Zozue 8:1 - Bibeli do fee

¹ Ŋɔi Aɔ̃ Lafɛ̃ɛ í sɔ̃ Zozue í ni, maà ce njo, nɔ i maà mɔngɔ munya. Gbã soogeɛ ŋa fei nɔ i koo si ilui Aiu ŋa. An daaɛ ilaalui Aiu si awɔ, nŋu do inɛɛ ŋa do iluɛ do ilɛɛu fei.

Zozue 8:1 Iomraidhean Croise

Iri ku kɔ̃ 27:1

Iriu ihɛ̃ ti Davidii. Aɔ̃ Lafɛ̃ɛi í jɛ inya kumám do woo faabam. Si yooi zigim á maa da má. Aɔ̃ Lafɛ̃ɛi í jɛ bi ku manjim. Njoi yooi an maa n ce má.

Iri ku kɔ̃ 44:3

Awɔi ì lele inɛi ilɛ gɔ ŋa ì bɛi ì buba inɛɛ ŋa bɛ. Ì kpã inɛi ilɛ ŋau ijui ì bɛi ì jilɛ inɛɛ ŋa bɛ ku ba akpɔ nŋa ku kɔ̃ɔsi.

Iri ku kɔ̃ 46:11

Nŋui í ni, i leekĩ nɔ i mà ŋa iyi amui ǹ jɛ Aɔ̃ Lafɛ̃ɛ. Amui ǹ kãmia dimi ŋa nɔ ǹ kãmia andunyau fei.

Ezai 12:2

Ntɔ ntɔ Ilaaɔ̃i í jɛ woo faaba nwa, siɛi naanɛ nwa í wa, a kù nɛ zigiida má. Aɔ̃ Lafɛ̃ɛi í jɛ gbugbã nwa, nŋui aa ka kɔ̃aa iri. Nŋui í jɛ woo faaba nwa.

Ezai 43:2

Bii ì waa kua inyi, an wɛɛ do awɔ. Nɔ bii ì waa kua ido ŋa, inyi kaa nɛòɛ. Bii ì waa nɛ si ina ì waa kua, kaa joɛ nɔ amɛi inau kaa ceɛ nkãma.

Zeremi 46:27

Amma awɔ Zakɔbu woo ce icɛm, maà jɔ̀ zigiɛ ku da. Izirɛli, maà yaya, domi an faabaɛ wa hai ilɛ jĩijĩ awɔ do tɔkuɛ ŋa hai ilɛ bii ì waa jɛ aruu. Zakɔbu á na ku sinda ku baa, nɔ ku buba sɛ̃ɛ do laakai ku sũ cau, nɔ inɛ kãma kaa dede laakaiɛ má.

Zeremi 49:3

Iŋɛ inɛi Hɛsebɔ̃ɔ ŋa, i dɔ̃ anu do inɔ kufɔ ŋa, domi à ce nfei ilui Aiu mbɛ. Iŋɛ inɛi Raba ŋa, i dɔ̃ anu i tɔɔ faaba ŋa. I dasi jĩnɛ iyi í jɛ ti kukpata akũ nɔ i kɔ̃ irii inɔ kufɔ ŋa. Bii ì yɔkɔ i sɛi i bɔ bii ì waa bɔ fei ŋa, aa mu iwɛ̃ ilaalu nŋɛui a nɛò ilɛ mmu dei nŋu do woo weeɛ ŋa do amaɛ ŋa fei ajɔ.

Daniɛli 2:21

Nŋui í ya kpaasi waati ŋa do mii ŋa iyi à waa ce fei. Nŋui í ya kɛkɛ ilaalu ŋa, nɔ nŋui í ya nyi ku jilɛ ŋa má. Nŋui í ya muaa ilu laakai ŋa laakai jiida, nɔ nŋui í ya jɔ̀ ilu bisi ŋa a ba kumà.

