Zozue 8:2 - Bibeli do fee

² Iluu bɛ do ilaaluɛ aa ceai bɛi ì tako ì cea Zeriko do ilaaluɛ. Amma bɛbɛi, mii ŋa iyi aa ba hai si igũu ŋa, tu ŋɛi á jɛ. Hai amani nŋa ŋa, do mɛɛmu nŋa ŋau fei iŋɛi aa nɔɔ. Yaase bɛi aa ce i jɛò igũ ŋa wee. I koo i jilɛ sooge ŋa a sì a kaako angulei iluu ku ba a zamba ŋa.

Zozue 8:2 Iomraidhean Croise

Bomma 2, 13:13

Zeroboamu í nya sooge ŋa à koo à manji wa do anyii inɛi Zudaa ŋau ku ba a ce igũu waju do anyi.

Bomma 2, 20:22

Waati iyi à so iriu à waa kɔ̃, ŋɔi Aɔ̃ Lafɛ̃ɛ í fɔtɔtɔi inɛi Amɔɔ ŋa do inɛi Moabu ŋa do inɛi iri kutai Seii ŋa iyi à waa naa ku ba inɛi Zudaa ŋa ku jau. Nɔ aŋa duusɔ̃ɔ à waa ce igũ do njɛ.

Iri ku kɔ̃ 39:6

Wee ì ni kuwɛɛ iyi ì nam kù re kucĩi ataawɔ, kuwɛɛm kù jɛ nkãma bi titɛɛ. Ntɔ ntɔ amanɛ baa yooma iyi í wɛɛ fei, í yɛi bɛi fufu. Kusĩmi.

Mɔnda ŋa 13:22

Inɛ jiida í ya jɔ̀a amaɛ do tɔkuɛ ŋa tubu, amma amanii ilu dulum, ti inɛ dee dee ŋai á na ku jɛ.

Mɔnda ŋa 28:20

Ilu naanɛ á ba kuwee nkpɔ nkpɔ, amma inɛ iyi wa saasaò nŋu ku jɛ ilu amani kaa gbe iyi kù ba ijuukpã.

Zeremi 17:11

Inɛ iyi í ba amani ŋa do kpãa iyi kù jɛ dee dee, í yɛi bɛi kpau iyi wa wɔɔba si njɛ ŋa iyi kù jɛ titɛɛ. Amaniɛu í ya na ku nɛ ku jɔ̀ɔi waati iyi kuwɛɛɛ í to anini, nɔ si waatii iri ku kpai kuwɛɛɛu, í ya baa ku jɛ nnyɛii.

Zeremi 51:12

Ŋɔi Aɔ̃ Lafɛ̃ɛ í ni, i gũ nyindai igũ ku gbe si bindii inɛi Babilɔni ŋau ŋa. Nɔ inɛ ŋa iyi à jɛ woo degbe ŋau, i kɔ̃ɔsi akpɔ nŋa ŋa. I jilɛ inɛ ŋa iyi aa maa cɔ mà inɛ ŋa à waa naa ŋa. I jilɛ woo kɛɛma inɛ ŋa ŋa. Do yaase bɛɛbɛi Aɔ̃ Lafɛ̃ɛ á kɔ̃ò mii iyi í dasi idɔ iyi í fɔ í ni nŋu á cea inɛi Babilɔni ŋau.

Wooda ku kɔsi 2:35

Mii iyi à jɔ̀aa ara nwa nŋu akã si igũ iyi à jɛu, nŋui í jɛ mɛɛmu ŋa do amani ŋa iyi à ba si ilu ŋa iyi à gba ŋau.

Wooda ku kɔsi 20:14

amma aa jɔ̀ inaabo ŋaui do amu ŋau do mɛɛmu ŋau do mii iyi í wa si inɔ iluu fei. Amanii mbɛɛ nŋɛ ŋau fei tu ŋɛi á baa ku jɛ, domi Aɔ̃ Lafɛ̃ɛi á mu nŋɛ.

Wooda ku kɔsi 3:2

Ŋɔi Aɔ̃ Lafɛ̃ɛ í sɔ̃m í ni, maà ce njoɛ, domi an soo n daaɛ si awɔ nŋu do zamaaɛ ŋau do ilɛɛu fei. Aa ceaai bɛi ì cea Sioni ilaalui inɛi Amɔre ŋa iyi í wa Hɛsebɔ̃ɔu.

