San Juan 15:1 - Mixtec Silacayoapan

¹ A̱nda̱ já na̱cachi tucu Jesús já xi̱hi̱n ná: —Ye̱he̱ cúú ndusa tátu̱hun in tó uva ta Ndióxi̱, tátá i̱ cúú á tátu̱hun da̱ ndája vií sa̱ha̱ mé tó uva cán.

San Juan 15:1 Iomraidhean Croise

San Mateo 15:13

A̱nda̱ já na̱cachi Jesús já xi̱hi̱n ná: —Ña̱yivi, na̱ co̱ ndíquehe va̱ha tu̱hun Ndióxi̱ cúú ná tátu̱hun in yíto̱, dó co̱ó na̱jánde̱e Ndióxi̱, tátá i̱ ña̱ íin indiví. Sa̱há ña̱ co̱ cúú dó cuéntá mé á já tandaa qui̱vi̱ ña̱ tuhun mé á do̱ a̱nda̱ yóho̱ do̱.

San Mateo 20:1

Já na̱cachi Jesús já sácú a̱ quia̱hva: —Nu̱ú cacomí Ndióxi̱ cuéntá sa̱há ña̱yivi cúú á tátu̱hun ña̱ yóho: Íin in da̱ta̱a naha chá na̱quee da cua̱ha̱n da̱ nducú da̱ mozo caja chúun da cahnda da uva nu̱ ñúhu̱ dá.

San Mateo 21:33

ʼCuni jo̱ho ndó ná cacu u̱ inga quia̱hva nu̱ ndo̱. Na̱sahi̱in in da̱ta̱a ta na̱jánde̱e cua̱ha̱ dá tó uva nu̱ ñúhu̱ dá. Ta na̱sacu da in corra yíto̱ nu̱ do̱. Ta na̱cava̱ha da in nu̱ú cu̱hni̱ mé uva cán ña̱ cava̱ha vino. Ta na̱cava̱ha da in nu̱ jícó canúu da já cuu candaa da tócó ndihi dó cán. ʼA̱nda̱ já na̱sa̱ha̱n ndojó da̱ ñúhu̱ dá nu̱ú java na caja chúun na ña̱. Ta já na̱quee da cua̱ha̱n xícá da̱.

San Marcos 12:1

A̱nda̱ já na̱casáhá Jesús sácú a̱ quia̱hva nu̱ú ña̱yivi já na̱cachi a já xi̱hi̱n ná: —Na̱sahi̱in in da̱ta̱a na̱jánde̱e cua̱ha̱ dá tó uva nu̱ ñúhu̱ dá ta já na̱sacu da in corra yíto̱ nu̱ do̱. Ta na̱cava̱ha da in nu̱ú cu̱hni̱ mé uva cán ña̱ cava̱ha vino. Ta na̱cava̱ha da in nu̱ jícó canúu da já cuu candaa da tócó ndihi dó cán. ʼTá na̱ndihi já na̱sa̱ha̱n ndojó da̱ ñúhu̱ dá nu̱ú java na caja chúun na ña̱ já na̱quee da cua̱ha̱n xícá da̱.

San Lucas 13:6

A̱nda̱ já na̱sacu Jesús in quia̱hva nu̱ ná já na̱cachi a já xi̱hi̱n ná: —In da̱ta̱a na̱jánde̱e da in ti̱tó ñu̱hú nu̱ ñúhu̱ dá. Ta tá na̱ya̱ha tiempo já na̱sa̱ha̱n da̱ sánde̱hé da̱ do̱ ña̱ á cána ti̱tó ñu̱hú nu̱ do̱. Joo co̱ mé rí na̱ndiñe̱he̱ dá.

San Juan 1:17

Na̱ca̱hyí Moisés ley Ndióxi̱ sa̱nahá. Joo Jesucristo, mé á cúú á ña̱ nda̱a̱ na̱quixi a ñuyíví yóho sa̱há ña̱ quíhvi̱ ndiva̱ha ini a mí.