Daniɛli 4:25

Ide ŋa iyi Daniɛli í sɔ̃ ilaalu Nebukanɛsaau, fei ndɛɛ í na í baa.

Matie 8:26

Ŋɔi Jesu í sɔ̃ ŋa í ni, naanɛ ku dasi nŋɛ kù la. Na mii í ce ì jɔ̀ njo wa mu ŋɛ ŋa. Iyi í fɔ bɛɛbɛ í tã, ŋɔi í dede í la si inyiu do fufuu nɔ à coko sɔ̃m sɔ̃m.

Wooda ku kɔsi 1:21

I cɔ ŋa, Aɔ̃ Lafɛ̃ɛ nŋɛ í tɛ ilɛu si waju nŋɛ. I koo i gba ilɛu si bɛi Aɔ̃ Lafɛ̃ɛi bala nŋɛ ŋau í sɔ̃ ŋɛ. I dasi wɔɔkɔ, nɔ i maà ce njo ŋa.

Wooda ku kɔsi 31:8

Aɔ̃ Lafɛ̃ɛ takaɛi á maa cuaɛ do waju. Nŋui á maa wɛɛ do awɔ nɔ kaa fũsiɛ awɔ ajɔ kãma. Debɛi, maà jɔ̀ njo ku muɛ nɔ i maà jɔ̀ zigiɛ ku da.

Wooda ku kɔsi 7:18

I maà ce njo nŋa ŋa. I ye gigii mii iyi Aɔ̃ Lafɛ̃ɛ nŋɛ í cea ilaalu Faraɔ̃ do inɛi Ezibiti ŋau fei ŋa.

Wooda ku kɔsi 7:21

Debɛi i maà jɔ̀ njo ku mu ŋɛ na iri nŋa má ŋa, domi Aɔ̃ Lafɛ̃ɛ nŋɛ nŋu iyi í wa anini nŋɛ í la nɔ í to a ce njoɛ.

Zozue 1:9

Maà gbɛjɛ iyi ǹ sɔ̃ɛ ǹ ni, jɔ̀ i nɛ wɔɔkɔ nɔ i nɛ gbugbã. Maà jɔ̀ njo ku muɛ, nɔ i maà ti i mɔngɔ munya, domi amu Aɔ̃ Lafɛ̃ɛɛ an wɛɛ do awɔ bii ì waa bɔ fei.

Zozue 10:7

Ŋɔi gbakã Zozue í dede hai Giligali do soogeɛ ŋa do inɛ ŋa iyi à jɛ sooge ilu wɔɔkɔɛ ŋau fei à waa koo.

Zozue 10:8

Nɔ Aɔ̃ Lafɛ̃ɛ í sɔ̃ɔ í ni, maà ce njo nŋa, domi an daaɛ aŋa fei si awɔɛ, nɔ kãma nŋa kaa yɔkɔ ku leekĩ si wajuɛ.

Zozue 2:24

Nɔ à sɔ̃ Zozue à ni, ntɔ ntɔ Aɔ̃ Lafɛ̃ɛ í da nwa ilɛu fei si awɔi, nɔ inɛi ilɛ ŋau fei zigi nŋa í da hee à waa yaya do njo na iri nwa.

Zozue 6:2

Ŋɔi Aɔ̃ Lafɛ̃ɛ í sɔ̃ Zozue má í ni, cɔ ǹ daaɛ Zeriko si awɔ do ilaaluɛ do sooge kaasãanɛɛ ŋa fei.

Zozue 7:9

Inɛi Kanaã ŋa do inɛi ilɛ mmu ŋa iyi à gbe ŋa fei aa gbɔ baaui ideu ihɛ̃ mbɛ, nɔ aa ce anu tɔɔsi à naa à kpa wa fɛ̃ɛ fɛ̃ɛ. Bii à ce bɛɛbɛ, bɛirei aa ce ku ba inɛ ŋa a mà bɛɛrɛ nlaɛ.