Zozue 8:35 - Bibeli do fee

³⁵ Nkãma kù gbe iyi Moizi í kɔ iyi Zozue kù kaa si wajui kutɔtɔɔi inɛi Izirɛli ŋau fei, hai inaabo ŋa do amu ŋa do inɛ njoo ŋa iyi à wa anini nŋa ŋau fei.

Zozue 8:35 Iomraidhean Croise

Ɛsidarasi 10:1

Waati iyi Ɛsidarasi í gulɛ wa kpataò si wajui kpasɛ̃u wa tɔɔ Ilaaɔ̃ ku kpa idei dulum du ŋau, inɛi Izirɛli ŋa aŋa nkpɔ nkpɔi à tɔtɔɔ à kaakoɛ bɛ, hai inɛmɔkɔ ŋa do inaabo ŋa do ama keeke ŋa, aŋa fei à wasi ku kpata hee lele.

Neemi 8:3

Ŋɔi wa cio tiau hai daakɔ hee dasã í kpã í baa bɛ si bantumai anu koofai inyiu, nɔ zamaau fei í sotĩ wa gbɔ bɛi wa ka tiai woodau.

Kufita 12:38

Ŋɔi zamaa nla gɔ wa too ŋa wa hai si dimi ikã ikã fei. Nɔ à nɛ mɛɛmu gaa ŋa nkpɔ nkpɔ, angudã ŋa do kɛtɛ ŋa.

Zeremi 26:2

ide iyi amu Aɔ̃ Lafɛ̃ɛ ǹ wa n sɔ̃ɛ wee. Koo i leekĩ bantumai kpasɛ̃i amu Aɔ̃ Lafɛ̃ɛu, nɔ i ba inɛ ŋa iyi à waa naa amu Aɔ̃ Lafɛ̃ɛ ku tɔɔ hai si ilui Zudaa ŋau fei ide ku fɔ. Sisi nŋa ide ŋa iyi an sɔ̃ɛ ŋau fei. Maà jɔ̀ baa ide icu akã.

Zoɛli 2:16

I kpe zamaai iluu i ce kutɔtɔɔ nla nla ŋa. I tɔtɔɔ inɛ ngbo ŋa do ama keeke ŋa, hee do ama ku mɔmɔ ŋa fei. Mɔkɔ titɔ̃ ku fita wa hai inɔ ileɛ, nɔ abo titɔ̃ mɔ ku fita wa hai si ilei acɔɛ.

Zakari 8:23

Waati bɛɛbɛ, hai si dimi fei inɛ ŋa iyi aa maa fɔ ide do fee ikã ikã, inɛ mɛɛwa á maa mu itĩi ibɔi Zuifu a maa ni, aa ka tooɛ domi à gbɔ iyi Ilaaɔ̃ í wɛɛ do iŋɛ.

Maaku 10:14

Iyi Jesu í yɛ mii iyi à waa ceu, ŋɔi idɔɛ í kɔ̃, í sɔ̃ ŋa í ni, i jɔ̀ amu ŋau a naa bi tom, i maà ganji ŋa, domi bommai Ilaaɔ̃ í jɛ ti inɛ ŋa iyi à jɔ ŋa.

Woo bɛ ŋa 20:27

domi ǹ sisi nŋɛ ide iyi Ilaaɔ̃ í jilɛ fei n kù singa nŋɛ gɔgɔɛ.

Woo bɛ ŋa 21:5

Amma iyi ajɔi kunɛ nwa í to à nyi bi akɔu má. Aŋa fei do abo nŋa ŋa do ama nŋa ŋa à naa à leekĩ nwa hai iluu. Awa fei à gulɛ itĩi tenkuu nɔ à ce kutɔɔ.

Wooda ku kɔsi 29:10

do abo nŋɛ ŋa, do ama nŋɛ ŋa, hee do inɛ njoo ŋa iyi à wa asɔ bi tu ŋɛ ŋa, aŋa iyi à jɛ woo da nŋɛ jĩi ŋa wa, walakɔ inɛ ŋa iyi à jɛ woo kpã nŋɛ inyi wau.

Wooda ku kɔsi 29:11

Aɔ̃ Lafɛ̃ɛ wa dĩ akabuu do iŋɛ, nɔ í bi i jɛsi ŋa do kugbasi iyi í nɛ gbugbã ntɔ ntɔ.

Wooda ku kɔsi 29:9

Iŋɛ inɛi Izirɛli ŋa, nnyi wee ì tɔtɔɔ si wajui Aɔ̃ Lafɛ̃ɛ nŋɛ. Inɛ fei í wa ihɛ̃. Hai inɛ ngboi dimi nŋɛ ŋa, do woo cua nŋɛ ŋa, do inɛ ngbo nŋɛ ŋa, do woo cɔ yaase bɛi mii ŋa wa nɛ si anini nŋɛ ŋa,

Wooda ku kɔsi 31:12

Aa tɔtɔɔ zamaau feii, hai inɛmɔkɔ ŋa do inaabo ŋa do amu ŋa hee do inɛ njoo ŋa iyi à wa bi tu ŋɛ ŋa bɛ fei ku ba a gbɔ kuciou nɔ a màa, nɔ a mà bɛɛrɛi Aɔ̃ Lafɛ̃ɛ nŋɛ nɔ a maa jirima idei wooda ŋau fei.

Wooda ku kɔsi 4:2

I maà kɔ̃ɔsi nkãma si wooda ŋa iyi ǹ na ŋɛu, nɔ i maà kaye nkãma ŋa, amma i jirima woodai Aɔ̃ Lafɛ̃ɛ dee dee bɛi ǹ sɔ̃ ŋɛu.