San Juan 1:9

Mé Jesucristo na̱xi̱nu̱ a̱ ñuyíví yóho ta cúú ndusa mé a̱ ña̱ jándiyéhe̱ ínima̱ tócó ndihi ña̱yivi.

San Juan 15:2

Ta ña̱yivi cúú ná tátu̱hun ndáha̱ tó uva cán. Ta ndá na̱ co̱ xe̱én caja ña̱ cúni̱ Ndióxi̱ jácaxoo a na̱ nu̱ mé á tá quia̱hva cája da̱ ndája vií dó cán tá chítúhu̱n dá ndáha̱ tó uva, ña̱ co̱ cána uva nu̱u̱. Joo tá cána cua̱ha̱ uva nu̱ do̱ já quéa̱ ndája vií da̱ ndáha̱ do̱ ta ndíja̱tá da̱ do̱ já ná cana cua̱ha̱ chága̱ uva nu̱ do̱. Quia̱hva já cája ri Ndióxi̱ xi̱hín ña̱yivi, na̱ cája ña̱ cúni̱ mé á.

San Juan 6:32

Já na̱cachi Jesús já xi̱hi̱n ná: —Mé a̱ nda̱a̱ ná ca̱ha̱n i̱ xi̱hi̱n ndo̱. A̱ ju̱ú toho Moisés cúú da̱ na̱sa̱ha̱n pan ña̱ na̱quixi indiví nu̱ ná. Jáchi̱ Ndióxi̱, tátá i̱ cúú ndusa ña̱ na̱sa̱ha̱n pan na̱quixi indiví nu̱ ná. Ta viti cúni̱ Ndióxi̱ quia̱hva in ña̱ha va̱ha chága̱ nu̱ ndo̱ a̱ ju̱ú ga̱ ña̱ na̱sa̱ha̱n Moisés nu̱ú na̱ cán sa̱nahá.

San Juan 6:55

Jáchi̱ yiquí cu̱ñu i̱ cúú ndusa tátu̱hun in ña̱ha va̱ha ndiva̱ha cuxu na ta ni̱í i̱ cúú dó tátu̱hun in dó va̱ha xíhi na.

Romanos 11:17

Cúú á tátu̱hun na̱sahnda Ndióxi̱ java ndáha̱, dó va̱ha ta na̱chitivi ndaa mé á ndáha̱ yitó olivo yúcú mé nu̱ú na̱sahi̱in ndáha̱ cán. Ta viti quia̱hva dó ndée̱ nu̱ ndáha̱ yitó olivo yúcú cán ña̱ ná catacu dó. Quia̱hva já na̱caja Ndióxi̱ na̱sacu xóo a na̱ Israel ta na̱caja mé á ña̱ma̱ni̱ xi̱hi̱n mé ndó, na̱ tóho̱ já ná nduu ndó cuéntá mé á. Ta viti cája Ndióxi̱ cua̱há ña̱ma̱ni̱ xi̱hi̱n ndo̱ tá quia̱hva cája xi̱hín na̱ Israel.

1 Corintios 3:9

Ye̱he̱ xi̱hi̱n Apolos in cúú nde̱ cája chúun nde̱ cuéntá Ndióxi̱. Ta mé ndó cúú ndó tátu̱hun in yójo̱ nu̱ú na̱sacu Ndióxi̱ nde̱he̱ caja chúun nde̱ cuéntá mé á. Ta jári cúú ndó tátu̱hun in vehe ña̱ cáva̱ha Ndióxi̱.

1 Juan 2:8

Joo mé a̱ nda̱a̱ ña̱ cáhyí i̱ yóho cúú á chuun sa̱á jáchi̱ sáhndá Ndióxi̱ ña̱ ná qui̱hvi̱ ini táhan í. Ta tá cája í ña̱ sáhndá Ndióxi̱ já quéa̱ quée ndihi ña̱ naá cua̱ha̱n ta mé a̱ nda̱a̱ jándiye̱he̱ Jesucristo ínima̱ yo̱ jáchi̱ quíhvi̱ ini táhan í tá quia̱hva na̱caja mé á.