Zozue 8:19 - Bibeli do fee

¹⁹ Iyi í to kakaɛu si iluu gbakã, ŋɔi inɛi Izirɛli ŋa iyi à waa si ŋau fei à fita hai tengi bii à waa siu do saasa à sɛi à nɛ hee inɔ ilu, nɔ gbakã à dasi iluu ina.

Zozue 8:19 Iomraidhean Croise

Zozue 8:18

Ŋɔi Aɔ̃ Lafɛ̃ɛ í sɔ̃ Zozue í ni, to kakaɛ ikpa ilui Ai, domi an daɛ iluu si awɔi. Ŋɔi Zozue í to kakaɛu si iluu.

Zozue 8:2

Iluu bɛ do ilaaluɛ aa ceai bɛi ì tako ì cea Zeriko do ilaaluɛ. Amma bɛbɛi, mii ŋa iyi aa ba hai si igũu ŋa, tu ŋɛi á jɛ. Hai amani nŋa ŋa, do mɛɛmu nŋa ŋau fei iŋɛi aa nɔɔ. Yaase bɛi aa ce i jɛò igũ ŋa wee. I koo i jilɛ sooge ŋa a sì a kaako angulei iluu ku ba a zamba ŋa.

Zozue 8:20

Ŋɔi inɛi ilui Ai ŋau à sinda à cɔ do anyi nɔ à yɛ cua í dede si inɔ ilu nŋau hee lele, nɔ a kù nɛ bii kãma bii aa sa a bɔ má. Nɔ inɛi Izirɛli ŋa iyi à sa à waa nɛ ikpa gbaau aŋa mɔ à yɛ cua í dede si inɔ iluu. Iyi à yɔɔ bɛɛbɛ ŋɔi à mà iyi inɛ ŋa iyi à waa manjiu à to iluu awɔi. Ŋɔi à sinda si inɛi Ai ŋau wa.

Woo kiiti ŋa 20:33

Ŋɔi anu akã inɛi Izirɛli ŋau à dede wa hai bi kuwa ikã ikã nŋa ŋau à na à tɔtɔɔ Baali-Tamaa. Waati bɛɛbɛ inɛ ŋa iyi à waa si kɔkɔi iluu aŋa fei à dede wa hai bii à waa manji kɔkɔi lɔɔmai Gibeau.

Woo kiiti ŋa 20:37

Ŋɔi anu akã inɛi Izirɛli bubu ŋa iyi à waa manjiu à dasi inɔ iluu, nɔ à kpa inɛ ŋa iyi à wa bɛ fei.