Zozue 9:1 - Bibeli do fee

¹ Ilaalui ilɛ ŋa iyi à wa ikpa nunui alɛi idoi Zuudɛ̃ɛu à gbɔ bɛi Zozue do inɛi Izirɛli ŋa à cea inɛi Ai ŋa. Laabaaui ideu í fangaa si ilu ŋa iyi à wa si iri kuta ŋau do ilu ŋa iyi à wa lɔɔma do ilu ŋa iyi à wa ikpa bi Tenku Nlau fei hee ku bɔ kɔkɔi ilɛi Libãa. Ŋɔi inɛi Hɛti ŋa do inɛi Amɔre ŋa do inɛi Kanaã ŋa do inɛi Ferɛzi ŋa do inɛi Hɛvi ŋa do inɛi Zebusi ŋa

Zozue 9:1 Iomraidhean Croise

Samuɛli 2, 24:7

Hai bɛ ŋɔi à sinda à bɔ Tii, ilu ku nɛ gbugbã do si ilu ŋa iyi à tako à jɛ ti inɛi Hɛvi ŋa do ti inɛi Kanaã ŋa. Nɔ à na à kpa iriɛ Bɛɛseba, ilu iyi í wa do ikpa awɔ cangai kpãai inunui ilɛu.

Kufita 23:23

Amalekam nii á cua nŋɛ ku bɔò ŋɛ hee bi inɛi Amɔre ŋa do inɛi Hɛti ŋa do inɛi Ferɛzi ŋa do inɛi Kanaã ŋa do inɛi Hɛvi ŋa do inɛi Zebusi ŋa nɔ an kpa inɛ ŋau.

Kufita 23:31

Ilɛ nŋɛ á sintii hai Tenkui Njeeu hee ku bɔ Tenkui inɛi Filisi ŋa do hai gbaai Sinai nɔ ku bɔ hee idoi Efaratau. An da nŋɛ inɛi ilɛ ŋau bɛ si awɔ ku ba i lele ŋa ŋa.

Kufita 3:17

Nɔ ǹ ni an nya ŋa hai ilɛi Ezibiti tengi bii à waa kpã ŋa iju n bɔò ŋa ilɛi inɛi Kanaã ŋa, do inɛi Hɛti ŋa, do inɛi Amɔre ŋa, do inɛi Ferɛzi ŋa, do inɛi Hɛvi ŋa, do inɛi Zebusi ŋa. Si ilɛu bɛ amɔ do nyikɔ̃ fei wa kɔ̃i.

Kufita 34:11

Ce laakai si ide iyi ǹ wa n sɔ̃ɛ nnyi. Cɔ, an lele inɛi Amɔre ŋa hai si waju nŋɛ, do inɛi Kanaã ŋa do inɛi Hɛti ŋa do inɛi Ferɛzi ŋa do inɛi Hɛvi ŋa do inɛi Zebusi ŋa.

Kuka 13:29

Inɛi Amalɛki ŋai à wa si ilɛu do ikpa awɔ njɛi kpãai inunu. Inɛi Hɛti ŋa mɔ, do inɛi Zebusi ŋa do inɛi Amɔre ŋa aŋai à wa ilui iri kuta ŋau. Inɛi Kanaã ŋa mɔi à wa kɔkɔi tenkuu do itĩi idoi Zuudɛ̃ɛu.

Kuka 34:6

Do ikpa nunui alɛ, Tenku Nlaui á jɛ kɔɔ nŋɛ.

Wooda ku kɔsi 1:7

I dede i dasi kpãa bɛbɛi ŋa i bɔ ilɛi iri kuta tengi bii inɛi Amɔre ŋa à wau, do ilɛi inɛi Kanaã ŋa iyi à wa kɔkɔ nŋau, hai lɔɔmai Zuudɛ̃ɛu do ilɛi iri kuta ŋau, do inya bii ilɛ í munga anuu, do ilɛi Negɛbu do ilɛ iyi í wa itĩ tenku hee ku bɔ iri kutai Libãa ŋau, nɔ ku baa hee Efarata ido nlau.

