Zozue 7:4 - Bibeli do fee

⁴ Ŋɔi zakai amanɛ dubu mɛɛta í dasi kpãa í koo, amma do kutɛ gbãai à sa à baaò wa hai bi inɛi Ai ŋau.

Zozue 7:4 Iomraidhean Croise

Iri ku kɔ̃ 89:43

Ì mua mbɛɛɛ ŋa gbugbã, nɔ ì jɔ̀ à nɛ inɔ didɔ̃.

Ezai 30:17

Mbɛɛ akã í to ku jɔ̀ amanɛ dubu si inɔ nŋɛ ku maa sa. Nɔ bii amanɛ miiu í naa si ŋɛ, iŋɛ fei aa maa sa ŋai hee i koo i gbe ŋa bɛi akpai tuuta iyi í wa si antaii iri kuta walakɔ bɛi nyinda iyi í wa si antaii geete.

Ezai 59:2

Ntɔ ntɔ, kurara nŋɛ ŋai wa fɛɛfɛ ŋɛ do Aɔ̃ Lafɛ̃ɛ nŋɛ. Dulum dii iŋɛ taka nŋɛ ŋai í jɔ̀ Ilaaɔ̃ í sinda hai bi tu ŋɛ, nɔ dulum du ŋɛ ŋaui wa ganjiɛ ku gbɔ ide nŋɛ ŋa.

Kuwee 26:17

An sinda n to nŋɛ anyii, nɔ mbɛɛ nŋɛ ŋa a jɛ ŋɛ igũ. Inɛ ŋa iyi à cé ŋɛ ŋau aa nyi a ta nŋɛ gbugbã má, nɔ aa maa sa ŋai baa bii a kù waa lele ŋɛ.

Wooda ku kɔsi 28:25

Aɔ̃ Lafɛ̃ɛ á jɔ̀ mbɛɛ nŋɛ ŋa à jɛ ŋɛ igũ. Bii kpãa akãi ì too ì bɔò igũ bi tu ŋa ŋa, kpãa ikã ikã mɛɛjei aa too i saò hai si waju nŋa ŋa. Bomma ŋa iyi à wa si andunyau fei aa wɛɛò zigiida waati iyi aa yɛ mii iyi í ba ŋɛ.

Wooda ku kɔsi 32:30

Mbɛɛ akã á yɔkɔ ku lele inɛi Izirɛli dubu? Mbɛɛ minji á yɔkɔ ku lele inɛi Izirɛli dubu mɛɛwa? Ntɔ ntɔ, á yɔkɔ ku ce bii amu Aɔ̃ Lafɛ̃ɛ iyi ǹ jɛ kuta ku nɛ gbugbã iyi wa degbe ŋa ǹ so ŋa ǹ daa mbɛɛ nŋa ŋa si awɔ.

Zozue 7:3

Iyi à koo à cɔ yaasei iluu à baa, à sɔ̃ Zozue à ni, kù to hee sooge ŋau fei a koo si ilui Aiu mɔm. Amanɛ dubu minji walakɔ dubu mɛɛta í to ku kãmia iluu. Akpɔi inɛi ilu ŋau í kere í caa do iyi aa jɔ̀ sooge ŋau fei à gbɛɛji ara nŋa ngbɛ ngbɛ.