San Juan 7:41 - Mixtec Silacayoapan

⁴¹ Ta java na cáchí na̱ sa̱há Jesús ña̱ cúú á Cristo, da̱ na̱chindahá Ndióxi̱ cacomí cuéntá sa̱há ña̱yivi. Ta java na cáchí na̱ ña̱ a̱ ju̱ú toho a jáchi̱ cáhán na̱ ña̱ a̱ cúu toho quixi Cristo estado Galilea.

San Juan 7:41 Iomraidhean Croise

San Juan 1:41

Mé Andrés yóho ndáva da na̱sa̱ha̱n da̱ ndínducú da̱ ñani da, da̱ naní Simón cán. Ta tá na̱ndiñe̱he̱ ñahá da̱ já na̱cachi da já xi̱hi̱n dá: —Na̱nditahan nde̱ da̱ na̱chindahá Ndióxi̱ cacomí cuéntá sa̱há ña̱yivi, mé a̱ cúú Cristo —na̱cachi da.

San Juan 1:46

A̱nda̱ já na̱cachi Natanael já: —Ndá quehe ri ña̱ha va̱ha quixi chí ñuu Nazaret ja̱n —na̱cachi da. A̱nda̱ já na̱cachi Felipe já xi̱hi̱n dá: —Cóho̱ cande̱hún —na̱cachi da. A̱nda̱ já na̱quee da cua̱ha̱n da̱ nu̱ íin Jesús.

San Juan 1:49

A̱nda̱ já na̱casáhá cáchí da̱ já xi̱hín Jesús: —Maestro, jivi ndusa cúú ndó in túhún ji̱ni̱ já ja̱hyi Ndióxi̱ ta cúú ndó ña̱ cómí cuéntá sa̱há ña̱yivi Israel —na̱cachi da xi̱hín Jesús.

San Juan 4:25

A̱nda̱ já na̱cachi tucu ñá cán já: —Sa̱ cánda̱a̱ cáxí ini i̱ ña̱ va̱xi qui̱vi̱ quixi da̱ chindahá Ndióxi̱ cacomí a̱ cuéntá sa̱há ña̱yivi, mé da̱ cúú Cristo. Ta tá ná quixi da̱ cán já ndicani ndihi da nu̱ú nde̱ ndaja coo —na̱cachi ñá cán xi̱hín Jesús.

San Juan 4:29

—Naha quíi̱ ndó. Cande̱hé ndó in da̱ta̱a, da̱ na̱ca̱ha̱n ndihi da tá quia̱hva na̱caja i̱. Á a̱ ju̱ú da̱ yóho cúú Cristo, da̱ na̱cachi Ndióxi̱ chindahá a̱ cacomí cuéntá sa̱há ña̱yivi —na̱cachi ñá cán xi̱hi̱n ná.

San Juan 4:42

Já na̱cachi mé na̱ Samaria cán xi̱hín ñáñáha̱ cán já: —Na̱candúsa nde̱ yo̱hó tá na̱ca̱hún sa̱há Jesús nu̱ú nde̱ joo viti cándeé ini nde̱ mé á jáchi̱ na̱xini jo̱ho nde̱ nu̱ cáha̱n mé á. Ta viti ndusa cándúsa nde̱ ña̱ cúú á Cristo, mé á na̱chindahá Ndióxi̱ jáca̱cu a ña̱yivi ñuyíví —na̱cachi na̱ Samaria cán xi̱hi̱n ñá.

San Juan 6:69

Ta nde̱he̱ sa̱ na̱candúsa va nde̱ ndo̱hó. Ta sa̱ xíni̱ va̱ha nde̱ ña̱ cúú ndó Cristo, ña̱ in túhún ji̱ni̱ já ja̱hyi Ndióxi̱, ña̱ tácú indiví —na̱cachi Pedro cán xi̱hín Jesús.

San Juan 7:27

Joo mí xíni̱ va̱ha í ndá ñuu na̱quixi da̱ yóho ña̱ cán quéa̱ xíni̱ yo̱ ña̱ co̱ cúú toho da Cristo jáchi̱ tá ná quixi ndusa Cristo cán ni in na a̱ cánda̱a̱ ini ndá ñuu quixi da —na̱cachi na̱ cán cáha̱n na̱ sa̱há Jesús.

San Juan 7:31

Ta cua̱ha̱ táhan ña̱yivi na̱xini jo̱ho nu̱ú na̱ca̱ha̱n Jesús cán na̱candúsa na mé á ta já cáchí na̱ já: —Á a̱ ju̱ú da̱ yóho cúú Cristo jáchi̱ tá ná quixi inga da ama ná caja da ña̱ha xitúhún chága̱ a̱ ju̱ú ga̱ da̱ yóho —na̱cachi na.

San Juan 7:52

A̱nda̱ já na̱caja cue̱he̱ na̱ xi̱hín Nicodemo já na̱cachi na já xi̱hi̱n dá: —Á da̱ Galilea cúú ri yóhó va. Cuáhán cahvi va̱ha tu̱hun Ndióxi̱ já cunún ña̱ co̱ cána ni in profeta estado Galilea —na̱cachi na xi̱hín Nicodemo.