Wooda ku kɔsi 3:25

Ǹ wa n tɔɔɛi, jɔ̀ n ba n yɛ ilɛ jiida iyi í wa icei idoi Zuudɛ̃ɛ do ikpa ihɔ̃u, do iri kuta kusĩaɛ ŋa, do iri kutai Libãa ŋa.

Wooda ku kɔsi 4:49

nɔ nŋui í tɔtɔɔ hee do lɔɔma iyi í wa ikpa nunui daakɔi idoi Zuudɛ̃ɛu fei hee ku bɔ bi tenku iyi í wa bi isɛi kutai Pisigaau.

Wooda ku kɔsi 7:1

Moizi í nyi í ba zamaau ide ku fɔ má í ni, Aɔ̃ Lafɛ̃ɛ nŋɛi á gbã ŋɛ ku bɔò ŋɛ si ilɛ bii aa koo i buba si ŋau. Waati iyi ì maai bɛ ŋa, nŋui á lele nŋɛ zamaa nkpɔ nkpɔ gɔ ŋa. Zamaau, dimi ikã ikã mɛɛje gɔ ŋai iyi à re ŋɛò gbugbã, nɔ akpɔ nŋa í re ŋɛ. Inɛ ŋau inɛi Hɛti ŋai do inɛi Girigasi ŋa do inɛi Amɔre ŋa do inɛi Kanaã ŋa do inɛi Ferɛzi ŋa do inɛi Hɛvi ŋa do inɛi Zebusi ŋa.

Zozue 1:15

hee koo to Aɔ̃ Lafɛ̃ɛ nŋɛ ku mua inɛ nŋɛ ŋau mɔ kusĩmi bɛi í mua iŋɛ mɔ, nɔ aŋa mɔ a gba ilɛ iyi Aɔ̃ Lafɛ̃ɛ í mu nŋa bɛi í mua iŋɛ mɔu. Si anyiɛ nɔ i nyi wa i na i buba si ilɛ iyi Moizi í mu nŋɛ kɔkɔi idoi Zuudɛ̃ɛ do ikpa nunui daakɔu.

Zozue 1:4

Kucĩi ilɛ nŋɛu á sintii hai bi gbaau do ikpa awɔ cangai kpãai inunu hee ku bɔ si iri kutai Libãa ŋau do ikpa awɔ njɛi kpãai inunu. Hai ido nlai Efarata ikpa nunui daakɔ hee ku bɔ Tenku Nlau ikpa nunui alɛ á bɔi hee si ilɛi inɛi Hɛti ŋa.

Zozue 10:23

Nɔ à ce bɛi í fɔu, à koo à nya ilaalui Zeruzalɛmu do ti Eborɔ̃ɔ do ti Yamuti do ti Lakisi do ti Egolɔ̃ɔu hai si isai kutau à gbã ŋa à naaò ŋa wa bi tɛɛ.

Zozue 11:17

Í gba ilɛu feii hai bi iri kuta bii nkãma ci ya fita iyi í sinti hai Seiiu hee ku bɔ Baali-Gadi iyi í wa si lɔɔmai Libãa ikpa bi isɛi iri kutai Hɛɛmɔɔu. Í mu ilaalu nŋa ŋau fei í kpa ŋa.

Zozue 13:5

Nɔ í nyi í gbe ilɛi inɛi Gebali ŋa mɔ má do ilɛi Libãa fei ikpa nunui daakɔ, hai Baali-Gadi iyi í wa isɛi kutai Hɛɛmɔɔu hee ku bɔ Lebo-Amatiu.

Zozue 15:12

Tenku Nlaui í jɛ kɔɔɛ do ikpa nunui alɛ. Yaase bɛi à nya kɔɔi ilɛ iyi à kpɛ̃a dimii Zudaa ŋa mbɛ, si bɛi nyaanze nŋa ŋa à to.

