Zozue 7:21 - Bibeli do fee

²¹ Si inɔi mii ŋa iyi à ba si igũu ǹ yɛ ibɔ kumboo kusĩa gɔ iyi à ce ilɛi Sinaa, do isɔ fũfũ kpɛkɛlɛ cĩɔ minji, do wura iyi kuwoɛ í to bubui kiloo, ŋɔi binɛm í lɔ si ŋa nɔ ǹ so ŋa. Fei ndɛɛ wa singa inɔ isa si aninii inɔ ilei acɔm bɛ nɔ isɔ fũfũu í wa lɛlɛ nŋa.

Zozue 7:21 Iomraidhean Croise

Kusintii Andunya 10:10

Si ilui Babɛlii í sinti bommaɛ ku jɛ, do si ilui Erɛki do Akadi do Kaline, si ilɛi Sineaa.

Kusintii Andunya 3:6

Ŋɔi abou í yɔɔ iyi isoi jĩi nɔu í sĩa ku yɛ, á dɔ̃ ku jɛ, nɔ á jɔ̀ inɛ ku nɛ bisi má. Ŋɔi í kaa í jɛ, nɔ í ka í na mɔkɔɛ iyi í wa kɔkɔɛu nɔ nŋu mɔ í jɛ.

Kusintii Andunya 34:27

Ŋɔi ama inɛmɔkɔi Zakɔbu ŋa iyi à gbe ŋau à dasi inɔi iku ŋau nɔ à ce ilei mii fei si inɔ iluu, si na iyi í jɔ̀ à bɛjɛ wecĩ nŋa.

Kusintii Andunya 6:2

ŋɔi inɛi Ilaaɔ̃ ŋau à yɛ iyi ama inaaboi inɛi andunya ŋau à sĩa nɔ à cica ŋa à ce abo.

Samuɛli 2, 11:2

Alɛ ajɔ nŋu gɔ, Davidi í dede hai si daayiɛ nɔ wa dabii dabii si antaii ileɛ. Si bɛi wa dabiiu, ŋɔi í hɔ̃nnɛ inaabo gɔ hai bɛ wa wɛ, nɔ abou í sĩa ntɔ ntɔ.

Ilaalu 2, 7:8

Si bɛi dintɛ ŋau à to bi asɔu, ŋɔi à koo à lɔ inɔi ilei acɔ akã nɔ à jɛ à mɔ. Nɔ à so isɔ fũfũ do wura do ibɔ ŋa à koo à singa ŋa. Ŋɔi à nyi wa nɔ à lɔ si inɔi mmuɛ à so mii ŋa à koo à singa ŋa.

Zɔɔbu 31:1

Ǹ ce kuwã wo do kugbasi ǹ ni n kaa n cɔ ama mudɛ̃ɛ hee kɔdɛɛm ku lɔ siɛ.

Iri ku kɔ̃ 119:37

Sinda wajum hai si mii ngbɛ ngbɛ ŋa. Jɔ̀ n maa n jɛ kuwɛɛm si yaase bɛi á dɔ̃ɛ si.

Kufita 20:17

I maà ya ce kɔdɛɛi nkãma iyi í jɛ ti kpaasi nŋɛ gɔ, hai kpasɛ̃ɛ do aboɛ do woo ce icɛɛ do kɛtɛɛ do gbankɛlɛɛ.

Mɔnda ŋa 1:19

Mii iyi á ba inɛ baa yooma iyi wa dɛ amani do ile mbɛ. Inɛ ŋa iyi à na ara nŋa sii í ya kpa.

Mɔnda ŋa 23:31

Maà ya bi atɛ̃ vɛ̃ɛ nkpa kusĩa iyi wa gba si kɔɔfu. Í ya lɔ inɔ gbangɔlɔi faala faala,

Mɔnda ŋa 28:22

Ilu kɔdɛɛ í ya maa saasaò fia ku cei, ci ya lasabuò baa are iyi á baa mɔm.

Mɔnda ŋa 4:23

Iyi í re mɔm, jɔ̀ i ce laakai si mii iyi ì waa lasabu hee si lɛlɛi idɔɛ, domi nŋui á maa nɛò kuwɛɛɛ.

Ezai 28:15

Ì fɔ ì ni iŋɛ ì dĩ akabuu do iku ŋa. Ì dĩ akabuu do bi kuwai iku ŋa. Ì fɔ ì ni ŋa waati iyi wahala á na ku naa, kaa ba ŋɛ. Ì ni má ŋa iboi á jɛ bi kuwa nŋɛ, nɔ mii iyi kù jɛ ntɔi á jɛ bi ku manji nŋɛ.

