JAMIS 2:12 - Nupela Testamen long tokples Manambu

¹² Nyan vaal tabaam tibaak God nyigil-didiyan aw mwiyir nyan adiy Jisas Krais rakarak tikidadiy jaav kwurbakik. Alik tikuw, gwurakil yarakara gwuradiy kwurgwuradiy yawiywa bwula-gwuradiy majik aw ata God gwuraam jawkuw, jawjaay kwurik-dadiygwur.

JAMIS 2:12 Iomraidhean Croise

LUK Sukwudil Maaj. 4:18

“Yitaypika Duw God tasakwu-didiwun diki viyakita maaj wasapwiy-tuwkik saal yinadiy duw takwak. Alik God dikidi Mawul wunaam tikwanaad. God wayaki-didiwun adiy vaal tabaam kwanadiy duw takwak wakuw, dayaam takatipin tinadi vaal likidi yaab wapadakik, adiy mil kwakinadiy duw takwak wakuw, day mwiyir vidakikik, adiy duw taakw nuwukadiy duw jawjaay kwurnadiy dayaam, dayak wakuw, day yara kwadakikik, adiy ababa duw takwak watuwkikik God diki yarakara duw takwak kwurkida nyi aka tina wakuw.”

GALATIYA 6:2

Gwur gwurak awarwa awarwa sugwiyaan adiy gwuradiy nyidim warkinadiy valim akwur. Aw gwur atawa kwurkigwura, aal gwur Jisas Krais diki majib wuki-wukib tikigwuraala.

PILIPAY 4:8

Wunadiy Kristen gwalugwa duw taakw, wunakil wakwusi-kituwa maaj aal kika. Gwuradiy mawul adiy viyakita javida wapwurukwun tikwadiy. Adiy mwiyir tikwanadiy yawiy, Adiy viyakit tikwanadiy yawiy, Adiy tuwaam nanadiy maaj, Adiy tugwaam nanadiy mawul dayadiy yawiy, Adiy wav yinadiy jaav, Adiy jaav day viyakit tikwanadiy duw taakw dayadiy milaam. Atampika jaav gwur gwuradiy mawul mawulab rikwadiy.

KALASAY 3:17

Gwur Yitaypika Duw Jisas dikidiy duw taakw tigwuralik tikuw, alik gwur gwuradiy maaj yarakara abwul. Gwur gwuradiy yawiy yarakara akwur. Gwur Jisas Krais dikidiy duw taakw tigwuralik tikuw, alik gwur Godak wayapiy as Jisas Kraisaar a javik.

JAMIS 1:25

Aw li adi duw God diki mwiyir tina lo majib, aal duwaam kugwasakwu-kwana majib, mawulaar wukin tikuw, aal li waladiy yawiy kwurkida, ata God sukwasukw kwurkinaad adi duwak dikidiy kwurdadiy yawiyik.

JAMIS 2:8

Ki God diki lapa nyigaam rina lo dikidiy nuwukadiy lo-aam yitaypik tina. “Gwur gwuradiy sipak mawulaar wuki-kwagwura pik, atampik adiy gwurawa walibab kwanadiy duw takwak ab mawulaar awuk.” Aw li gwur ki lo majib wuki-kigwura, gwur viyakita yawiy kwurkidiygwur.