Zozue 7:2 - Bibeli do fee

² Ŋɔi hai Zeriko bɛ Zozue í bɛ inɛ gɔ ŋa ikpa Ai, ilu iyi í wa ikpa nunui daakɔi Betɛliu kɔkɔi Bɛti-Avɛni í ni a koo a cɔ yaase bɛi iluu í yɛ do ilɛ ŋa iyi à waa kaakoɛ. Nɔ inɛ ŋau à koo à cɔ yaasei iluu.

Zozue 7:2 Iomraidhean Croise

Kusintii Andunya 12:8

Ŋɔi í dede hai bɛ í bɔ ikpa iri kuta gɔ do nunui daakɔi Betɛli nɔ í gũ ilei acɔɛ, wa cɔ ilui Betɛli ikpa nunui alɛ, ilui Ai mɔ ikpa nunui daakɔ. Bɛi í ma bi kuwee nɔ í tɔɔ Aɔ̃ Lafɛ̃ɛ.

Kusintii Andunya 28:19

Nɔ í sɔ inyau Betɛli, waatɔ kpasɛ̃i Ilaaɔ̃, amma Luzii à ya tako a kpoo wo.

Ilaalu 1, 12:29

Nɔ í koo í jilɛ ama kɛtɛ akã Betɛli, akã mɔ Dãa.

Neemi 11:31

Nɔ inɛi Bɛnzamɛɛ ŋa mɔ à koo à buba Geba do Mikimasi do Aya do Betɛli do ilɛɛkoɛ ŋa

Mɔnda ŋa 20:18

Bii ì waa bi i ce ngɔgɔ koo bee ikɔ titã. Iyi í re mɔm bii ì waa bi i bɔ igũ.

Mɔnda ŋa 24:6

Na nŋu, á sĩa i lasabu i bɛi i bɔ igũ, nɔ ikɔ jiidai inɛ nkpɔ nkpɔi á jɔ̀ i jɛ igũu.

Ezai 10:28

Mbɛɛu wa to kɔkɔi Aya. Í tooi do ikpa Migɔrɔ̃ɔ nɔ í koo í jilɛ asoɛ ŋa Mikimasi.

Zeremi 49:3

Iŋɛ inɛi Hɛsebɔ̃ɔ ŋa, i dɔ̃ anu do inɔ kufɔ ŋa, domi à ce nfei ilui Aiu mbɛ. Iŋɛ inɛi Raba ŋa, i dɔ̃ anu i tɔɔ faaba ŋa. I dasi jĩnɛ iyi í jɛ ti kukpata akũ nɔ i kɔ̃ irii inɔ kufɔ ŋa. Bii ì yɔkɔ i sɛi i bɔ bii ì waa bɔ fei ŋa, aa mu iwɛ̃ ilaalu nŋɛui a nɛò ilɛ mmu dei nŋu do woo weeɛ ŋa do amaɛ ŋa fei ajɔ.

Ozee 4:15

Iŋɛ inɛi Izirɛli ŋa, sakarai ì waa ce ŋa. Amma iŋɛ inɛi Zudaa ŋa, i maà dasi ara nŋɛ kurara dimi bɛɛbɛ ŋa. I maà bɔ Giligali bi kutɔɔ iwɛ̃u ŋa, nɔ i maà bɔ Bɛti-Avɛni ŋa. Nɔ i maà ya fɔ ide do kugbasi i ni ŋa, hee do kuwɛɛi Aɔ̃ Lafɛ̃ɛ fei.

Matie 10:16

Jesu í sɔ̃ ŋa má í ni, wee ǹ wa n bɛ ŋɛ nɔ aa yɛ ŋai bɛi angudã ŋa si inɔi mbo ŋa. Na nŋu, i jɔ̀ i nɛ bisi bɛi njo ŋa, nɔ i jɛ hai ce laalɔ bɛi ankasiidi ŋa.

Efɛɛzu 5:15

Na nŋu, i ce laakaii isɛɛnɛ nŋɛ. I maà jɔ̀ i maa nɛ bɛi inɛ ŋa iyi a ci ya lasabu, amma i maa nɛ do laakai ŋa.

Zozue 12:9

Ilaalu ŋa iyi à jɛ igũ ŋau wee. Ilaalui Zeriko do ilaalui Ai iyi í wa kɔkɔi Betɛli

Zozue 18:12

Do ikpa awɔ njɛi kpãai inunu kɔɔ nŋa í wai hee idoi Zuudɛ̃ɛ nɔ í mɔsi do ikpa cingaai Zeriko ikpa awɔ njɛi kpãai inunu, nɔ í nɛ do ikpa nunui alɛ í koo í kua iri kuta gɔ bɛ, nɔ í koo í kãsi gbaai Bɛti-Avɛni.

Zozue 2:1

Zozue amai Nunu í bɛ inɛ minji gɔ ŋa do asii hai ilui Sitimu í sɔ̃ ŋa í ni a koo a cɔ yaasei ilɛ iyi í wa icei idou wa, nɔ iyi í re mɔm nŋui í jɛ ilui Zeriko. Ŋɔi inɛ ŋau à koo. Iyi à to Zeriko nɔ à bɔ kpasɛ̃i abo à ta icu gɔ iyi à ya kpe Rahabu, nɔ à sɔ bɛ.

Zozue 7:3

Iyi à koo à cɔ yaasei iluu à baa, à sɔ̃ Zozue à ni, kù to hee sooge ŋau fei a koo si ilui Aiu mɔm. Amanɛ dubu minji walakɔ dubu mɛɛta í to ku kãmia iluu. Akpɔi inɛi ilu ŋau í kere í caa do iyi aa jɔ̀ sooge ŋau fei à gbɛɛji ara nŋa ngbɛ ngbɛ.

Samuɛli 1, 13:5

Ŋɔi inɛi Filisi ŋau à tɔtɔɔ ku ba a ba inɛi Izirɛli ŋau igũ ku ce. À nɛ sarɛtii igũ dubu mɛɛta (3.000) do masa dubu mɛɛfa (6.000) do sooge ŋa iyi akpɔ nŋa í to baa sãai acĩi ido. Ŋɔi à na à buba ilui Mikimasi ikpa nunui daakɔi Bɛti-Avɛni.

Samuɛli 1, 14:23

nɔ à ce igũ à bɔ hee alalai Bɛti-Avɛni. Bɛɛbɛi ajɔ nŋu bɛ Aɔ̃ Lafɛ̃ɛ í jɔ̀ inɛi Izirɛli ŋa à jɛ igũ.

Samuɛli 1, 30:27

Bɛɛbɛi í sambaa inɛ ngboi Betɛli ŋa, do inɛ ngboi Ramɔti ŋa do inɛ ngboi Yatii ŋa,