Zozue 8:33 - Bibeli do fee

³³ Inɛi Izirɛli ŋau fei, hai inɛ ngbo nŋa ŋa do woo gbã nŋa ŋa do woo kiiti nŋa ŋau à waa leekĩi cingaa do cingaai kpakoi akabuui Aɔ̃ Lafɛ̃ɛ si wajui inɛi Levii woo wee ŋa iyi à waa so kpakoi akabuuu. Hai inɛ njoo ŋa do inɛi Izirɛli ŋau fei à wa bɛ. Inɛ ŋau à kpɛ̃ njɛi à waa munga. Inɛ gɔ ŋa à wa do ikpa cingaai iri kutai Garizimu, inɛ bubu ŋa mɔ do ikpa cingaai iri kutai Ebali. À cei dee dee bɛi Moizi woo ce icɛi Aɔ̃ Lafɛ̃ɛu í tako í na wooda í ni a ce ku ba Aɔ̃ Lafɛ̃ɛ ku weea inɛi Izirɛli ŋau.

Zozue 8:33 Iomraidhean Croise

Kufita 12:49

Wooda akãu bɛ mɔi í jɛ ti iŋɛ inɛi Izirɛli ŋa do ti isɛ mmu ŋa iyi à wa bi tu ŋɛ.

Kuwee 24:22

Wooda akãu bɛi á jɛ ti inɛ njoo do ilu ide fei. Amui ǹ jɛ Aɔ̃ Lafɛ̃ɛ nŋɛ.

Kuka 15:15

Woodau akãi á jɛ ti zamaau fei, hai iŋɛ inɛi Izirɛli ŋa hee do inɛ njoo ŋau fei, nɔ hee do inɛ ŋa iyi aa na a naa si anyi nŋɛ fei, wooda akãu bɛi aa maa too si. Amu Aɔ̃ Lafɛ̃ɛ n ci ya n nya inɛi Izirɛli ŋa ikã, inɛ njoo ŋa mɔ ikã.

Kuka 15:16

Woodau do ikɔ ŋau, fei ndɛɛ akãi á jɛ ti iŋɛ inɛi Izirɛli ŋau do inɛ njoo ŋa iyi à wa bi tu ŋɛ fei.

Kuka 15:29

Hai ilu ide do inɛ njoo fei, wooda akãu bɛi aa too si, bii inɛ í ce dulum dimi bɛɛbɛ.

Laabaau jiida iyi Zãa í kɔ 4:20

To, awa inɛi Samari ŋa, bala nwa ŋa si geeteu ihɔ̃i à ya gulɛ a tɔɔ Ilaaɔ̃ wo, amma iŋɛ Zuifu ŋa, ì ni í gbe Zeruzalɛmui inɛ ku ya gulɛ ku tɔɔɛ.

Wooda ku kɔsi 11:29

Waati iyi Aɔ̃ Lafɛ̃ɛ nŋɛ á jɔ̀ i lɔ si ilɛ bii aa koo i buba si ŋa ku jɛ tu ŋɛu, aa fɔ idei kuwee ŋai si antaii iri kutai Garizimu, nɔ i fɔ idei ikpe ŋa si antaii iri kutai Ebali.

Wooda ku kɔsi 31:12

Aa tɔtɔɔ zamaau feii, hai inɛmɔkɔ ŋa do inaabo ŋa do amu ŋa hee do inɛ njoo ŋa iyi à wa bi tu ŋɛ ŋa bɛ fei ku ba a gbɔ kuciou nɔ a màa, nɔ a mà bɛɛrɛi Aɔ̃ Lafɛ̃ɛ nŋɛ nɔ a maa jirima idei wooda ŋau fei.

Wooda ku kɔsi 31:25

waati bɛɛbɛi í ba inɛi Levii ŋa iyi à ya so kpakoi akabuui Aɔ̃ Lafɛ̃ɛu ide ku fɔ í na ŋa wooda í ni,

Wooda ku kɔsi 31:9

Ŋɔi Moizi í kɔ woodai Aɔ̃ Lafɛ̃ɛu nɔ í so í na woo wee ŋa do inɛ ngboi Izirɛli ŋau. Woo wee ŋau tɔkui Levii ŋai nɔ aŋai à jɛ woo so kpakoi akabuui Aɔ̃ Lafɛ̃ɛu.

Zozue 23:2

Ŋɔi ajɔ nŋu gɔ í kpe inɛi Izirɛli ŋau fei, hai inɛ ngbo nŋa ŋa do amanlu nŋa ŋa do woo kiiti nŋa ŋa do inɛ ngboi sooge nŋa ŋa. Í sɔ̃ ŋa í ni, amu wee ǹ gbo bɛbɛi hee í caa.

Zozue 24:1

Zozue í tɔtɔɔ dimii Izirɛli fei Sikɛmu, nɔ í kpe inɛ ngbo ŋau do amanlu ŋau do woo kiiti ŋau do inɛ ngboi sooge ŋau, nɔ aŋa fei à naa à tɔtɔɔ bɛ si wajui Ilaaɔ̃.

Zozue 3:14

Ŋɔi inɛ ŋau à dede à ka ilei acɔ nŋa ŋau à waa bɔ idoi Zuudɛ̃ɛu ku kua, nɔ woo wee ŋa iyi à waa so kpakoi akabuui Aɔ̃ Lafɛ̃ɛu à waa cua nŋa.

Zozue 3:3

à sɔ̃ ŋa à ni, waati iyi aa yɛ inɛi Levii woo wee ŋau à waa so kpakoi akabuui Aɔ̃ Lafɛ̃ɛ nŋɛu, i dede hai bii ì wau nɔ i too ŋa ŋa.

Zozue 3:6

Nɔ Zozue í sɔ̃ woo wee ŋau í ni a so kpakoi akabuui Aɔ̃ Lafɛ̃ɛu nɔ a nɛ a maa cuaa inɛ ŋau. Bɛɛbɛ mɔi inɛ ŋau à ce. À so kpakoi akabuuu nɔ à nɛ à waa cuaa zamaau.

Zozue 4:10

Woo wee ŋa iyi à waa so kpakoi akabuuu à leekĩ si aninii idoi Zuudɛ̃ɛu hee ide iyi Aɔ̃ Lafɛ̃ɛ í ni Zozue ku sɔ̃ inɛ ŋau fei í ce mam mam, si bɛi Moizi í tako í sɔ̃ Zozue fei. Nɔ inɛ ŋau à ce saasa à kua idou.

Zozue 6:6

Iyi Aɔ̃ Lafɛ̃ɛ í fɔ bɛɛbɛ í tã, ŋɔi Zozue í kpe woo wee ŋau í sɔ̃ ŋa í ni, i so kpakoi akabuui Aɔ̃ Lafɛ̃ɛu ŋa, nɔ si inɔ nŋɛ inɛ mɛɛjei á so kuu iyi à ce do ngoi angudã kombo a maa cuaa kpakoi akabuu.