JAMIS 3:9 - Nupela Testamen long tokples Manambu

⁹ Aw nyan adi tikalaar nyanadi Yitaypika Duwawa Asaay Godak wayapiy sikwanadiyan. Awarabab adi tikalaar maa adiy God di diki mil mwutaam kaytik yitaka-didiy duw takwak wariya maaj wakwanadiyan.

JAMIS 3:9 Iomraidhean Croise

MATIYUW 26:74

Pita ata kupwarapa maaj wakuw, wadidiy, “Wuna maaj mwiyir ti maarlik, God wunaam viyakwaad. Wun gwur wadi duw wun maa laakw.” Ata wadik, tapwuk ata waad.

MATIYUW 5:44

“Aw wun wuna watuwadiygwurik gwuradiy mawul gwuradiy mama nibak yikwadiy. Aw li duw taakw jawjaay gwuraam kwurdaak, Godak bas as adiy duw takwak. Atawa kwurkuw, gwuradi adawul tipaam kwanadi Asaay dikidiy nyanugw tikinadiygwurik. Aw di viyakita jaav kwurkwanaad adiy kupwarapawa viyakita duw takwak nakamwiyib dayak kwurkwanaad. Di mwugiydik, nyi day ababak si kwanaad. Waal ab day ababak jakwanaad.

APOSEL 2:26

Wuna mawul rakarak tina ki javik. Alik wuna majik rakarak tinadiwun. Wun wukinadiwun wun kiyakuw, wun yara kwakinadiwun. Alik wun kiya-kiyak yaag maa.

Pol Diki Sukwudil Maaj ROM Tipa Kidiy Kristen Duw Takwak 3:14

Day nuwukadiy duw takwak yaal girakuw, sapis jikin kwurkwadanadiy dayak.

1 KORIN 11:7

Duw day God dikidi apawa gilabadiy pik kwasa mwiy tikir kwurnadiy. Alik tikuw, aw li day dayadiy abw takatipi-kidana duw taakw vagaluwkuw Godak gaba maaj sukwuk, aal maa rav. Aw taakw day duw daya apawa gilabadiy pik kwasa mwiy tikir kwurnadiy.

YIPASIS 1:3

May nyan, Godak wayapiy sinaak, adi nyanadi Yitaypika Duw Jisas Krais dikidi Asayik. Aw nyan mwiya mwiyab Jisas Krais wukin nak tibanalik tikuw, di bwu miyawa yabir sukwasukw kwurdidiyan di dikidi Mawul kwiydidiy adawur tipa kidiy apaar. Alik tikuw, aw God atawa kwurdalik tikuw, may nyan dikik wayapiy sinaak.

JAMIS 1:27

God, nyanadi Asaay, diki mawul wana adiy mwiyir dikik gaba maaj sukwu-kwanadiy Kristen duw kitampika yawiy kwurdakik: Day sugwiyaan kwurkwadiy adiy amaay asaay kiyadaak yagil yinadiy nyanugwawa tawtakw kwanadiy takwak. Aw day yarakara galab kwurkwadiy vaal yikik-nadiy, kidi kupwa kidiy vaal dayaam lagwuk kwurdaak.

JAMIS 3:10

Godak wayapiy sibana majawa duw takwaam vasisada wabana maaj, abir maaj daay nikir wakwunabir. Alik tikuw, wun watuwadiygwur, wunadiy Kristen gwalugwa duw taakw, atampika sukw aal mwiyir maa rav. A sukw wapanaak.

1 PITA 1:3

May nyan Godak wayapiy sinaak. Adi nyanadi Yitaypika Duw Jisas Krais dikidi Asayik. God di mwiya mwiyaba mwiya nima mawul nyanak wukidil. Tayir aw Jisas Krais kiyadik, di kirapitakadid. Aw aal yawiy danik tikuw, di bwu mwugiy-didiyan kwuladiy duw taakw di dikidiy gwalugwum tibakikik kwuladiy mawul nyanak kwiykuw. Aw kita nyan mwiya kapaba yabim kwanadiyan mawulaar lakwukuw, rakarak titaay kavin kwakwanadiyan adiy nyanak kwulapwu-dadiy miyawa jaav kwurkibana nyak. Adiyka adawur tipab rinadiy. Alim adiy jaav samab pwuk yay maa. Day kip alib rikinadiy. Gwurak kip kavin kwurgwurkik, alir warkuw.