Zozue 9:13 - Bibeli do fee

¹³ Nɔ bɔgɔ bata ŋau ihɛ̃ mɔ waati iyi à dasi vɛ̃ɛ wa, titɔ̃i à wɛɛ, nsɛi wee fei ndɛɛ í baa í ga. Ibɔ nwa ŋa mɔ do baata nwa ŋa fei à gbo na isɛɛnɛ sisɔ iyi à ce wau.

Zozue 9:13 Iomraidhean Croise

Matie 9:17

Bɛɛbɛ mɔi a ci ya dasi vɛ̃ɛ titɔ̃ iyi wa gba si bɔgɔ bata ngbo ŋa. Bii ì ce bɛɛbɛ, bɔgɔ bata ngbo ŋau aa gai, nɔ vɛ̃ɛu ku nikã, bɔgɔ ŋau mɔ a ce nfe. À ya dasi vɛ̃ɛ titɔ̃i si bɔgɔ titɔ̃ ŋa. Baa bii wa gba, bɔgɔu kaa ga.

Maaku 2:22

Bɛɛbɛ mɔi a ci ya dasi vɛ̃ɛ titɔ̃ iyi wa gba si bɔgɔ bata ngbo ŋa. Bii ì ce bɛɛbɛ, bɔgɔ bata ngbo ŋau aa gai, nɔ vɛ̃ɛu ku nikã. Nɔ bɔgɔ ŋau do vɛ̃ɛu fei a ce nfe. Amma à ya dasi vɛ̃ɛ titɔ̃i si bɔgɔ titɔ̃ ŋa.

Luku 5:37

Inɛ gɔ ci ya nɔ kù dasi vɛ̃ɛ titɔ̃ iyi wa gba si bɔgɔ bata ngbo ŋa. Bii í ce bɛɛbɛ, vɛ̃ɛu á jɔ̀ bɔgɔ ŋau a ga, vɛ̃ɛu ku nikã nɔ bɔgɔ ŋau a bɛjɛ.

Wooda ku kɔsi 29:5

I kù jɛ pɛ̃ɛ ŋa i kù nɔ i kù mɔ vɛ̃ɛ ŋa hee má jɛ atɛ̃ ku nɛ gbugbã gɔ. Aɔ̃ Lafɛ̃ɛi í wo ŋɛ ku ba i mà ŋa iyi nŋui í jɛ Aɔ̃ Lafɛ̃ɛ nŋɛ.

Zozue 9:12

Pɛ̃ɛ nwa wa gbãa mbɛ wo waati iyi à soo wa hai ide à dasiò kpãa à waa naa ihɛ̃. Wee nsɛi í gbɛ í baa í ce buubuu.

Zozue 9:14

Ŋɔi inɛi Izirɛli ŋau à gba bubui kosĩai inɛ ŋau à jɛ, nɔ a kù sabuu Aɔ̃ Lafɛ̃ɛ ide kãma si gãmɛi inɛ ŋau má.

Zozue 9:4

à ce bisi ku ba a maà kpa ŋa. À ce kosĩa nŋa ŋa à dasi bɔgɔ ngbo ŋa nɔ à so bɔgɔ bata ngbo ku ga ŋa iyi à sɔ à dasi vɛ̃ɛ à kãa gbankɛlɛ nŋa ŋa nɔ à dasi kpãa wa.

Zozue 9:5

Ibɔ nŋa ŋa iyi à waa dasiu à gbo, nɔ baata nŋa ŋa à ga nɔ à sɔ ŋa. Pɛ̃ɛ nŋa ŋa fei à gbɛ à baa à ce buubuu.