Zozue 7:6 - Bibeli do fee

⁶ Ŋɔi Zozue í ga ibɔɛ ŋa nɔ í sɛɛbata si wajui kpakoi akabuui Aɔ̃ Lafɛ̃ɛ hai daakɔ hee alɛ í koo í lɛò, nŋu do inɛ ngboi Izirɛli ŋau, nɔ à kosi iri nŋa ŋa sãa a nyisiò inɔ kufɔ nŋa.

Zozue 7:6 Iomraidhean Croise

Kusintii Andunya 37:29

Ŋɔi Rubɛ̃ɛ í nyi wa bi lɔgɔ kusiiu. Í nante í cɔ nɔ í ba Zozɛfu kù wa bɛ má. Ŋɔi í gagaga ibɔɛ na inɔ kufɔɛ.

Kusintii Andunya 37:34

Ŋɔi í mu ibɔɛ í gaa na inɔ kufɔ nɔ í so saaki í we. Nɔ í ce akũi amaɛu ajɔ nkpɔ nkpɔ.

Samuɛli 2, 1:11

Ŋɔi Davidi í mu ibɔɛ ŋa iyi wa dasi í gaa, nɔ inɛ ŋa iyi à wa kɔkɔɛ ŋa fei à ce bɛi Davidi í ceu à nyisiò inɔ kufɔ nŋa.

Samuɛli 2, 1:12

Ŋɔi aŋa fei à dĩ anu à waa kpataò akũi Saulu do amaɛ Zonatãa do ti inɛi Izirɛli ŋa hee alɛ í koo í lɛò, si na iyi í jɔ̀ à kpa inɛi Aɔ̃ Lafɛ̃ɛ ŋa si igũ.

Samuɛli 2, 1:2

Ajɔ mɛɛtasiaɛ, ŋɔi mɔkɔ gɔ í to wa bi tɛɛ hai do ikpa asɔi bubaai soogei Saulu ŋa. Mɔkɔu wa dasi ibɔ ku ga í kosi iriɛ sãa wa nyisiò inɔ kufɔ nla nlai. Í naa í sɛɛbataa Davidi.

Samuɛli 2, 12:16

Ŋɔi Davidi í lɔsi Ilaaɔ̃ ku tɔɔ na amau, í dĩ anu, nɔ í ya lɔ ilei koo sũ ilɛ hee iju koo máu.

Samuɛli 2, 13:19

Ŋɔi si inɔ kufɔ nla nlaɛu í kosi iriɛ ilúlu, nɔ í ga ibɔ sisɔ ku nɛ ila nkpɔɛu. Ŋɔi í le awɔ si iri í dɔ̃ anu í kpata wa nɛò.

Samuɛli 2, 13:31

Ŋɔi Davidi í dede í ga ibɔɛ nɔ í koo í sũ ilɛ ku nyisiò inɔ kufɔɛ. Nɔ woo ce icɛɛ ŋa fei à wa bɛ do ibɔ ku ga.

Ilaalu 2, 22:11

Iyi ilaalu Zoziasi í gbɔ idei tiai woodau í tã, ŋɔi í ga ibɔɛ ŋa ku nyisiò inɔ kufɔɛ.

Bomma 2, 34:19

Iyi ilaalu Zoziasi í gbɔ idei tiai wooda ŋau í tã, ŋɔi í ga ibɔɛ ŋa ku nyisiò inɔ kufɔɛ.

Ɛsidarasi 10:1

Waati iyi Ɛsidarasi í gulɛ wa kpataò si wajui kpasɛ̃u wa tɔɔ Ilaaɔ̃ ku kpa idei dulum du ŋau, inɛi Izirɛli ŋa aŋa nkpɔ nkpɔi à tɔtɔɔ à kaakoɛ bɛ, hai inɛmɔkɔ ŋa do inaabo ŋa do ama keeke ŋa, aŋa fei à wasi ku kpata hee lele.

Neemi 9:1

Si ajɔ kɔnfia do mɛɛsiai cukpa akãu bɛ, inɛi Izirɛli ŋa à tɔtɔɔ ku ba a ce anu ku dĩ. À dasi jĩnɛi inɔ kufɔ ŋa nɔ à kosi iri nŋa sãa.

Ɛsitɛɛ 4:1

Waati iyi Maadosee í gbɔ ideu í ga ibɔɛ ŋa, nɔ í dasi ibɔi saaki nɔ í fãsi ilúlu si iriɛ. Nɔ wa dabii si inɔ iluu bii fei wa dɔ̃ò anu do ara kuro nla nla.

Ɛsitɛɛ 4:3

Si ilɛ iyi í wa si bommau fei, bii tiai ilaaluu í to fei, Zuifu ŋa à ya wɛɛò inɔ kufɔ nla nlai. Ŋɔi à ya dĩ anu a maa kpataò, nɔ inɛ nkpɔ nkpɔ nŋa ibɔi saakii à ya dasi a maa sũò si ilúlu.

