Zozue 7:24 - Bibeli do fee

²⁴ Ŋɔi Zozue do inɛi Izirɛli ŋau fei à mu Akãa, nɔ à gba isɔ fũfũu do ibɔ kumboou do wurau nɔ à mu ama inɛmɔkɔɛ ŋa do ama inaaboɛ ŋa, do kɛtɛɛ ŋa do gbankɛlɛɛ ŋa, do angudãɛ ŋa, do iwoɛ ŋa, do ilei acɔɛ do mii ndɛɛ ŋa fei, à bɔò ŋa si lɔɔma gɔ iyi à ya kpe Akɔɔ, waatɔ wahala.

Zozue 7:24 Iomraidhean Croise

Kusintii Andunya 18:25

Kù sĩa i kpa inɛ jiida ŋa do inɛ laalɔ ŋa fei ajɔ, aŋa fei a ba riba dimi akã. Aawo. Kù sĩa i ce bɛɛbɛ. Awɔ iyi ì waa kiiti inɛi ilɛu ihɛ̃ fei, kù sĩa i ce iyi í jɛ dee dee?

Zɔɔbu 20:15

Tilasi, á tu amanii ngu ŋa iyi í gba í jɛui. Ilaaɔ̃i á jɔ̀ ku tu mii iyi í jɛu wa.

Kufita 20:5

I maà gulɛ si wajui mii bɛɛbɛ ŋa i maà tɔɔ ŋa ŋa, domi amu Aɔ̃ Lafɛ̃ɛ nŋɛ ǹ jɛ Ilaaɔ̃ iyi í kɔ̀ mii dimi bɛɛbɛ ŋa. Inɛ ŋa iyi à cém, ijuukpãm á naa si ŋa do si ama nŋa ŋa hee ku koo si tɔku gbɛɛta walakɔ tɔku gbɛ̃ɛsia nŋa ŋa.

Mɔnda ŋa 15:27

Inɛ iyi wa bi nŋu ku jɛ ilu amani do kpãa laalɔ á fa laalɔ wa si kpasɛ̃ɛ, amma inɛ iyi ci ya jɛ a raa á ba hunde sisɔ.

Woo lasabu 5:13

domi í bɛjɛ amaniu si wũa hai nɛ yaase ŋa nɔ nkãma kù gbeaa má iyi á jɔ̀a amaɛ.

Ezai 65:10

Inɛm ŋa iyi à sinda à nyi wa bi titom ŋau, lɔɔmai iri kutai Saaɔ̃i á jɛ bi ku jɛi angudã do iwo nŋa ŋa, nɔ lɔɔmai Akɔɔ mɔi á jɛ bi ku sũi kɛtɛ nŋa ŋa.

Ozee 2:15

An jɔ̀ ku yɛ ijuukpãi waati ŋa iyi í ya maa tɔɔ Baali ŋau. Baali ŋaui í ya maa cea amuai tuae, nɔ na iri nŋai í ya maa dasi lɛlɛawɔ ŋa do saba ŋa. Mɔkɔ kaafeɛ ŋai í ya maa too, nɔ í gbɛjɛ idem. Amu Aɔ̃ Lafɛ̃ɛi ǹ fɔ bɛɛbɛ.

Zozue 15:7

Hai bɛ, kɔɔu í too lɔɔmai Akɔɔ hee ku bɔ Debii, nɔ í sinda í bɔ ikpa Giligali iyi í wa tengii geetei Adumimuu suusuu kɔkɔi acãi inyiu. Do ikpa awɔ cangai kpãai inunui acãi inyiui í wa. Nɔ í lɔ do ikpa bi inyii Eni-Semɛsiu nɔ í bɔ hee Eni-Rogɛli.

Zozue 22:20

Waati iyi Akãa tɔkui Zera í ce kurara nla nla í so amani ŋa iyi à ganji ŋa a sou, idɔɔkɔ̃i Aɔ̃ Lafɛ̃ɛ í naai si inɛi Izirɛli ŋa fei, iŋɛ fei ì nɔ ì mà sãa sãa ŋa. Kù nɔ kù jɛ Akãa nŋu akãi í ku na kuraraɛ iyi í ceu.

Zozue 6:18

Amma i ce laakai ŋa i maà so nkãma iyi Aɔ̃ Lafɛ̃ɛ í ni i kpa ŋa. Bii kù jɛ bɛɛbɛ, aa na i fa nwa mii laalɔ do nfe ku ce wa ŋa.

Zozue 6:21

Nɔ à kpa zamaai iluu fei hai inɛmɔkɔ do inaabo, hai awaasũ do mɔkɔ ngbo fei. Nɔ à kpa hee do kɛtɛ ŋa do angudã ŋa do gbankɛlɛ ŋa fei.

Zozue 7:1

Inɛi Izirɛli ŋau à ce kurara nla nla si mii ŋa iyi Aɔ̃ Lafɛ̃ɛ í ni a maà ti a so. Akãai í so mii ŋa iyi Aɔ̃ Lafɛ̃ɛ í ni a maà sou, ŋɔi idɔɔkɔ̃i Aɔ̃ Lafɛ̃ɛ í dede si inɛi Izirɛli ŋa. Akãau si dimii Zudaai à búu, amai Kaamii wa jɛ, Kaamiu mɔ amai Zabudii, Zabudi mɔ amai Zerai.

Zozue 7:23

Ŋɔi à so mii ŋau wa à naa à na Zozue do inɛi Izirɛli ŋau, nɔ à jilɔɔ si wajui Aɔ̃ Lafɛ̃ɛ.

Zozue 7:26

Nɔ à tɔtɔɔ kuta nkpɔ nkpɔ siɛ, kuta ŋau à wɛɛ baa nsɛi. Ŋɔi í ce baa nnyi à ya maa kpe inyau lɔɔmai Akɔɔ. Si anyii nŋu, ŋɔi idɔɔkɔ̃i Aɔ̃ Lafɛ̃ɛ í sũ.