Zozue 7:26 - Bibeli do fee

²⁶ Nɔ à tɔtɔɔ kuta nkpɔ nkpɔ siɛ, kuta ŋau à wɛɛ baa nsɛi. Ŋɔi í ce baa nnyi à ya maa kpe inyau lɔɔmai Akɔɔ. Si anyii nŋu, ŋɔi idɔɔkɔ̃i Aɔ̃ Lafɛ̃ɛ í sũ.

Zozue 7:26 Iomraidhean Croise

Samuɛli 2, 18:17

Ŋɔi à so ikui Abusalɔmu à dasi isa nla nla gɔ si inɔ agbou. Nɔ à kosi kuta ŋa hee í kpante nla nla. Ŋɔi inɛi Izirɛli fei í sa í bɔ ideɛ.

Samuɛli 2, 21:14

Ŋɔi à koo à si kũkũi Saulu do ti amaɛ Zonatãa ilui Sela si ilɛi Bɛnzamɛɛ inɔ balɛi Kisi baai Saulu. Ŋɔi à ce bɛi ilaaluu í ni fei. Si anyii nŋu, idɔɔkɔ̃i Ilaaɔ̃ kù wa si ilɛu má.

Bomma 2, 29:10

Amu de ǹ dasi idɔ n dĩ akabuu do Aɔ̃ Lafɛ̃ɛi Izirɛli ku ba idɔɔkɔ̃ nla nlaɛ iyi í dede si wau ku sũ.

Ɛsidarasi 10:14

Na nŋu, í sĩa inɛ ngbo nwa ŋau a gbe Zeruzalɛmu ihɛ̃ a wũa ideu. Nɔ inɛi Izirɛli ŋa iyi à so abo isɛ mmu fei a to wa ihɛ̃ si ajɔ iyi à jilɛ nŋa, aŋa do inɛ ngboi kpasɛ̃ nŋa ŋau do woo ce kiiti nŋa ŋau hee idɔɔkɔ̃ nlai Ilaaɔ̃ koo sũò.

Iri ku kɔ̃ 85:4

Ì jɔ̀ idɔɔkɔ̃ɛ í sũ sɛ̃ɛ. Ì jɔ̀ idɔɔkɔ̃ nla nla ku ceɛ si gãmɛ nwa.

Kufita 32:12

Bii ì ce bɛɛbɛ inɛi Ezibiti ŋau aa ni, Ilaaɔ̃ í na í nya inɛi Izirɛli ŋau hai ilɛ nwai ku ba koo ce nŋa laalɔ si antaii iri kutau. Á kpa dimi nŋa feii si andunya. Ǹ wa n tɔɔɛ i jɔ̀ idɔɔkɔ̃ɛ ku sũ, nɔ i jɔ̀ laalɔ iyi ì waa bi i cea inɛɛ ŋau.

Ezai 40:2

I fɔ ide i muaò inɛi Zeruzalɛmu ŋa gbugbã ŋa. I dɔ̃ anu i sɔ̃ɔ ŋa i ni, icɛi tilasi ku ceɛu í kpa iri mbɛ, nɔ í sã gbesei kuraraɛ mɔ mbɛ. Ijuukpã iyi í nɛ ku baa na dulum dɛɛ ŋau fei, Aɔ̃ Lafɛ̃ɛ í jɔ̀ í sãa ikɔ minji.

Ezai 65:10

Inɛm ŋa iyi à sinda à nyi wa bi titom ŋau, lɔɔmai iri kutai Saaɔ̃i á jɛ bi ku jɛi angudã do iwo nŋa ŋa, nɔ lɔɔmai Akɔɔ mɔi á jɛ bi ku sũi kɛtɛ nŋa ŋa.

Kukpata 3:53

À koo à tale sim si isa gɔ nɔ à dĩ andɛu do kuta à biim.

Ozee 2:15

An jɔ̀ ku yɛ ijuukpãi waati ŋa iyi í ya maa tɔɔ Baali ŋau. Baali ŋaui í ya maa cea amuai tuae, nɔ na iri nŋai í ya maa dasi lɛlɛawɔ ŋa do saba ŋa. Mɔkɔ kaafeɛ ŋai í ya maa too, nɔ í gbɛjɛ idem. Amu Aɔ̃ Lafɛ̃ɛi ǹ fɔ bɛɛbɛ.