Zozue 10:1

Adoni-Sedɛki ilaalui Zeruzalɛmu í gbɔ iyi Zozue í kãmia ilui Ai nɔ í lɛgɛɛ fei mam mam, nɔ í cea iluu do ilaaluɛ feii bɛi í cea ilui Zeriko do ilaaluɛ fei. Nɔ í gbɔ má iyi inɛi Gabaɔ̃ɔ ŋa à ce anu akã do inɛi Izirɛli ŋa, nɔ aŋaò ŋa fei à wa inya akã.

Zozue 10:28

Ajɔ akãu bɛi Zozue í gba ilui Makeda, nɔ í kpa ilaaluu do inɛi iluɛ ŋa fei. Kù jɔ̀ inɛ kãma kù ba kù gbã. Nɔ í cea ilaaluu bɛi í cea ilaalui Zerikou mɔ.

Zozue 11:14

Inɛi Izirɛli ŋa à so amani ŋa do mɛɛmu ŋa iyi à ba si ilu ŋau, amma amanɛ ŋau à kpa ŋai fei sãa sãa a kù jɔ̀ inɛ kãma.

Zozue 6:21

Nɔ à kpa zamaai iluu fei hai inɛmɔkɔ do inaabo, hai awaasũ do mɔkɔ ngbo fei. Nɔ à kpa hee do kɛtɛ ŋa do angudã ŋa do gbankɛlɛ ŋa fei.

Zozue 8:12

Ŋɔi Zozue í cica amanɛ dubu miiu (5.000) má í ni a koo a si do ikpa nunui alɛi iluu si afei Betɛli do Ai.

Zozue 8:14

Iyi ilaalui Aiu í yɔɔ bɛɛbɛ ŋɔi í dede daadaakɔ do saasa. Nɔ nŋu do soogeɛ ŋa do inɛi ilu ŋau à bɔ lɔɔmau ku ba a koo a ce igũ aŋaò ŋa. Nɔ wee a kù mà mà inɛ gɔ ŋa à waa si nŋa do anyii iluu.

Zozue 8:19

Iyi í to kakaɛu si iluu gbakã, ŋɔi inɛi Izirɛli ŋa iyi à waa si ŋau fei à fita hai tengi bii à waa siu do saasa à sɛi à nɛ hee inɔ ilu, nɔ gbakã à dasi iluu ina.

Zozue 8:24

Waati iyi inɛi Izirɛli ŋa à kpa inɛi Ai ŋau fei à tã tengi bi gbaa bii à lele ŋa à bɔò ŋau, ŋɔi à dasi inɔ iluu à koo à kpa inɛ ŋa iyi à gbeu.

Zozue 8:3

Ŋɔi Zozue wa ce sɔɔlu nŋu do soogeɛ ŋa fei ku ba a koo a jɛ inɛi ilui Ai ŋau igũ. Nɔ í cica sooge kaasãanɛ dubu kuntaa (30.000) í jɔ̀ à nɛ bɛ idũ.

Zozue 8:7

Waati bɛɛbɛi aa fita wa hai bii ì waa si ŋau nɔ i jɛ iluu igũ ŋa, domi Aɔ̃ Lafɛ̃ɛ nŋɛi á da nŋɛ iluu si awɔ.

Zozue 8:8

Bii ì gba iluu ì tã, aa dasi ina ŋai bɛi Aɔ̃ Lafɛ̃ɛ í sɔ̃ ŋɛu. Bɛi ì nɛ ku ce ŋai ǹ sɔ̃ ŋɛ bɛ.

Zozue 8:9

Iyi Zozue í fɔ bɛɛbɛ í tã ŋɔi í jɔ̀ sooge ŋau à nɛ, nɔ à koo à wa tengi bii aa maa siu si afei Betɛli do Ai takaɛ, do ikpa nunui alɛi Ai. Nɔ nŋu takaɛ í koo í sũ si aninii inɛ ŋa iyi à gbeu.

Zozue 9:3

Amma waati iyi inɛi Hɛvi ŋa iyi à wa ilui Gabaɔ̃ɔ à gbɔ bɛi Zozue í cea ilui Zeriko do ilui Ai,