APOSEL 9:10 - Nupela Testamen long tokples Manambu

¹⁰ Damaskasaam Jisasak wukijibir tidi duw nak kwaad. Dikidi si Ananayas. Di yigin vidil. A yiginim Yitaypika Duw Jisas dikik wadid, “Ananayas.” Di Jisasak wadid, “Yitaypika Duw, kilim kwanadiwun.”

APOSEL 9:10 Iomraidhean Croise

APOSEL 10:3

Giraab nyi mugwul tidik, di yigin vidil. Di vidid God dikidi maaj kardadi duw dikik yakuw. Di Kaniliyasak wadid, “Kaniliyas!”

APOSEL 12:9

Pita diki kwukib yikuw, kawaar yibir. Aw di maa laakw adi maaj kardadi duw mwiyir tad. Diki mawul ata waal, “Yigin vinadiwun.”

APOSEL 16:10

Pol yigin vikuw, nyanadiy jaav ata kwulapwu-badiy Masataniyaar yikir. Aw nyan wukibaal God diki mawul nyan diki Viyakita Maaj a tamiya kidiy duw takwak wasapwiy-bakik.

APOSEL 16:9

Gaan nak Pol yigin vidil. Di duw nak, Masataniya tamiya kidi duw, vidid. Adi duw rapin tikuw, wasakwudid, “Min Masataniy-aar may. Yakuw, sugwiyaan akwur nyanak!”

APOSEL 18:9

Gaan nak Pol yigin vidil. A yiginim Yitaypika Duw dikik wadid, “Min yagatikwa. Wun minawa tikwanadiwun. Alik min wuna maaj wasapwiybagwu-kimina. Ki yawiy wapaway. Wunadiy duw taakw samasam ki tipaam tinadiy. Alik minadiy mama nib minaam jawjaay kwar maa.”

APOSEL 2:17

‘God wanaad, “Kwukir rikinadiy nyaam kidiy jaav taay kwurtuwik, ginyir kidi kupw kwusikinaad. Wun wunadi Mawul kwiytuwik, di ababa duw taakw dayadiy mawulaar wulakinaad. Di dayadiy mawulaar wulakuw, gwuradiy duwa nyanugwawa takwa nyanugw wuna mawulaam rinadiy maaj wasapwiy-kidanadiy. Gwuradiy badiy duw wunadiy simaka-kituwadiy jaav vikidanadiy. Gwuradiy apaan duw dayak kwiytuwik yigin vikidanadiy.

APOSEL 22:12

“Alim duw nak, dikidi si Ananayas, kwaad. Di Godak gaba maaj sukwudi duwad. Di nyana lo wab wukidil. Ababa Damaskasaam kwadiy Juw wadiy, ‘Di viyakita duwad.’

APOSEL 9:12

“Yiginim duw nak vidid. Adi duw dikidi si Ananayas, dikik yakuw, taab dim takadibir di vidikikik maa dikibir mil.”

APOSEL 9:9

Nyi mugwul dikibir mil kip tibir. Di kipaat guw maa ki.

2 KORIN 11:32

Tayir wun Damaskas tipaam kwatuwil sikir, adi duw adi yitaypika duw Aritas tasakwudid aal tipak van tidikikik, di wunaam kalakwuk tad. Di wadidiy miyawa adi tipak takatipidadi kabaka yaripaam tidiy wiyigaam vay sawdiy duw van tidakikik aw day wunaam kalakwu-dakik. Aw wunadiy kapa nyanugw aal maaj wukikuw, day wunaam nimadi wurim vagakuw, ata nimadi yavir adi wurim jikuw, kupwaar kwusidataka-dadiwun kawaar, adi nimadi kabaka yaripaam til kwasa tupwur. Wunaam kawaar kwusakwu-takaan napadaak, wun ata tabwudiwun adi Damaskas tipak van tidi duwak.

GALATIYA 1:17

Aw wun Jiruwsalimaar ab maa yi adiy wuna tayir Jisas Krais dikidiy diki maaj karaydiy duwak bas sikir God dikiwa titak. Atawa kwur-yaay, wun Arapiya tamiyaar yidiwun. Yikuw, ginyir ata Damaskas tipaar maa sibinin yadiwun.