Zozue 8:29 - Bibeli do fee

²⁹ Ŋɔi Zozue í jɔ̀ à bagãm ilaalui Aiu si jĩi hai daakɔ hee alɛ í koo í lɛò. Iyi alɛ í lɛ ŋɔi í ni a koo a nya ikuɛu wa, ŋɔi à nyaa wa à na à nyɔɔ andɛ koofai iluu nɔ à timbi siɛ kuta ikɔ nla nla. Kuta ŋa iyi à timbi siɛu à wa bɛ baa nnyi.

Zozue 8:29 Iomraidhean Croise

Samuɛli 2, 18:17

Ŋɔi à so ikui Abusalɔmu à dasi isa nla nla gɔ si inɔ agbou. Nɔ à kosi kuta ŋa hee í kpante nla nla. Ŋɔi inɛi Izirɛli fei í sa í bɔ ideɛ.

Ɛsitɛɛ 7:10

Nɔ à bagãm Hamaa si jĩi iyi wa bi ku bagãm si Maadoseeu. Ŋɔi idɔɔkɔ̃i ilaaluu í bɛi í sũ.

Iri ku kɔ̃ 107:40

Aɔ̃ Lafɛ̃ɛ í jɔ̀ à donda inɛ ngbo ŋau. Í jɔ̀ à nyɔ à waa bibii si gbaa hai nɛ kpãau.

Iri ku kɔ̃ 110:5

Aɔ̃ Lafɛ̃ɛ í wa awɔ njɛɛ. Á ce nfei ilaalu ŋai ajɔ iyi idɔɔkɔ̃ɛ á dede.

Laabaau jiida iyi Zãa í kɔ 19:31

Si bɛi à wa si sɔɔlui ajɔi kusĩmiu, Zuifu ŋau a kù waa bi ajɔu ku to wa ku ba iku ŋau si jĩi ŋau bɛ, domi ajɔu ajɔ nla gɔi. Nŋui í jɔ̀ à koo à tɔɔ Pilati ku jɔ̀ a cɛ kutɛi inɛ ŋa iyi à kpakpa ŋau, nɔ a nya ŋa hai bɛ.

Woo bɛ ŋa 12:23

Bɛ gbakã amalekai Ilaaɔ̃ í dasi Herodu bɔ̃ɔ í jɔ̀ kokoo ŋa à ŋɔ araɛ í ku, si na iyi í jɔ̀ nŋu amanɛ í gba amboei Ilaaɔ̃, kù kɔ̀si.

Zozue 10:30

Nɔ Aɔ̃ Lafɛ̃ɛ í jɔ̀ inɛi Izirɛli ŋau à kãmia aŋa mɔ do ilaalu nŋa fei. Nɔ à kpa inɛi ilu ŋau fei a kù jɔ̀ baa inɛ akã, nɔ à cea ilaaluu bɛi à cea ilaalui Zerikou mɔ.

Zozue 10:33

Ŋɔi Hɔramu ilaalui Gezɛɛ í naa ku sobi inɛi Lakisi ŋa. Nɔ Zozue í kpa nŋu mɔ do inɛɛ ŋa fei, inɛ baa akã kù ba kù fita si.

Zozue 12:9

Ilaalu ŋa iyi à jɛ igũ ŋau wee. Ilaalui Zeriko do ilaalui Ai iyi í wa kɔkɔi Betɛli

Zozue 7:26

Nɔ à tɔtɔɔ kuta nkpɔ nkpɔ siɛ, kuta ŋau à wɛɛ baa nsɛi. Ŋɔi í ce baa nnyi à ya maa kpe inyau lɔɔmai Akɔɔ. Si anyii nŋu, ŋɔi idɔɔkɔ̃i Aɔ̃ Lafɛ̃ɛ í sũ.

Zozue 8:23

í gbe ilaaluu nŋu akã iyi à mu njaawɛ à koo à na Zozue.