Zozue 22:4

Bɛbɛi iyi Aɔ̃ Lafɛ̃ɛ nŋɛ í jɔ̀ inɛ nŋɛ ŋa à buba si ilɛ nŋa bɛi í wã ŋa dou, aa yɔkɔ i nyi si ilei acɔ nŋɛ ŋa i koo i buba si ilɛ iyi Moizi woo ce icɛi Aɔ̃ Lafɛ̃ɛu í na ŋɛ si ikpɛ̃u do ikpa nunui daakɔi idoi Zuudɛ̃ɛu.

Zozue 23:4

I cɔ, si kpasa iyi à tau ǹ kpɛ̃ nŋɛ ilɛi inɛ ŋa iyi ǹ jɛ igũu si dimi do dimi hee do ti inɛ ŋa iyi à gbeò ku kãmia ŋau. Ilɛ ŋau à wai hai idoi Zuudɛ̃ɛu do ikpa nunui daakɔ hee ku bɔ bi Tenkui Mediteraneeu ikpa nunui alɛ.

Zozue 24:11

Si anyiɛ nɔ ì kua idoi Zuudɛ̃ɛu ì bɔ hee ilui Zeriko ŋa. Nɔ iŋɛò inɛi Zeriko ŋau ì ja ŋa. Bɛɛbɛ mɔi inɛi Amɔre ŋa do inɛi Ferɛzi ŋa do inɛi Kanaã ŋa do inɛi Hɛti ŋa do inɛi Girigasi ŋa do inɛi Hɛvi ŋa do inɛi Zebusi ŋa aŋa mɔ à ba ŋɛ ku ja. Nɔ Aɔ̃ Lafɛ̃ɛ í jɔ̀ ì jɛ aŋa fei igũ ŋa.

Zozue 3:10

Kpakoi akabuui Ilaaɔ̃ Lafɛ̃ɛi ilɛu fei wee á cua nŋɛ ku kua idoi Zuudɛ̃ɛu. Nŋu bɛi á jɔ̀ i mà kãm kãm ŋa iyi Ilaaɔ̃, nŋu iyi í jɛ icui kuwɛɛ, í wa anini nŋɛ, nɔ á lele inɛi Kanaã ŋa hai si waju nŋɛ, do inɛi Hɛti ŋa do inɛi Hɛvi ŋa do inɛi Ferɛzi ŋa do inɛi Girigasi ŋa do inɛi Amɔre ŋa do inɛi Zebusi ŋa.

Zozue 3:17

Woo wee ŋa iyi à waa so kpakoi akabuui Aɔ̃ Lafɛ̃ɛu à waa leekĩi si ilɛ ngbɛ si aninii idoi Zuudɛ̃ɛu, nɔ inɛi Izirɛli ŋau à waa nɛ si ilɛ ngbɛ hee aŋa fei à koo à kua à tãò.

Zozue 5:1

Ilaalui inɛi Amɔre ŋa iyi à wa ikpa nunui alɛi idoi Zuudɛ̃ɛu do ilaalui inɛi Kanaã ŋa iyi à wa kɔkɔi tenkuu à gbɔ iyi Aɔ̃ Lafɛ̃ɛ í jɔ̀ inyii idoi Zuudɛ̃ɛu í gbɛ si wajui inɛi Izirɛli ŋa hee à kua. Ŋɔi njo í mu ŋa hee a kaa yɔkɔ a leekĩ si waju nŋa má.

Zozue 6:27

Aɔ̃ Lafɛ̃ɛ í wɛɛ do Zozue nɔ iriɛ í fangaa bii fei si ilɛu.

Zozue 9:7

Ŋɔi inɛi Izirɛli ŋau à jɛ nŋa à ni, á yɔkɔ ku jɛ kɔkɔ nwa ihɛ̃i ì wa ŋa. Bii bɛɛbɛi, kaa ce awaɛ ŋa ka dĩ akabuu.