Ozee 2:17

Nɔ hai tengi bɛ, an sindoa jĩi ndii rezɛ̃ɛɛ ŋa, nɔ n jɔ̀ lɔɔmai Akɔɔ ku baa ku jɛ bɛi andɛ koofai kpãa ku cɔ. Hai waati bɛɛbɛ, á maa toom nii bɛi si waatii mudɛ̃ɛɛ, bɛi si waatii kufitaɛ wa hai ilɛi Ezibiti.

Zoɛli 2:13

Waliiu í ni, kù jɛ ibɔ nŋɛ ŋai ì nɛ i ga ŋa. Idɔ nŋɛ ŋai ì nɛ i kpaasi ŋa. Ntɔ ntɔ i nyi wa bi Aɔ̃ Lafɛ̃ɛ nŋɛ, domi Aɔ̃ Lafɛ̃ɛ í jɛ jiida nɔ í nɛ araare. Í nɛ temua, nɔ dee dee ku jɛɛ í la. Sɔɔlui ijuukpã iyi wa cea inɛ ŋa, í ya jɔ̀ɔi.

Zoɛli 2:18

Aɔ̃ Lafɛ̃ɛ í nɛ kubii ilɛɛ ntɔ ntɔ, í nɛ araarei inɛɛ ŋa,

Zonasi 1:15

Waati iyi inɛ ŋau à so Zonasi à nyɔɔ si inɔ tenkuu, ŋɔi inyiu í coko cau.

Zakari 6:8

Nɔ amalekau í kpem í sɔ̃m í ni, cɔ inɛ ŋa iyi à waa nɛ ikpa awɔ njɛi kpãai inunuu à jɔ̀ idɔɔkɔ̃m í sũ ikpa bɛ.

Kuka 25:8

Ŋɔi í too inɛi Izirɛliu hee inɔ ilei acɔɛu, nɔ í kpa aŋa minji fei, inɛmɔkɔi Izirɛli do inaabou. Í gũ ŋai si inɔ. Ŋɔi ijuukpã iyi í naa si inɛi Izirɛli ŋau í bɛi í leekĩ.

Wooda ku kɔsi 13:17

Aa tɔtɔɔ amani ŋa iyi ì ba ŋaui si bantumai iluu, nɔ i jo iluu fei mam mam do amani ŋa iyi ì ba bɛ ŋau fei na bɛɛrɛi Aɔ̃ Lafɛ̃ɛ nŋɛ. Iluu bommai á baa ku jɛ, nɔ a kaa teese a maa má pai.

Wooda ku kɔsi 13:18

Mii iyi à ni i kpa ŋau, kãmaɛ ku maà lu awɔ nŋɛ ku ba idɔɔkɔ̃i Aɔ̃ Lafɛ̃ɛu ku sũ, nɔ ku ce araare nŋɛ ku ce nŋɛ didɔ̃, nɔ ku jɔ̀ i kpɔ ŋa bɛi í cea bala nŋɛ ŋau kuwãɛu.

Zozue 10:27

Iyi í to inunu wa bi ku lɔ, nɔ Zozue í ni a kita ŋa wa hai si antaii jĩi ŋau. Nɔ à kita ŋa à koo à dasi ŋa si inɔ isai kuta bii à tako à koo à manjiu, nɔ à bii andɛi isau do kuta nla nla ŋa, nɔ fei ndɛɛ í wɛɛ baa nnyi.

Zozue 7:24

Ŋɔi Zozue do inɛi Izirɛli ŋau fei à mu Akãa, nɔ à gba isɔ fũfũu do ibɔ kumboou do wurau nɔ à mu ama inɛmɔkɔɛ ŋa do ama inaaboɛ ŋa, do kɛtɛɛ ŋa do gbankɛlɛɛ ŋa, do angudãɛ ŋa, do iwoɛ ŋa, do ilei acɔɛ do mii ndɛɛ ŋa fei, à bɔò ŋa si lɔɔma gɔ iyi à ya kpe Akɔɔ, waatɔ wahala.

Zozue 8:29

Ŋɔi Zozue í jɔ̀ à bagãm ilaalui Aiu si jĩi hai daakɔ hee alɛ í koo í lɛò. Iyi alɛ í lɛ ŋɔi í ni a koo a nya ikuɛu wa, ŋɔi à nyaa wa à na à nyɔɔ andɛ koofai iluu nɔ à timbi siɛ kuta ikɔ nla nla. Kuta ŋa iyi à timbi siɛu à wa bɛ baa nnyi.