APOSEL 2:17 - Nupela Testamen long tokples Manambu

¹⁷ ‘God wanaad, “Kwukir rikinadiy nyaam kidiy jaav taay kwurtuwik, ginyir kidi kupw kwusikinaad. Wun wunadi Mawul kwiytuwik, di ababa duw taakw dayadiy mawulaar wulakinaad. Di dayadiy mawulaar wulakuw, gwuradiy duwa nyanugwawa takwa nyanugw wuna mawulaam rinadiy maaj wasapwiy-kidanadiy. Gwuradiy badiy duw wunadiy simaka-kituwadiy jaav vikidanadiy. Gwuradiy apaan duw dayak kwiytuwik yigin vikidanadiy.

APOSEL 2:17 Iomraidhean Croise

LUK Sukwudil Maaj. 3:6

Atawa kwurgwur gwuradiy kwakwagwuradiy yabik, miyawa duw taakw ata vikidanaad ata ata God dayaam sugwiyaan kwurkidadiy.’”

JON Sukwudil Maaj. 17:2

“Min bwu tasakwumindiwun miyaw tuw takwaam van tituwkikik, aw wun mwiyir adiy wunadiy tikinadiy duw takwaam mwugiytuwik viyakita mwiy nyanyi nyanyi minawa kwayadakik.

JON Sukwudil Maaj. 7:39

Jisas dayak wadil aw adiy dikik wukijibir tikuw, aal kwurkidana God dikidi Mawulak, bwuladil aal. A nyi God Jisasaam maa nibway adawur tipaar kwurin kawaar apawa kwadikikik, aw di dikidi Mawul duw takwak maa kway nibway.

APOSEL 10:45

Adiy Pitawa yadiy Juwa Kristen vikuw, pitaan wardiy God dikidi kip kwiydidi Mawul nuwukadiy tipa kidiy duw takwaam ab kwiydid.

APOSEL 11:27

A sikir nuwukadiy God diki maaj wasapwiydiy duw Jiruwsalim wapakuw, Antiyakaar dadiy.

APOSEL 11:28

Duw nak, dikid si Akapas, rapikuw, God dikidi Mawul dikik simakakuw, di dayak wasapwiydidiy ginyir kikipaat ri maa ababa tipaam. Ginyir, Kilatiyas Rom daya yitaypika duw tidik, Akapas wasapwiydil jaav maykaar wakwul.

APOSEL 2:16

“Tayir God diki maaj wasapwiydi duw, si Jawil, ki maaj wadil ki javik:

APOSEL 2:18

A nyaam wunadi Mawul kwiytuwik wunadiy yawiy duw takwak ab, dayadiy mawulaar wulakinaad. Dayadiy mawulaar wulakida, day wuna mawulaam rinadiy maaj wasapwiy-kidanadiy.

APOSEL 2:33

“God Jisasaam kwurin kawardik, di God diki mava tabaam rinaad kita. God dikidi Mawul Jisasak kwiydid, tayir lakatiydil maaj kitik. Aw kita Jisas God dikidi Mawul kwiydid nyanak. Kita wukikuw, adika vigwuraad.

APOSEL 21:9

Pilip dikidiy takwa nyanugw aliy day duwak maa ri. Day God diki maaj wasapwiydiy.

Pol Diki Sukwudil Maaj ROM Tipa Kidiy Kristen Duw Takwak 5:5

Nyan kipakip atawa mawul yan kavin maa kwu. Aw God dikidi nyanak kwiydidi Mawul nyanadiy mawulaam God diki nyanak yidil mawul takadil. Alik tikuw, nyan mwiya lakwu-kwabana God dikidiy nyanak takadidiy aban mwiya mwiyab tikidiy wakuw.

1 KORIN 12:10

God dikidi Mawul nuwukadiy duw taakw dayadiy mawulaam sisuwdikib, day alik nimadiy yawiy kwurkwanadiy. Di mwugiydik, nuwukadiy duw taakw day alik God diki Viyakita Maaj wasapwiy-kwanadiy. Nuwukadiy duw taakw alik lakwu-kwadanadiy agwa ap-adiy God dikidi Mawulaam tikuw yanadiy, aw agwa ap-adiy wudib mawulaam tikuw yanadiy wataay. Nuwukadiy duw taakw day alik adiy day laakw maarkwadanadiy niki kwudiy niki kwudiy bwula-kwanadiy. Nuwukadiy duw taakw day alik adiy kwudiy dayadiy mwiya maaw maaj wasapwiy-kwanadiy.

1 KORIN 12:28

Di dikidiy duw taakw, dayadiy nyidim God tasakwu-dadiy kidiy yawiy kwurdakik: Yitaypik tidakikik ti tasakwudidiy nuwukadiy duwaam diki maaj karaydakik. Daya kwukib nuwukadiy duwaam tasakwu-kwadadiy diki dayak simaka-dadiy maaj wasapwiydakik. Aw daya kwukib nuwukadiy duwaam di tasakwu-kwadadiy diki maaj kaliva-dakik. Aw ata nuwukadiy tasakwu-kwadadiy nuwukadiy nimadiy yawiy kwuradkik. Nuwukadiy adiy giviyib kwur-kwanadiy duw taakw sipwutiy-dakik. Nuwukadiy adiy nuwukadiy duw takwaam sugwiyaan kwurdakik niki yaab niki yabik. Nuwukadiyik adiy nuwukadiy duw takwaam val kwurdakik. Nuwukadiy adiy day laakw maarkwadanadiy nuwukadiy bwula kwudiyir bwula-dakik.

YIPIRUW 1:2

Aw kita kidiy nyab di dikidi Nyinir wadidiyan. Dikidi Nyinir ababa jaav yitakadidiy. Nyi, bap, tugwiy, kwungar, kidi kupwawa miyawa dikim rinadiy jaav yitakadidiy. Ginyir kidiy ababa jaav kwusidaak, God bwutaay tasakwudidiy day dikidiy tidakikik.

JAMIS 5:3

Gwur gwurak gol awa silva vagaruw yakuw, aw adi aba giny kupw kwusikidadi nyi ada walibab tinaad. Adiy saan bwutaay kupwaraap tidalik tikuw, aw day simaka-kidanaal gwur viyakita yawiy maa kwar wakuw. Alik gwurawa gwuradiy niki jaav niki jaav nakamwiyib sipakwun tikinadiygwur.

2 PITA 3:3

Taay mwiya taay, wun gwurak ki javik wajibirak. Aal nyaam, Jisas Krais kidi kupwaar sibinin da maardik nibway, adiy day dayadiy mawul kwurik warkwadanadiy jaav kwurtaay kwakinadiy duw wadiyka gwuradiy nyidim tikidiy. Titaay, gwuradiy nyidim wajibay-bagwukidiy.