Ezai 29:15

Inɔ kufɔi í jɛ ti inɛ ŋa iyi à sa à waa manjia Aɔ̃ Lafɛ̃ɛ ku ba a singaa mii ŋa iyi à dasi idɔ aŋa a ce. Inɛ ŋau à ya maa ce kookoosu laalɔ nŋa ŋai si ilu kuku ŋa, nɔ à ya fɔi a maa ni, yooi wa yɛ wa. Yooi í mà wa.

Abakuku 2:9

Inɔ kufɔi á jɛ ti iŋɛ iyi ì waa ko amani ŋa do yaase iyi kù jɛ dee dee na irii kpasɛ̃ nŋɛ ŋa, nɔ ì waa lasabu ì jɛò ilu bɛɛrɛ nla nla ŋa ku ba ijuukpã ku fo iri nŋɛ.

Luku 12:15

Nɔ í sɔ̃ ŋa í ni, i ya ce laakai ŋa ntɔ ntɔ do kɔdɛɛ fei, domi amanii amanɛ si í jɛ icui kuwɛɛɛ, baa bii bɛirei amaniu í la í to.

Luku 12:2

Ngɔgɔ kù wɛɛ iyi wa manji iyi kaa fita gbugbãa, nɔ asii kãma kù wɛɛ iyi a kaa na a mà.

Efɛɛzu 5:3

Iŋɛ ti Ilaaɔ̃i í jɛ ŋa. Na nŋu, i maà ya ce baa ngɔgɔ iyi á jɔ̀ inɛ ŋa a sɔ iri nŋɛ a ni ì tɔtɔɔ sɛ̃ɛ hai nɛ yaase ŋa walakɔ a ni ì ce daa laalɔ ŋa walakɔ binɛ.

Efɛɛzu 5:5

I jɔ̀ i mà ŋa kãm kãm iyi woo tɔtɔɔ sɛ̃ɛ hai nɛ yaase do ilu daa sãmi ŋa, kãma nŋa kù nɛ ikpɛ̃ si bommai Ilaaɔ̃ do ti Kirisi. Bɛɛbɛ mɔi hee do ilu binɛ ŋa fei, kãma nŋa kù nɛ ikpɛ̃ si bommai Ilaaɔ̃ do ti Kirisi domi binɛ í yɛi bɛi iwɛ̃ ku tɔɔ.

Wooda ku kɔsi 7:25

Aa dasi mii ŋa iyi à jɔ iwɛ̃ nŋa ŋa iyi à gbe ŋau fei ina ŋai. I maà jɔ̀ kɔdɛɛ nŋɛ ku lɔ si isɔ fũfũ do wura iyi à daa iwɛ̃ nŋa ŋau si ku ba mii ŋau bɛ a maà na a jɛ nŋɛ cɛkũm, domi mii ŋau bɛ fei, Aɔ̃ Lafɛ̃ɛ wa cɔ ŋa mii laalɔi.

Kolosee 3:5

Na nŋu, i kpa kubii mii ndii andunya iyi wa ce icɛ si ŋɛ fei. Mii ndii andunya ŋaui à jɛ sɛ̃ɛ ku tɔtɔɔ hai nɛ yaase, do daa laalɔ, do binɛ, do kubi nfe nfe, do kɔdɛɛi mii nkpɔ. Ntɔ ntɔ bii ì waa ce kɔdɛɛ, mii nkpɔi ì ya tɔɔ si agbɛi Ilaaɔ̃.

Ebɛɛ 13:5

I maà ti i jɔ̀ kubii fia ku mu ŋɛ. I jɔ̀ iyi ì nɛ ku ce nŋɛ zaka, domi Ilaaɔ̃ í ni, n kaa n jɔ̀ɛ pai, n kaa n nɔ n fũsiɛ awɔ baa ajɔ gɔ.

Zaaki 1:15

Si anyiɛ, bii binɛu í na í la, dulum nii á bía. Bii dulum nɔu í ce icɛ siɛ í tã nɔ ku bía iku.

Zozue 7:20

Ŋɔi Akãa í jɛa Zozue í ni, ntɔ ntɔi ǹ ce dulum bi Aɔ̃ Lafɛ̃ɛi inɛi Izirɛli ŋa. Mii iyi ǹ ce wee.

Zozue 7:22

Ŋɔi Zozue í bɛ inɛ ŋa nɔ à sɛi à koo gbãa gbãa. Iyi à to nɔ à yɛ mii ŋau inɔ ilei acɔi Akãa bɛ, isɔ fũfũu í wa lɛlɛ nŋa.

Piɛɛ 2, 2:15

À jɔ̀ kpãa jiida nɔ à nyɔ. À too kpãai walii Balamu amai Beɔɔ, nŋu iyi í bi ribai laalɔ ku jɛ.