Zozue 8:14 - Bibeli do fee

¹⁴ Iyi ilaalui Aiu í yɔɔ bɛɛbɛ ŋɔi í dede daadaakɔ do saasa. Nɔ nŋu do soogeɛ ŋa do inɛi ilu ŋau à bɔ lɔɔmau ku ba a koo a ce igũ aŋaò ŋa. Nɔ wee a kù mà mà inɛ gɔ ŋa à waa si nŋa do anyii iluu.

Zozue 8:14 Iomraidhean Croise

Woo lasabu 9:12

Iyi í re mɔm, amanɛ kù mà ajɔi ikuɛ. Iku í ya naa si amanɛi ku zambaɛ bɛi à ya zamba cɛ̃ɛ ŋa do taao do bɛi taa í ya zamba yɛi ŋa.

Ezai 19:11

Ilaalui Soãa ŋau, nnyɛi ŋai. Inɛ ŋa mɔ iyi à jɛ ilu laakai woo kɔi ilaalu Faraɔ̃u, igbɛi nnyɛi ŋai. Bɛirei í ce ì jɛ ì waa sɔ̃ Faraɔ̃ ì waa ni ŋa iŋɛ amai ilu laakai ŋai, amai ilaalui tako ŋai.

Ezai 19:13

Ilaalui Soãa ŋau sũmu ŋai, nɔ ti Nɔfu ŋau mɔ, lasabu nŋa í fɔtɔtɔ. Aŋa iyi à jɛ inɛ ngboi dimii ŋau bɛi à waa dasi Ezibiti ku nyɔu bɛ.

Daniɛli 4:31

Si iri ku kpai adɔ̃ mɛɛjeu, ŋɔi amu Nebukanɛsaa ǹ wu iju ikpa lelei Aɔ̃, nɔ laakai jiida í baa sim. Ŋɔi ǹ saabu Ilaaɔ̃ nŋu iyi í wa hee lele nɔ kuwɛɛɛ kù nɛ kɔɔu. Ǹ wa n cũu, nɔ ǹ lɔsi ku fɔ idei bɛɛrɛɛ. Ntɔ ntɔ gbugbãi bommaɛ kù nɛ kɔɔ. Nŋui í jɛ ilaalu, nɔ bommaɛ á maa wɛɛi hee do ajɔ fei.

Matie 24:39

A kù waa lasabu do wahala dimi bɛɛbɛ hee í to kukɔ̃i inyi nlau í jɛ ŋa fei. Bɛɛbɛ mɔi á jɛ si waati iyi amu Amai Amanɛ an nyi wa.

Matie 24:50

Bɛɛbɛi, lafɛ̃ɛu á na ku baa si ajɔ iyi kù waa cɔ kpãaɛ, do si waati iyi kù waa tamaa,

Wooda ku kɔsi 1:1

Tiau ihɛ̃ wa sisi nwa ide ŋa iyi Moizi í sɔ̃ inɛi Izirɛli ŋau fei do icei idoi Zuudɛ̃ɛu ikpa nunui daakɔ, si gbaa iyi í wa si lɔɔmau kɔkɔi Sufu si aninii Parãa do Tofɛli do Labãa do Haserɔti do Di-Zahabu.

Zozue 8:13

Waati iyi inɛ ŋau fei à ce asɔ do ikpa awɔ njɛi kpãai inunu tengi bii iluu í wa suusuu à tã, nɔ inɛ gɔ ŋa mɔ à si do ikpa nunui alɛi iluu, ŋɔi idũ ajɔ nŋu Zozue í nɛ í bɔ aninii lɔɔmau.

Zozue 8:15

Ŋɔi Zozue do inɛi Izirɛli ŋau fei à jɔ̀ à waa le ŋa nɔ à sa à waa nɛ ikpa gbaau.

Zozue 8:16

Ŋɔi inɛi ilu ŋau fei à da hãmɛ nŋa à bɔ ku lele ŋa. Ŋɔi à lele Zozue bɛɛbɛ hee à jĩò ilu nŋa.

Zozue 8:5

Amma amu do inɛ ŋa iyi à gbe bi tom nɔu aa ka bɔ hee kɔkɔi iluu. Waati iyi inɛ ŋau à fita à waa naa si wa bɛi takou má aa ka maa sai hai bi tu ŋa.

Piɛɛ 2, 2:3

Na binɛ nŋa aa jɛ ŋɛ takii do ide ŋa iyi aŋa taka nŋa à waa lasabu. Amma hai ku kpɛ woo kiiti nŋa í tã sɔɔlu ku kiiti nŋa. Nŋu mɔi á ce ŋa nfe nɔ kaa kpɛ mɔm.

Woo kiiti ŋa 20:37

Ŋɔi anu akã inɛi Izirɛli bubu ŋa iyi à waa manjiu à dasi inɔ iluu, nɔ à kpa inɛ ŋa iyi à wa bɛ fei.