Zozue 8:4 - Bibeli do fee

⁴ Nɔ í sɔ̃ ŋa í ni, i koo i si angulei iluu ŋa, i maà jĩò iluu nɔ i wɛɛò sɔɔlu ŋa.

Zozue 8:4 Iomraidhean Croise

Ilaalu 2, 7:12

Ŋɔi ilaaluu í dede idũ laja nɔ í sɔ̃ woo ce icɛɛ ŋa í ni, ǹ bi n sɔ̃ ŋɛ mii iyi inɛi Siri ŋau à waa dɛ à ce nwa. Si bɛi à mà iyi à waa ce ari, nŋui í ce à jɔ̀ asɔ nŋa à koo à manji inɔ sako à waa ni bii à fita wa hai inɔ ilu nwa, aŋa aa mu wai njaawɛ nɔ a lɔ inɔ ilu nwa.

Bomma 2, 13:13

Zeroboamu í nya sooge ŋa à koo à manji wa do anyii inɛi Zudaa ŋau ku ba a ce igũu waju do anyi.

Woo lasabu 7:19

Bisi í ya jɔ̀ ilu bisi ku nɛ gbugbã ku re ilaalu mɛɛwa ŋa iyi à waa mu ilu akã.

Woo lasabu 9:16

Na ŋɔi í jɔ̀ amu ǹ ni, í tia i nɛ bisi do iyi aa jɛ ilu gbugbã, amma do nŋu fei a ci ya saalu bisii ilu are, nɔ ide ŋa iyi wa fɔ a ci ya desi itĩ.

Woo bɛ ŋa 23:21

Amma maà ti i gbɔ ide nŋau, domi à re baa aŋa ciiji inɛ ŋa iyi à waa siaa kpãa ku ba a muu. Nɔ aŋa fei à ce kugbasi à ni aŋa a kaa jɛ a kaa mɔ bii kù jɛ à kpaa. Baa nsɛi à tã sɔɔlu a coo. Awɔ akãi à waa degbe i jɔ̀ ku naa wa.

Zozue 8:16

Ŋɔi inɛi ilu ŋau fei à da hãmɛ nŋa à bɔ ku lele ŋa. Ŋɔi à lele Zozue bɛɛbɛ hee à jĩò ilu nŋa.

Zozue 8:3

Ŋɔi Zozue wa ce sɔɔlu nŋu do soogeɛ ŋa fei ku ba a koo a jɛ inɛi ilui Ai ŋau igũ. Nɔ í cica sooge kaasãanɛ dubu kuntaa (30.000) í jɔ̀ à nɛ bɛ idũ.

Woo kiiti ŋa 20:29

Ŋɔi inɛi Izirɛli ŋau à koo à si si si à kaako ilui Gibeau.

Woo kiiti ŋa 20:33

Ŋɔi anu akã inɛi Izirɛli ŋau à dede wa hai bi kuwa ikã ikã nŋa ŋau à na à tɔtɔɔ Baali-Tamaa. Waati bɛɛbɛ inɛ ŋa iyi à waa si kɔkɔi iluu aŋa fei à dede wa hai bii à waa manji kɔkɔi lɔɔmai Gibeau.

Woo kiiti ŋa 20:36

Ŋɔi inɛi Bɛnzamɛɛ ŋa à yɔɔ iyi inɛ ŋau à waa kãmia aŋa. Wee inɛi Izirɛli ŋau ngu ŋa à tako à tɛkɛɛ à jɔ̀ nŋa bantuma si na iyi í jɔ̀ à waa kaaba inɛ ŋa iyi à waa manji Gibeau.

Woo kiiti ŋa 9:25

Ŋɔi inɛi Sikɛmu ŋau à koo à jilɛ inɛ ŋa si antaii iri kuta ŋa à waa degbe Abimelɛki, nɔ inɛ ŋa iyi à waa lɔ kɔkɔ nŋa bɛ fei, à ya gba mii ndu ŋa ŋai. Ŋɔi Abimelɛki í gbɔ baau nŋa.

Woo kiiti ŋa 9:32

Na nŋu, dede idũ awɔ do inɛɛ ŋa i koo i si nŋa ŋa inɔ sako.

Samuɛli 1, 15:2

Aɔ̃ Lafɛ̃ɛi lele do ilɛ í ni, an sãa inɛi Amalɛki ŋa mii iyi à cea inɛi Izirɛli ŋa si iyi à da nŋa kpãa waati iyi à fita wa hai ilɛi Ezibiti.

Samuɛli 1, 15:5

Nɔ à bɔ hee kɔkɔi ilui inɛi Amalɛki ŋa à bɛi à ce sɔɔlu bɛi aa ce a zamba ŋa hai lɔɔma bɛ.