APOSEL 19:3 - Nupela Testamen long tokples Manambu

^3-4 Pol ata bas sididiy, “Agwa baptais kwurgwuril?” Day wadaad, “Nyan Jon diki baptais a kwurbaal.” Wadaak, Pol wadidiy, “Duw taakw day dayadiy valik bwan kwiykuw, Jon diki baptais kwurdaal. Di Yisrayil duw takwak yarik yididiy nikidi duw diki kwukir yakinaad. Day adi duwak wukijibir tikidanaad wakuw. Adi duw di Jisasad.”

APOSEL 19:3 Iomraidhean Croise

MATIYUW 28:19

“Aw gwurak waaw, kidi kupw miyawa tamiyaar yikuw, ababa duw takwak awulakw. Aw day wunadiy kalivatuwadiy duw taakw tikwadiy. Aw baptais dayaam akwiy, aw day abab wunadi Asaay dikidiy-adiy, wun dikidi Nyan wunadiy-adiy, God dikidi Mawul dikidiy-adiy tidakikik.

LUK Sukwudil Maaj. 7:29

Ababa duw takwawa takis kwurdiy duwawa day ki maaj wukikuw, tayir baptais kwurkuw Jon diki tabaar, Godak wayapiy sidaad, “Diki maaj mwiyir tina,” wakuw wadiy. Aw adiy Parasiyawa God diki lo kalivadiy duw day kwasik yidiy Jon diki baptais kwurkwurik, God dayak wadil majik bwan kwiykuw.

APOSEL 18:25

Jisas diki yawiyik tayir Kristen duw kalivadaad. Kalivadaak, rakarak tikuw, di nuwukadiy duw takwak mwiyir kalivadidiy Jisasak. Aw di Jon diki kwiydil baptais adika lakwudil.

APOSEL 8:16

Adiy duw taakw baptais bwu kwurdiy Yitaypika Duw, Jisas, dikidi saam. God dikidi Mawul day maa nibway kwar.

1 KORIN 12:13

Atampik nyan miyawa Juw duw takwawa, nuwukadiy jaka tipa kidiy duw takwawa, adiy kipa yawiyda kwurtaay saan kwar maarkwanadiywa, adiy day daya kap kwurik mawul warkwanadiy yawiy kwurkwanadiywa, nyan miyawa baptais kwurkuw, God dikidi Mawul kwurkuw, di nyanadiy mawulaam rawun tidik day wapwurukwukuw, sisuw-kwadanadiyan mwiya mwiyab duw nak kaytik tibakikik, amwiy nak kaytik. Aw adi God dikidi Mawul di nak-ad nyan ababak.

YIPIRUW 6:2

Aw kidiy jaav bwutaay kalivabanadiygwur, niki baptais niki baptais, duw nuwukadiy duw takwaam taab takadanadiy God dayak yara kwurdikik, miyawa duw taakw kiyadaak, God dayaam ata kirapitakakuw, dayaam kwatiykuw, nuwukadiy viyakit tikidiy nyanyi nyanyi aw nuwukadiy kupwaraap tikidiy nyanyi nyanyi.