APOSEL 5:21 - Nupela Testamen long tokples Manambu

²¹ Day diki majib wukikuw, aw ganbab God dikidi wiyaar wulakuw, duw takwak kalivadadiy. Yitaypika pris awa diwa kwadiy duw yadaak, day ababa Kaunsil duwawa Yisrayil sapakwa nyanugwak day yaan vagaruwdakik gaam sidiy. Yaan vagaluwkuw, day maaj wadaak, yala kalabus im ridiy duw yadakikik dayak.

APOSEL 5:21 Iomraidhean Croise

MATIYUW 5:22

“Aw wun watuwadiygwurik li duw nak wariya kwudiy wakinaad dikidi kapa duwak, adi duw kot im tikinaad. Aw li duw nak dikidi kapa duwak wakidaad, ‘Min kwam yiyi tikwanadi duw-adimin,’ waan, adi duw yitaypika kaunsil kot i tikinaad. Aw li duw nak dikidi kapa duwak kupwarapa sapis jikin kwurkinaad, adi duw yiy yanin tikwana tamiyaar yikinaad, ay maa?

LUK Sukwudil Maaj. 22:66

Ganib tilik, Juw dayadiy sapakwa nyanugwawa sapakwa nyanugw pris awa God diki lo kalivadiy duw day vagaluwkuw, vay sawdiy duw ata Jisas kwurin karaydaad adiy Juw dayadi nimadi kaunsil ak.

JON Sukwudil Maaj. 18:35

Aw Paylat Jisasak ata wadid, “Min wukimina wun Juw duw-adiwun wakuw. Alik atawa waminadiwun, ay? Adiy min minadiy kapa jaka tipa kidiy duwawa yitaypika pris adiy wunak minaam kwurkuw kariyanadiy. Agwa vaala yiminil?”

JON Sukwudil Maaj. 8:2

Aw sira pik mwiya ganbab Jisas maa ata sibinin yad God dikidi wiyaar. Aw adiy miyawa duw taakw ata vagaluwin ridaak, aw di dayadiy nyidim daan rikuw, ata dayak ritaay kalivadidiy maa.

APOSEL 22:15

“‘Ginyir min diki maaj wasapwiy-kimina. Min ababa duw takwak wakiminadiy adiy viminidiy javiwa adiy wukiminidiy javik.

APOSEL 22:5

“Yitaypika pris, Kaunsil duw, day abab gwurak wakwadiy wuna maaj mwiya maaja. Day lapa nyig wunak kwiydadiy karaytuwkik Damaskas tipaam kwadiy Juw gwalugwa duwak. A lapa nyig waal wun Damaskasaar yikuw, nuwukadiy Kristen kalakwukuw, dayaam sen aar jikuw, Jiruwsalimaar kwurin kariya-kituwadiy dayaam jawjaay kwurdakik.”

APOSEL 5:17

Aw yitaypika pris awa, diwa kwadiy duwawa, adiy Jiruwsalimaam kwadiy Satuwsiy bapa duw, dayadiy mawul maa wadiy Jisas dikidiy wayakididiy duwak.

APOSEL 5:27

Day kwurin kariyakuw, Kaunsil daya nyidim alim tidiy. Yitaypika Pris bas sididiy, “Nyan gwurak nimadib wabadiygwur, ‘Gwur maaj wasapwiyway adiy duw takwak Jisasak.’ Gwur maa wakuw nyana majik, gwura maaj ababa Jiruwsalimaam kwanadiy duw takwak kaliva-gwuradiy. Gwur dayak wagwura, ‘Adiy Kaunsil duw Jisasaam viyasipadaad.’”

APOSEL 5:34

Parasiy nak, dikidi si Gamaliyil, ata rapid. Di God diki lo kalivayi-kwaad. Ababa duw taakw wadiy di viyakita duw tad. Di rapikuw, wadidiy, “Kidiy duw kwurin akaraakw.” Wakuw, di Kaunsil duwak ata wadidiy, “Gwur Yisrayil duw, gwur yarakara wukin tikuw, taay awuk.

APOSEL 5:41

Kaunsilaam wapakuw, day rakarak tidiy God yaakiya wadilik kupwarapa jaav dayaam yadakikik Jisas diki danik tikuw.