JAMIS 2:23 - Nupela Testamen long tokples Manambu

²³ Aw ki God diki lapa nyigaam rina maaj ata mwiya mwiyab tal. Li wana, “Aparam Godak wukijibir tidil mawulak tikuw, God tasakwudid, ‘Mwiyir tinaad’, diki milaam.” God maa Aparamik wadid, “Min wunadi kapa duw-adimin,” wakuw.

JAMIS 2:23 Iomraidhean Croise

MAK Sukwudil Maaj. 12:10

“Ki God diki lapa nyigaam rina maaj vigwura, ay maa? ‘Adi kabaak, tayir wiy kwurdiy duw maa wadiy dikik, Kita nimadi kabaak abwa tibawa rinaad. Yitaypika Duw a jaav kwurdil, nyan vikuw, ata paynadiyan.’”

MAK Sukwudil Maaj. 15:27

Luwkuw kwurin, duw viyaan kwurbir duw day maap tibir miyaam katadabir Jisasawa, nak diki mava tabaam, nak diki akiy tabaam.

LUK Sukwudil Maaj. 4:21

Di dayak ata wadidiy, “Kita, ki nyi, wun kidiy maaj gwurak watuwik, adiyka mwiya mwiyaba maaj aka tina.”

APOSEL 1:16

Di dayak wadidiy, “Gwur wunadiy gwalugwa duw taakw, gwurak waaw. Tayir God dikidi Mawul Davit diki mawulaam sisuwdik, Davit maaj sukwudil Juwtas Yiskariyat-ak. Di waad ginyir Juwtas nuwukadiy duwak sugwiyaan kwurdik, day Jisasaam kalakwu-kidanaad wakuw. God wadik, ki sukwudil maaj aal bwu maykaar wakwul.

Pol Diki Sukwudil Maaj ROM Tipa Kidiy Kristen Duw Takwak 11:2

Adiy Juw duw taakw mwiya tayib di tasakwu-didiy dikidiy tidakikik, aw di dayak samab maa lakw wu. Gwur lakwugwura God diki lapa nyigaam diki maaj wasapwiydi duw Yilayja dikik maaj wadid adiy Yisrayil duw takwak.

Pol Diki Sukwudil Maaj ROM Tipa Kidiy Kristen Duw Takwak 9:17

Ki God Para-ak wadil maaj day sukwadaal God diki lapa nyigaam. “Wun mwugiy-tuwdimin Yijip dayadi yitaypika duw timinkikik. Wun atawa kwurtuwil aw mwiyir adiy minaam kwurkituwadiy yawiyir wuna ap kidi kupwaam kwanadiy miyawa duw takwak simakak. Aw simakakuw, day wunadi si lakwudakik.”

GALATIYA 3:22

Aw atampik lo maa ti ya. Aw God diki lapa nyig bwulana miyawa duw taakw vaal tabaam tinadiy aw mwiyir God kwiydikik aal tayir aban takadil jaav adiy Jisas Kraisak wukijibir tikinadiyik wakuw.

GALATIYA 3:6

Aw li gwur wukijibir tikigwura, maaj kika rina ki javik. God diki lapa nyigaam wala Aparamik: “Aparam di Godak wukijibir tad. Aw di atawa Godak wukijibir tidil mawulak tikuw, God tasakwudid diki milaam mwiyir tidikikik.”

2 TIMOTIY-AK 3:16

Adiy ababa God diki lapa nyigaam rinadiy maaj God di diki duw dayadiy mawulaam sisuwdikib day adiy maaj sukwudadiy. Kidiy God diki lapa nyig liki yawiy aal God diki mwiyir tikwana maaj duw takwak titaay kalivalikik, duw taakw dayadiy vaal simaka-likik, duw taakw dayadiy vaal lakatiy-likik, duw takwak walakwu-likib day yarakara kwadakikik.

JAMIS 2:24

Aw gwur awuk! Duw taakw dayadiy wukijibir tidanadiy mawula danik kap mwiyir ti maa God diki milaam. Aw dayadiy viyakita kwurkwadanadiy yawiyik ab God tasakwu-kwadadiy diki milaam mwiyir tidakikik. Atampika yawiy simaka-kwanadiy adiy duw taakw Godak mwiyir wukijibir tikwanadiy wataay.

1 PITA 2:6

God diki lapa nyigaam di diki God Jisas Kraisak bwulanaad. Aw aal maaj kitawa wana: “Sayan tipaam wun wunadi wiy kwurkituwaad. Wun adi wiy mwiya subw yikwanadi viyakita kwatir kwurkituwaad. Aw adi wun wuna tasakwujibira-tuwid. Aw adiy miyawa dikik wukijibir tikinadiy duw taakw, dayadiy mawul samab kiyalikiyim ni maa.”