Zozue 8:27 - Bibeli do fee

²⁷ Amma si tuubau ihɛ̃ inɛi Izirɛli ŋau à so mɛɛmu ŋa do amani ŋa iyi à ba hai si iluu í jɛ tu ŋa si bɛi Aɔ̃ Lafɛ̃ɛ í tako í sɔ̃ Zozueu wo.

Zozue 8:27 Iomraidhean Croise

Iri ku kɔ̃ 50:10

domi amui ǹ nɛ mɛɛmui inɔ agbo ŋa fei do mɛɛmu nkpɔ nkpɔ iyi à wa si iri kuta ŋau fei.

Kuka 31:22

Mii ŋa iyi à ce do wura do isɔ fũfũ do isɔ nkpa do isɔ fũfũ ku rɔ gɔ do lolo,

Kuka 31:26

awɔ do Eleazaa woo weeu do sobii inɛ ŋa iyi à jɛ inɛ ngboi zamaau, i ce doai mii ŋa iyi à gba wa ŋau fei, hai amanɛ hee do mɛɛmu ŋa fei.

Matie 20:15

Kù jɛ bɛi ǹ bii an ceò fiam? Mà ì waa yɛ taalem si na iyi í jɔ̀ ǹ ce jiidai.

Wooda ku kɔsi 3:7

Nɔ à ko mɛɛmu ŋau do amani ŋa iyi à ba si ilu ŋau.

Zozue 11:4

Ŋɔi ilaalui ilu ŋau bɛ fei sãa sãa à ce adako kɔkɔi idoi Meromu ku ba a koo a ba inɛi Izirɛli ŋa ku ja. Ŋɔi aŋa fei à dasi kpãa do sooge nŋa ŋa à koo à buba kɔkɔi idoi Meromuu. Inɛ ŋau à kpɔi bɛi sãai itĩi tenku, nɔ à nɛ acĩ ŋa do sarɛtii igũ ŋa nkpɔ nkpɔ.

Zozue 8:2

Iluu bɛ do ilaaluɛ aa ceai bɛi ì tako ì cea Zeriko do ilaaluɛ. Amma bɛbɛi, mii ŋa iyi aa ba hai si igũu ŋa, tu ŋɛi á jɛ. Hai amani nŋa ŋa, do mɛɛmu nŋa ŋau fei iŋɛi aa nɔɔ. Yaase bɛi aa ce i jɛò igũ ŋa wee. I koo i jilɛ sooge ŋa a sì a kaako angulei iluu ku ba a zamba ŋa.

Zozue 8:28

Zozue í jo ilui Aiu fei, í jɔ̀ iluu í baa í kpɔò bomma baa nsɛi.