Zozue 7:9 - Bibeli do fee

⁹ Inɛi Kanaã ŋa do inɛi ilɛ mmu ŋa iyi à gbe ŋa fei aa gbɔ baaui ideu ihɛ̃ mbɛ, nɔ aa ce anu tɔɔsi à naa à kpa wa fɛ̃ɛ fɛ̃ɛ. Bii à ce bɛɛbɛ, bɛirei aa ce ku ba inɛ ŋa a mà bɛɛrɛ nlaɛ.

Zozue 7:9 Iomraidhean Croise

Iri ku kɔ̃ 115:1

Aɔ̃ Lafɛ̃ɛ, kù jɛ awai à nɛ ka nɛ bɛɛrɛ, aawo kù jɛ awa. Awɔi ì nɛ i nɛ bɛɛrɛ na dee dee ku jɛɛ do na jiida ku jɛɛ.

Iri ku kɔ̃ 48:10

Ilaaɔ̃, si inɔ kpasɛ̃ɛi à ya ka maa wa ka maa lasabu si jiida ku jɛɛ.

Iri ku kɔ̃ 79:9

Ilaaɔ̃ woo faaba nwa, faaba wa, na bɛɛrɛɛ. Nya wa, nɔ i kpa idei dulum du wa na iriɛ.

Iri ku kɔ̃ 83:4

Inɛ ŋau à waa dĩ sɔɔlui zamba na inɛɛ ŋa. À waa busi njɛ ku ba a cea inɛ ŋa iyi ì waa degbeu laalɔ.

Iri ku kɔ̃ 83:5

À waa ni, i naa wa ŋa kaa kpa irii dimiu, nɔ a maà ye gigii irii Izirɛli má.

Kufita 32:12

Bii ì ce bɛɛbɛ inɛi Ezibiti ŋau aa ni, Ilaaɔ̃ í na í nya inɛi Izirɛli ŋau hai ilɛ nwai ku ba koo ce nŋa laalɔ si antaii iri kutau. Á kpa dimi nŋa feii si andunya. Ǹ wa n tɔɔɛ i jɔ̀ idɔɔkɔ̃ɛ ku sũ, nɔ i jɔ̀ laalɔ iyi ì waa bi i cea inɛɛ ŋau.

Ezekiɛli 20:9

Do nŋu fei, mii iyi ǹ ce ǹ cooi na irim, ku ba bɛɛrɛm nɔu ku maà bɛjɛ si wajui dimi mmu ŋa tengi bii à koo à wau. Aŋai à jɛ sɛɛda si waati iyi ǹ nya inɛi Izirɛli ŋau wa hai ilɛi Ezibiti.

Zoɛli 2:17

Woo wee ŋa iyi à waa ce icɛi Aɔ̃ Lafɛ̃ɛ ŋau a kpata si inɔ kpasɛ̃i Aɔ̃ Lafɛ̃ɛu si afei andɛi kpasɛ̃u do bi ku ce kuweeu a maa ni, Aɔ̃ Lafɛ̃ɛ, ce araarei awa inɛɛ ŋau. Maà dasi awa inɛɛ ŋau anyɔ. Maà jɔ̀ isɛ mmu ŋa a yaako wa a maa ni, hee iwoi Ilaaɔ̃ Lafɛ̃ɛ nŋau í wa.

Misee 7:10

Mbɛɛ nwa ŋa aa yɔɔ, nɔ anyɔi á bii ŋa, aŋa iyi à waa ni, iwoi Aɔ̃ Lafɛ̃ɛ nŋɛ í wa. Aa ka yɛ a cukui hee ilɛ, nɔ a tɛɛsɛ ŋa bɛi pɔkɔdɔ si kpãa ŋa.

Kuka 14:13

Ŋɔi Moizi í jɛa Aɔ̃ Lafɛ̃ɛ í ni, inɛi Ezibiti ŋau à mà iyi do gbugbãɛi ì nyaò inɛi Izirɛli ŋau wa hai bi ti aŋa.

Laabaau jiida iyi Zãa í kɔ 12:28

Baaba, jɔ̀ bɛɛrɛi awɔ takaɛ ku kɔ̃ɔsi. Iyi Jesu í fɔ bɛɛbɛ ŋɔi à gbɔ ide ku fɔ gɔ wa hai lele í ni, ǹ nɛ bɛɛrɛ tã nɔ an jɔ̀ ku kɔ̃ɔsi má.

Wooda ku kɔsi 9:28

ku ba inɛi ilɛ hai bii ì nya ŋa wau a maà na a ni, si na iyi í jɔ̀ awɔ Aɔ̃ Lafɛ̃ɛ i kaa yɔkɔ i bɔò ŋa si ilɛ iyi ì tako ì wã ŋa dou, walakɔ si bɛi ì cé ŋa, ŋɔi í jɔ̀ ì koo ì kpa ŋa si gbaau.

Zozue 7:10

Ŋɔi Aɔ̃ Lafɛ̃ɛ í sɔ̃ Zozue í ni, dede. Bɛirei í ce ì waa sɛɛbata bɛɛbɛ.

Zozue 7:8

Bɛirei an yɔkɔ n ni, Aɔ̃ Lafɛ̃ɛ. Nsɛi wee awa inɛi Izirɛli ŋau à sa wa hai bi mbɛɛ nwa ŋau.

Samuɛli 1, 12:22

Aɔ̃ Lafɛ̃ɛ kaa kɔ̀si ŋɛ domi do idɔɔbiɛi í so ŋɛ i jɛ titɛɛ ŋa nɔ nŋui á maa mu ŋɛ na iri nlaɛ.