Zɔɔbu 1:20

Ŋɔi Zɔɔbu í dede í ga ibɔɛ nɔ í wa iriɛ ku nyisiò inɔ kufɔɛ nɔ í sɛɛbata ilɛ

Zɔɔbu 2:12

Waati iyi à hɔ̃nnɛɛ hai jĩijĩ a kù màa, nɔ à lɔsi ku kpata. À ga ibɔ nŋa ŋa nɔ à bu sãa à wasi ku kosi iri nŋa ŋa à waa nyisiò inɔ kufɔ nŋa.

Zɔɔbu 42:6

Na ŋɔi í ce iyi ǹ fɔ wo n kù fɔ má. Nɔ ǹ kaye aram ǹ koo ǹ wa n buba si sãa do si ilúlu.

Kukpata 2:10

Inɛ ngboi ilui Siɔ̃ɔ ŋa à waa buba ilɛ à waa coko. À kosi iri nŋa sãa nɔ à dasi jĩnɛi saaki na inɔ kufɔ. Mudɛ̃ɛi Zeruzalɛmu ŋau à kɔmba iri ilɛ.

Kuka 14:6

nɔ Zozue amai Nunu, do Kalɛbu amai Yɛfune, aŋa iyi à wa si inɔi inɛ ŋa iyi à koo à cɔ ilɛu wa, à ga ibɔ nŋa ŋa,

Kuka 16:22

Ŋɔi Moizi do Arɔ̃ɔ à sɛɛbata hee ilɛ à waa ni, Ilaaɔ̃ awɔ iyi í jɔ̀ ilu hunde fei í wɛɛ, ŋɔi na dulum dii inɛ akã aa ce idɔɔkɔ̃ si zamaau ihɛ̃ fei?

Woo bɛ ŋa 14:14

Amma iyi woo bɛ minji ŋau à gbɔ ideu, à ga ibɔ nŋa ŋa à waa nyisiò iyi aŋa a kù jɛsi, nɔ à sɛi à waa nɛò bi zamaau à dɔ̃ anu à waa ni,

Zozue 7:7

Ŋɔi Zozue wa ce kutɔɔ í ni, Aɔ̃ Lafɛ̃ɛ, bɛirei í ce ì jɔ̀ à kua idoi Zuudɛ̃ɛu. Ì jɔ̀ à kua idoi Zuudɛ̃ɛui ku ba ka dasi awɔi inɛi Amɔre ŋau a jɛ wa igũ a kpa wa? Í tia ka gbe nwa icei idoi Zuudɛ̃ɛu wo.

Kuyɛi Zãa 18:19

À waa kosi iri nŋa sãa à waa nyisiò inɔ kufɔ nŋa. À waa kpata à dɔ̃ anu à waa ni, waiyooi, irei ì gbɔ bɔ̃nɛ iyi í ba ilu nlau ihɛ̃. Do saabui amaniɛi ilu akɔi inyi ŋa fei à ceò fia. Nɔ si isɔ akã, fei ndɛɛ í ce nfe.

Woo kiiti ŋa 11:35

Hai í yɛ ama inaaboɛu gbakã, í ga ibɔɛ ŋa na inɔ kufɔɛ nɔ í ni, ama inaabom, ì dasim inɔ kufɔ, awɔ mɔ ì wa si inɔi inɛ ŋa iyi à waa fɔ inɔm. Ǹ cea Aɔ̃ Lafɛ̃ɛ kuwã nɔ n kaa n yɔkɔ n kpaasiɛ má.

Woo kiiti ŋa 20:26

Ŋɔi inɛi Izirɛli ŋau fei à bɔ Betɛli, nɔ à wasi ku kpata si Aɔ̃ Lafɛ̃ɛ. Ŋɔi à ce anu ku dĩ ajɔ nŋu hai daakɔ hee alɛ í koo í lɛò, nɔ à cea Aɔ̃ Lafɛ̃ɛ kuwee ŋa iyi à ya jo si ina fei sãa sãa do kuweei anu akã.

Woo kiiti ŋa 21:2

Si anyii igũu inɛi Izirɛli ŋau à bɔ Betɛli à koo à leekĩ si wajui Ilaaɔ̃ bɛ hee alɛ í koo í lɛò. Nɔ à wasi ku kpata ntɔ ntɔ hee lele

Samuɛli 1, 4:12

Nɔ ajɔ nŋu bɛ inɛi dimii Bɛnzamɛɛ gɔ í sa wa hai bi ku ce igũ í bɔ Siloo bɛ. Í ga ibɔɛ nɔ í kosi iriɛ sãa ku nyisi inɔ kufɔɛ.