Zozue 9:27 - Bibeli do fee

²⁷ amma hai ajɔ nŋu bɛ í dasi ŋa icɛi jĩi ku da nɔ à maa kpãa inɛ ŋau inyi wa do ti bii aa ya cea Aɔ̃ Lafɛ̃ɛ kuwee tengi bii Aɔ̃ Lafɛ̃ɛ takaɛ á na ku cica. Nɔ baa nsɛi tɔku nŋa ŋa à waa coo.

Zozue 9:27 Iomraidhean Croise

Bomma 2, 2:16

Ŋɔi Salomɔɔ í ka inɛ njoo ŋa iyi à wa ilɛi Izirɛliu fei si bɛi Davidi í ka ŋau wo. Ŋɔi à dede aŋa dubu cĩɔ do ciitaa do mɛɛta do cĩɔ mɛɛfa (153.600).

Kuka 31:28

Si ikpɛ̃ iyi í jɛ ti inɛ ŋa iyi à bɔ igũu bɛ, si bɛi aa nya iyi á jɛ ti amu Aɔ̃ Lafɛ̃ɛ. Si cĩɔ miiu fei akãi aa nya hai si amanɛ ŋa iyi à mu wau, do kɛtɛ ŋa hee do gbankɛlɛ ŋa do angudã ŋa do iwo ŋa fei.

Kuka 31:30

Nɔ si fiti bubu iyi í jɛ ti inɛi Izirɛli ŋau, si ciitaa fei aa nya akãi hai si amanɛ ŋa iyi à mu wau, do si kɛtɛ ŋa do gbankɛlɛ ŋa do angudã ŋa do iwo ŋa si mɛɛmu ŋau fei, nɔ i na inɛi Levii ŋa iyi à waa ce icɛ ile bi kukou.

Kuka 31:47

Si fiti bubu iyi í jɛ ti inɛi Izirɛli ŋa iyi à gbe ŋau, si amanɛ ŋau do mɛɛmu ŋau fei, si ciitaa fei Moizi í ya nya akãi ku na inɛi Levii ŋa iyi à waa ce icɛ ile bi kukou, si bɛi Aɔ̃ Lafɛ̃ɛ í tako í sɔ̃ɔu.

Wooda ku kɔsi 12:11

Aɔ̃ Lafɛ̃ɛ nŋɛ á cica inya bii iriɛ á wai, nɔ tengi bɛi aa ya koo i ceaa kuwee iyi ǹ sɔ̃ ŋɛ ŋau fei ŋa. Kuwee ŋa iyi à ya jo si ina fei sãa sãau, do kuwee mmuɛ ŋa, do akã si mɛɛwa fei, do amuai mii sinte ŋau do amua ŋa iyi ì dasi idɔ i ce ŋa do iyi aa ce i kɔ̃ò kuwã ŋa iyi ì ceaa ŋau fei ŋa.

Wooda ku kɔsi 12:14

Amma aa ya ce kuwee nŋɛ ŋa iyi à ya jo si ina fei sãa sãaui si akãi inya bii Aɔ̃ Lafɛ̃ɛ á cica si dimi nŋɛ ŋau. Tengi bɛ nŋu akãi aa ce mii ŋa iyi ǹ wa n sɔ̃ ŋɛ ŋau fei ŋa.

Wooda ku kɔsi 12:5

Tengi bii nŋu takaɛ í cica iriɛ ku maa wa si inɔi dimi nŋɛ ŋau fei, bɛi aa koo i tɔɔɛ ŋa.

Zozue 9:21

Amma baa do iyi aa ka jɔ̀ ŋa a maa wɛɛ fei, aa ka dasi ŋa icɛi jĩi ku dai, nɔ a maa kpã nwa inyi wa. Ide iyi inɛ ngbo ŋau à jilɛ nŋa mbɛ.

Zozue 9:26

Ŋɔi Zozue í ce nŋa bɛi à fɔ à jilɛu. Kù jɛ inɛi Izirɛli ŋau à kpa ŋa,