Iomraidhean Croise

MATIYUW 10:15

“Gwur ki maaj yara awuk. Ginyir God dikidi nimadi kot rikidi nyi, di abir tayir ribir tip Satamawa Gamara, abir tipa kidiy vaal yidiy duw takwak maa wakidadiy. Aw li gwurak maa wakinadiy duw taakw adiy mwiya maa wayakiyaki-kidadiy!”

MATIYUW 16:18

“Min Pita-dimin, minadi si maw maaj kabaak-ad. Aw wunadiy gwalugwa duw taakw adi apiy kabakim vagaruwtaka-kituwadiy. Ababa kupwa kidiy jaav dayadiy ap wunadi gwalugwum kakil-kakil rav maa. Aw wunadi gwalugw samab kwas maa kidi kupwaam.

MATIYUW 17:24

Jisas dikidiy kalivadidiy duwawa Kapanim tipaar ata yidiy. Yikuw, God diki gaba maja wiy kidiy takis kwurdiy duw day Pitaak yakuw, ata bas sidaad, “Gwuradi kaliva-kwanadi duw di God diki gaba maja wiya takis yapiykwanaad, ay maa?”

MATIYUW 4:13

Di diki tip Nasaritaam maa kwu. Nasarit wapakuw, di Galiliy mala araam ril tip Kapanim, arir yad. Kapanim wadana tip, Sipulanawa Naptaliy, abir tamiyaam ral.

MATIYUW 8:5

Jisas Kapanam tipaar wuladik, Roma vay sawdiy duw duwamiy tabab dayadi sapakwa nyan dikik yikuw, ata Jisasak nimadib bas sidid, “Yitaypika duw, wunadi yawiy nyan dikidiy ap bwan kiyadak, wiyaam rinaad. Miyawa sip kagil yikwana.”

LUK Sukwudil Maaj. 10:15

“Aw gwur Kapanam tipaam kwanadiy duw taakw, gwur wakwanadiygwurik, ‘Nyan adawur tipaar warkidiyan,’ aw gwur war maa. God mwugiydik, gwur kupwarapa tipaar dakidiygwurik!”

LUK Sukwudil Maaj. 14:11

“Ababa duw taakw day dayak yisuw pik tikir yawiy kwurkidiy, aw God mwugiydik, adiy duw taakw yisada pik tikidiy. Aw ababa duw taakw day yaakiya wakidiy day yisada pik tikir, aw God mwugiydik, atampika duw taakw day yitaypik tikidiy.”

LUK Sukwudil Maaj. 16:23

“Adi saan samasam tidi duw kiyakwanadiy vaal yidiy duw taakw dayadi tipaam tikuw, kagil samasam diki sipaam yilik, kituw vikuw sikaam Aparam, Lasaras dikiwa walibab tidik, vidibir.

LUK Sukwudil Maaj. 4:23

Di dayak ata wadidiy, “Ki wakwagwura kwasa maaj, ‘Dokta, mina giviyib min mina asipwutiy,’ wun lakwutuwa gwur wunak wakigwuradiwun. Niki maaj ab wakigwuradiwun. Gwur wakigwura, ‘Nyan minadiy Kapanam tipaam kwurminidiy nimadiy yawiy bwu wukibadiy. Aw min atampika yawiy ki min minakil tipaam akwur.’

APOSEL 2:27

Wunaki mawul, min wap maa kiyanadiy duw taakw daya tipaam kwakwak. Min wamina mina viyakita yawiy duw diki amwiy pwuk yaay maa kawamiyaam.

APOSEL 2:31

“Davit God diki kwurkida yawiy lakwudil. Di lakwudil God dikidi Tasakwudidi Duw kiyakuw ridik, God kirapitaka-kidaad. God Jisasaam maa wap kiyanadiy duw taakw daya tipaam. Aw diki amwiy pwuk maa yaay.

JUT Sukwudil Maaj 1:7

Awarab kibir vitiya nimabir tip Satamawa Gamarak awuk. Awarab adiy birikawa walibab ridiy tipak. Adiy tipa kidiy duw taakw dayabab kidiy suwaal takatak tikwanadiy gaba maja duwawa adiy tayir God diki maaj kardadiy duwa pik dayadiy mawul wardiy bwal as kaytik kip yabim vaal yibagwuk. Aw day atawa kwurdalik tikuw, aw God yiy wayakidik dakuw, adiy miyawa tipawa adiy tipaam kwadiy duw taakw miyawa sipakwudidiy yiyaar. Aw ki God kwurdil jaav duw takwak titaay simakaladiy atawa di adiy vaal yiyi tikwanadiy duw takwaam miyawa sipakwu-kidadiy kwas maarkwana yiyaar waan.

REVELESEN 1:18

“Wun kip nyi bap van kwanadiwun. Tayir wun kiyadiwun, aw kita wun aka kip nyi bap van kwayanadiwun. Aw wun kip nyanyi nyanyi kwaya-kwanadiwun. Atawa kwurkuw, wun bwu adi duw takwaam mwugiydik kiya-kwadanadi yaab kakiltuwid. Aw kita wun aka van tinadiwun adiy God dikidiy mama nib nyanyi nyanyi kupwaraap kwayakidana tipaam.

REVELESEN 11:8

Aw birikibir amwiy kipa yabim rikinabir, adi nimadi tip dikidi yabim. Aw nyan adi tip kitawa sikiy-kwabanaad, “Sodom” ay “Yijip” waan. Nyan aal pakwun rikwana majir bwuladiyan. Akaan aka, aal tipaam duw taakw birikidi Yitaypika Duwaam maap tidi miyaam katadaad.

REVELESEN 20:13

Aw wun ata vituwidiy adiy tayir solwara am kiyadiy awarab adiy adi kupwarapa kiyadiy duw taakw dayadi tamiyaam kwadiy wardaak. Adiy miyawa kiyadiy duw taakw abab alim tidiy. Day abab adiy tayir kidi kupwaam kwadadiy sikir kwurdadiy yawiyib yawiyib sibinin maa kwurdadiy.

REVELESEN 6:8

Aw ata maa vituwid lakiykalakiy hos. Adi hos bwunim ridi duw dikidi si aad Kiyakiy-ad. Aw adi duw diki bwunwa diki kwukim ridi duw dikidi si aad Kiyadiy Duw Taakw Dayadi Tip-ad. Kidi kupw guw aliy kajadid aw guw nak adi Duwa Badiy Sipsip tasakwudil birkil tilikikik. Atawa tasakwudil aw mwiyir bir aal guw nak likidiy duw takwaam miyawa viyasipa-birkik wariyaar, kaam kamik kiyaan, giviyibaar, awarab nuwukadiy sapiy animal aar dayaam viyasipa-dakik.