APOSEL 17:16 - Nupela Testamen long tokples Manambu

¹⁶ Pol Atinsaam kavin kwadik Saylasawa Timotiyak, di suwala god samasamadiy dayadiy kabaka kayik vikuw, pitaan warid. Warkuw, waad, “Wun ata vikir.”

APOSEL 17:16 Iomraidhean Croise

MAK Sukwudil Maaj. 3:5

Jisas aw van aw van vikuw, dayak yaal giraad. Dayadiy maka apaam kabaak ridiy. Alik dayak diki mawul waril. Di adi duwak ata waad, “Mina taab akaynawur.” Kaynawurdik, diki taab viyakit tal.

JON Sukwudil Maaj. 2:13

Aw adi Juw duw takwaam God Nyigildidiy bayaki kikipata Nyi walibab tidilik tikuw, Jisas ata adi bayaki kikipatik yad Jiruwsalimaar.

APOSEL 17:15

Polawa yidiy duw day dikiwa tip si Atins tipaar yidiy. Alim day Polaam wapakuw, day sibinin yadiy Biriyaar. Aw Pol maaj wayakidil dayak Saylasawa Timotiy bir yabiyib yibirkikik dikik wakuw.

APOSEL 17:21

Ababa Atins tipa kidiy duw, nuwukadiy tipa kidiy duw day Atins-aam kwadiy, day abab nyanyi kwula maaj wukik tikuw, day daya a maaj bwulabagwudaal.

APOSEL 17:23

“Wun gwura tipaam waliykuw, gwuradiy gaba maja wiy vituwdiy. Vikuw, kabaka jaab vituwil alim sukwugwura, ‘Kal nikidi god dikila nyan maa laakw.’ Gwur maa laakw dikim. Aw gwur gaba maaj sukwu-kwanadiygwur dikik. Aw kita wun kidi Godak wasapwiy-kituwadiygwur.

APOSEL 18:1

Yaakiya, Pol Atins wapakuw, Korin tipaar ata yad.

APOSEL 20:22

“Aw kita God dikidi Mawul diki majib wukikuw, wun Jiruwsalimaar yikinadiwun. Alim agwa javadiy wunak yakinadiy wun maa laakw.

1 TISALANIKA 3:1

Nyan gwurak mawul samasam wukidiyan. Alik tikuw, an kap Atins tipaam kwakwak maaj lakatiybiran. Aw adi Godak wukijibir tikwanadi gwalugwa nyan, Timoti, gwurak wayakik. Di anawa yawiy kwurkwanaad Godak. God diki Viyakita Jisas Kraisak bwulakwana Maaj kalivakwanaad. Aw an gwurak wayakitaad gwuraam sugwiyaan kwurdikik apawa Godak wukijibir tigwurkikik. Awarabab sugwiyaan kwurdikik gwura duw nakab bwan kway maargwurkik Jisas Kraisak aw adiy gwurak titaay kwurkwadanadiy kupwaraap sapwurapa java danik tikuw. Aw gwur gwura ab bwu lakwugwura God di diki mayaakw kwadalik, alik adiy nyanak kwurkwadanadiy kupwaraap sapwurapa jaav nyanak yakwanadiy.

2 PITA 2:7

Aw God abir vitiya tip sipakwuk tikuw, di nyigildid Lat. Lat di mwiya viyakita duw-ad. Adi awarwa awarwa titaay vaal yiyi tidiy abir vitiya tipa kidiy duw taakw kwadadi yaab Lat diki mawulaam vaat yad.