Zozue 9:14 - Bibeli do fee

¹⁴ Ŋɔi inɛi Izirɛli ŋau à gba bubui kosĩai inɛ ŋau à jɛ, nɔ a kù sabuu Aɔ̃ Lafɛ̃ɛ ide kãma si gãmɛi inɛ ŋau má.

Zozue 9:14 Iomraidhean Croise

Samuɛli 2, 2:1

Si anyiɛ ŋɔi Davidi í bee Aɔ̃ Lafɛ̃ɛ í ni, n dede n bɔ ilu gɔ si ilɛi Zudaa má? Nɔ Aɔ̃ Lafɛ̃ɛ í jɛaa í ni, oo. Ŋɔi Davidi í beeɛ má í ni, ilu iwoi n bɔ. Nɔ í jɛaa í ni, dede i bɔ Eborɔ̃ɔ.

Samuɛli 2, 5:19

Ŋɔi Davidi í bee Aɔ̃ Lafɛ̃ɛ í ni, n dede n koo si inɛi Filisi ŋau? Aa so ŋa i daam si awɔ? Nɔ Aɔ̃ Lafɛ̃ɛ í jɛaa í ni, dede i koo domi an so ŋa n daaɛ si awɔ.

Ɛsidarasi 8:21

Tengii itĩi idoi Ahavau, tengi bɛi ǹ ni a ce anu ku dĩ ka sũa Aɔ̃ Lafɛ̃ɛ nwa iri ilɛ ku ba ku jɔ̀ ka ce isɛɛnɛ nwa do laakai ku sũ, hai awa taka nwa do nyaanze nwa ŋa do mii ndu wa ŋa fei.

Kufita 28:30

Awɔ Moizi, awɔi aa dasi urimu do tumimu si bɔgɔu ku ba a ya maa wa si tengii idɔi Arɔ̃ɔ waati iyi í na í leekĩ si wajum fei. Si bɛɛbɛ, waati iyi Arɔ̃ɔ wa naa si wajum fei aa ya wa si tengii idɔɛi ku ba ku mà idɔɔbim si gãmɛi inɛi Izirɛli ŋa.

Kuka 27:21

Nŋu takaɛ á ya bɔ bi Eleazaa woo weeu, nŋui á ya beea ide do urimuu bi tom. Nɔ Zozue do inɛi Izirɛli ŋau fei aa ya jirima ideɛ ŋaui.

Zaaki 1:5

Do nŋu fei bii bisi í na wa gaizia inɛ akã nŋɛ gɔ, ku tɔɔ Ilaaɔ̃, nŋu iyi í ya mua inɛ fei do inɔ akã hai nɛ kugbagba.

Zozue 9:13

Nɔ bɔgɔ bata ŋau ihɛ̃ mɔ waati iyi à dasi vɛ̃ɛ wa, titɔ̃i à wɛɛ, nsɛi wee fei ndɛɛ í baa í ga. Ibɔ nwa ŋa mɔ do baata nwa ŋa fei à gbo na isɛɛnɛ sisɔ iyi à ce wau.

Woo kiiti ŋa 1:1

Si anyii ikui Zozue, inɛi Izirɛli ŋau à bee Aɔ̃ Lafɛ̃ɛ à ni, si inɔi dimi ikã ikã nwa ŋau dimi yoomai á tako ku koo si inɛi Kanaã ŋau.

Woo kiiti ŋa 20:18

Ŋɔi inɛi Izirɛli ŋau à dede à bɔ Betɛli nɔ à bee Ilaaɔ̃ à ni, yoo nwai á cua ka koo si inɛi Bɛnzamɛɛ ŋau igũ. Ŋɔi Aɔ̃ Lafɛ̃ɛ í jɛ nŋa í ni, dimii Zudaai á cua.

Samuɛli 1, 22:10

Nɔ Ahimelɛki í ce kubee bi Aɔ̃ Lafɛ̃ɛ na iriɛ nɔ í náa sɔnda ŋa do taakubai Goliati inɛi Filisiu.