APOSEL 7:2 - Nupela Testamen long tokples Manambu

^2-3 Stivin ata wadidiy, “Gwalugwa duw, sapakwa nyanugwa, wuna maaj awuk! Mwiya tayir nyanadi warag, Aparam, Misapatamiya tamiyaam kwaad. Di Aran tipaar maa nibway yi. Aw viyakita ap tinadi God dikik wakwudik, ata wadid, ‘Min minadiy gwalugwa duw takwawa mina tipawa wapaan niki simakakituwa tipaar maay.’

APOSEL 7:2 Iomraidhean Croise

LUK Sukwudil Maaj. 2:14

Day ata wadiy, “Adawur tipaam kwanadi Godak wayapiy sinaak. Adiy kidi kupwaam kwanadiy duw taakw dayaam God rikarik kwurkuw, aal kwusida-takaan tikwana mawul kwiydadiy!”

JON Sukwudil Maaj. 1:14

Kidi Maaj ada bwutaay mwiya mwiyaba duw suwulid. Suwulkuw, ada nyana nyidim tad. Nyana nyidim tidik, nyan aal mwiya viyakita ap ata vibaal, di dikid Asaay di dikidi nakamwiya Nyinib tidik, God diki sukwasukw tikwana mawulawa diki mwiyir tikwana maaj ab dim tibir.

JON Sukwudil Maaj. 12:41

Tayir Aysayak God simakadid adi Jisas dikidi kwurkidadi nimadi apawa gilabadiy. Alik tikuw, atawa bwuladilal Jisasak tikuw.

APOSEL 22:1

“Gwur duw, nyamwus, mwaam, asaay, wuna maaj awuk. Wun gwurak wakir agwa javadiy kwurtuwdiy.”

APOSEL 23:7

Ki maaj wakuw, adiy Parasiy-awa Satuwsiy kajakuw, awarwa awarwa maaj warjuwdiy.

APOSEL 7:1

Yitaypika pris Stivinak bas sidid, “Ki maaj, mwiya maaja?”

1 KORIN 2:8

Kidi kupwa kidiy yitaypika duw samab daya duw nakab maa lakwun ti kidiy God dikidiy maaj dayadiy maaw maaj. Aw li day lakwuk-dana, aal akis wakik-nadiy nyanadi Yitaypika Duwaam maap tidi miyaam kata-dakik, adi miyawa ap dayadi maaw duwaam.

TAYTAS-AK 2:13

Atawa kwurin napakuw, yaakiya, nyan rakarak titaay kavin kwakidiyan Jisas Krais diki mwiya viyakita sibinin dakida Nyak. Adi nyanadi Nyigildi Duw God dakida Nyak. Di maykaal wakwu-kinaad nima kariyakina lait-awa.

YIPIRUW 1:3

Di Goda pik tikuw, di God dikidi nimadi ap simakadid kariyanadi lait kitik. Di diki bwuladi maaj apaar adiy ababa yitakadidiy jaav kip dayadiy tamiyab tikwanadiy. Di duw taakw dayadiy valik kiyakuw day mwiyir tidakikik, di God diki mava tabaam yitaypika duw tamiyaam ata daan rad.

YIPIRUW 11:8

Aw Aparam Godak wukijibir tidil mawulak tikuw, aw God dikik wadik, adi di dikidi kapa jaka tip wapakuw, nikidi jaka tipaar yidikikik, adi God dikik ginyir kwiyik aban takadidi jaka tipaar, di God diki majib wuki-wukib tad. Aw Aparam God diki majib wukikuw, ata di dikidi kapa jaka tip wapadid, adi di laakw maardadi tamiyaar yiyak.

JAMIS 2:1

Wunadiy Kristen gwalugwa duw taakw, gwur nyanadi mwiya viyakita Yitaypika Duw Jisas Kraisak wukijibir tinadiygwur. Alik tikuw, gwur adiy si rinadiy duw takwa danik dayak yarakara kwurkuw, adiy si ri maarnadiy duw takwak jaaw kwur-wayik.

REVELESEN 4:11

Takakuw, day kitawa song tidiy, “Min nyanadi Yitaypika Duw-adimin. Min nyanadi God-adimin. Aw min adiy miyawa jaav yitaka-minilik tikuw, min rivi-kwanadimin nyanadiy sukwu-banadiy gaba maaj kwurkwurik, aw nyan minadi saam yakisuw takatakak. Miyawa ap adiy min minadiy-adiy. Aw min mina mawul warkuw, alik miyawa jaav yitaka-minidiy.” Akaan aka. Day atawa dikik song tidaad.