Zozue 8:8 - Bibeli do fee

⁸ Bii ì gba iluu ì tã, aa dasi ina ŋai bɛi Aɔ̃ Lafɛ̃ɛ í sɔ̃ ŋɛu. Bɛi ì nɛ ku ce ŋai ǹ sɔ̃ ŋɛ bɛ.

Zozue 8:8 Iomraidhean Croise

Samuɛli 2, 13:28

Ŋɔi Abusalɔmu í sɔ̃ amaacɛɛ ŋa í ni, i maa nɛɛsi Amunɔɔ ŋa. Waati iyi inɔɛ á dɔ̃ si atɛ̃ vɛ̃ɛ an ni, i kpaa ŋa. Bii ì gbɔ bɛɛbɛ ŋa, i kpaa i maà sika ŋa. I maà ce njo ŋa nɔ i ce wɔɔkɔ ŋa. Idei irim nii á jɛ.

Wooda ku kɔsi 20:16

Amma si ilui inɛ ŋa iyi Aɔ̃ Lafɛ̃ɛ á mu nŋɛ ilɛ nŋa ku jɛ tubu nŋɛu, i maà jɔ̀ nkãma bɛ ŋa iyi wa mi si hunde.

Zozue 1:16

Ŋɔi à jɛa Zozue à ni, aa ka ce bɛi ì fɔ fei, nɔ bii ì ni ka bɔ fei, aa ka koo.

Zozue 1:9

Maà gbɛjɛ iyi ǹ sɔ̃ɛ ǹ ni, jɔ̀ i nɛ wɔɔkɔ nɔ i nɛ gbugbã. Maà jɔ̀ njo ku muɛ, nɔ i maà ti i mɔngɔ munya, domi amu Aɔ̃ Lafɛ̃ɛɛ an wɛɛ do awɔ bii ì waa bɔ fei.

Zozue 6:24

Nɔ à dasi iluu ina hee do mii ŋa iyi à wa bɛ fei, í gbe isɔ fũfũ do wura do isɔ nkpa do isɔ iyi í gbe fei. Mii ŋau bɛ fei, bi ku singa amanii Aɔ̃ Lafɛ̃ɛi à koo à dasi.

Zozue 8:13

Waati iyi inɛ ŋau fei à ce asɔ do ikpa awɔ njɛi kpãai inunu tengi bii iluu í wa suusuu à tã, nɔ inɛ gɔ ŋa mɔ à si do ikpa nunui alɛi iluu, ŋɔi idũ ajɔ nŋu Zozue í nɛ í bɔ aninii lɔɔmau.

Zozue 8:2

Iluu bɛ do ilaaluɛ aa ceai bɛi ì tako ì cea Zeriko do ilaaluɛ. Amma bɛbɛi, mii ŋa iyi aa ba hai si igũu ŋa, tu ŋɛi á jɛ. Hai amani nŋa ŋa, do mɛɛmu nŋa ŋau fei iŋɛi aa nɔɔ. Yaase bɛi aa ce i jɛò igũ ŋa wee. I koo i jilɛ sooge ŋa a sì a kaako angulei iluu ku ba a zamba ŋa.

Zozue 8:22

Si bɛi inɛ ŋau à sinda à sa à waa nyi inɔ ilu, ŋɔi inɛi Izirɛli mbɔ ŋa iyi à wa inɔ iluu à fita à waa kò ŋa wa, nɔ à baa à dasi inɛi Ai ŋau awɔ ibɔ. Ŋɔi à kpa ŋa a kù jɔ̀ inɛ kãma, nɔ inɛ kãma mɔ kù ba ku sa,

Zozue 8:28

Zozue í jo ilui Aiu fei, í jɔ̀ iluu í baa í kpɔò bomma baa nsɛi.

Zozue 8:7

Waati bɛɛbɛi aa fita wa hai bii ì waa si ŋau nɔ i jɛ iluu igũ ŋa, domi Aɔ̃ Lafɛ̃ɛ nŋɛi á da nŋɛ iluu si awɔ.

Zozue 8:9

Iyi Zozue í fɔ bɛɛbɛ í tã ŋɔi í jɔ̀ sooge ŋau à nɛ, nɔ à koo à wa tengi bii aa maa siu si afei Betɛli do Ai takaɛ, do ikpa nunui alɛi Ai. Nɔ nŋu takaɛ í koo í sũ si aninii inɛ ŋa iyi à gbeu.

Woo kiiti ŋa 4:6

Ajɔ nŋu gɔ, Debora í ni a kpe Baraki amai Abinoamu wa hai Kedɛsi ilɛi Nɛfitali. Nɔ í sɔ̃ɔ í ni, ide iyi Aɔ̃ Lafɛ̃ɛ wa sɔ̃ɛ wee. Í ni, koo si dimii Nɛfitali do si dimii Zabulɔ̃ɔ i nya inɛmɔkɔ dubu mɛɛwa (10.000) nɔ i gbã ŋa i bɔò ŋa si iri kutai Tabɔɔ.