Zozue 7:13 - Bibeli do fee

¹³ Nsɛi, dede i koo i cea inɛ ŋau sɔɔlu a naa a kom ala. Sɔ̃ ŋa i ni a ce buki iyi á jɔ̀ a maaju, domi amu Aɔ̃ Lafɛ̃ɛi inɛi Izirɛli ŋa ǹ sɔ̃ ŋa ǹ ni à so mii ŋa iyi ǹ ganji ŋa si ku so. Na ŋɔi í jɔ̀ a kaa yɔkɔ a leekĩ si wajui mbɛɛ nŋa ŋa, í gbe hee bii à fũsi mii ŋau awɔ.

Zozue 7:13 Iomraidhean Croise

Kusintii Andunya 34:27

Ŋɔi ama inɛmɔkɔi Zakɔbu ŋa iyi à gbe ŋau à dasi inɔi iku ŋau nɔ à ce ilei mii fei si inɔ iluu, si na iyi í jɔ̀ à bɛjɛ wecĩ nŋa.

Bomma 2, 28:10

Nɔ nsɛi ì bi inɛi Zudaa do Zeruzalɛmu ŋau ihɛ̃ a jɛ aru nŋɛ ŋa. Iŋɛ taka nŋɛ i kù yɛ iyi dulum nii ì waa ce bi Aɔ̃ Lafɛ̃ɛ ŋa?

Matie 7:5

Awɔ ilu muafitii, jɔ̀ i tako i nya jĩi ite iyi í wa si ijuɛ titã ku ba i yɛ ilu sãa sãa, i bɛi i nya fɔfɔ iyi í wa si ijui kpaasiɛ.

Wooda ku kɔsi 13:6

Waliiu walakɔ woo ce kuyɛ si ala dimi bɛɛbɛ, aa kpaai, domi ide ku kɔ̀i í dedeò bɛ si gãmɛi Aɔ̃ Lafɛ̃ɛ nŋɛ iyi í nya ŋɛ wa hai ilɛi Ezibiti bii ì waa jɛ aru ŋau, nɔ wa bi ku sinda ŋɛ hai si kpãa iyi Aɔ̃ Lafɛ̃ɛ nŋɛ í nyisi ŋɛu. Aa kpaa ŋai i ba i nyaò laalɔ iyi í wa anini nŋɛu.

Zozue 3:5

Ŋɔi Zozue í sɔ̃ inɛ ŋau í ni, i jɔ̀ i ce buki iyi á jɔ̀ i maaju ŋa, domi ala Aɔ̃ Lafɛ̃ɛ á ce maamaake ŋa si anini nŋɛ.

Zozue 6:18

Amma i ce laakai ŋa i maà so nkãma iyi Aɔ̃ Lafɛ̃ɛ í ni i kpa ŋa. Bii kù jɛ bɛɛbɛ, aa na i fa nwa mii laalɔ do nfe ku ce wa ŋa.

Zozue 7:11

Inɛi Izirɛli ŋau à ce dulum nii, a kù jirima akabuu iyi awaò ŋa à dĩ. À so mii ŋa iyi ǹ ganji ŋa ǹ ni a maà na a so. Mii ŋa iyi à sou, mii ndom ŋai, à ce ilei mii ŋau nɔ à singaɛ si aso nŋa ŋa.