Zozue 7:12 - Bibeli do fee

¹² Na ŋɔi í jɔ̀ inɛi Izirɛli ŋa a kaa yɔkɔ a leekĩ si wajui mbɛɛ nŋa ŋa má. Aa ya maa saa mbɛɛ nŋa ŋaui, domi à baa à jɛ ilu taale ŋa, nɔ aa ce nfe nŋai. N kaa n wɛɛ do iŋɛ má bii i kù nya mii ŋa iyi ǹ ganji ŋɛ ku sou hai si anini nŋɛ.

Zozue 7:12 Iomraidhean Croise

Iri ku kɔ̃ 44:10

Do nŋu fei, ì kɔ̀si wai, ì jɔ̀ à dasi biti, i kù sì sooge ku ja igũ nwa ŋa.

Iri ku kɔ̃ 60:10

Moabui í jɛ bi ku wɛm. Si Edɔmui ǹ nyɔ baatam nɔ ǹ dɔ̃ anui igũ ku jɛ si inɛi Filisi ŋa.

Mɔnda ŋa 28:1

Inɛ laalɔ í ya maa sai baa bii inɛ kãma kù waa leleɛ. Amma inɛ dee dee í ya maa wɛɛi do idɔ ku buba bɛi ama muusu nla.

Ezai 59:2

Ntɔ ntɔ, kurara nŋɛ ŋai wa fɛɛfɛ ŋɛ do Aɔ̃ Lafɛ̃ɛ nŋɛ. Dulum dii iŋɛ taka nŋɛ ŋai í jɔ̀ Ilaaɔ̃ í sinda hai bi tu ŋɛ, nɔ dulum du ŋɛ ŋaui wa ganjiɛ ku gbɔ ide nŋɛ ŋa.

Zeremi 23:33

Ŋɔi Aɔ̃ Lafɛ̃ɛ í sɔ̃ Zeremi í ni, bii walii gɔ, walakɔ woo wee gɔ, walakɔ inɛ mmu gɔ í beeɛ í ni, laabaau yoomai Aɔ̃ Lafɛ̃ɛ í fɔ. Aso yoomai í jilɛ nwa. Aa jɛ nŋai i ni, Aɔ̃ Lafɛ̃ɛ í ni, iŋɛi ì jɛ asou, nɔ an fũsi ŋɛ awɔi.

Zeremi 6:8

Jɔ̀ i gba ikɔ, Zeruzalɛmu, ku ba n maà n jĩòɛ ku ba n maà ce nfeɛ nɔ ilɛɛ ku gbe hai nɛ amanɛ.

Ozee 9:12

Bii à bíi ama inɛmɔkɔ nŋa ŋa, an ya n kpa ŋai hee a maa la a maa ce awaasũ ŋa. Ntɔ ntɔ, inɔ kufɔi á jɛ tu ŋa waati iyi an sɛkɛɛ n jĩò ŋa.

Abakuku 1:13

Ijuɛ ci ya yɔkɔ ku maa cɔ laalɔ, domi ì mái dee dee. To, bɛirei í ce ì yɔkɔ ì waa cɔ mii iyi woo zamba ŋa à waa ce, nɔ i kù waa ni ide kãma. Bɛirei í ce ì waa coko waati iyi inɛ laalɔ ŋau à waa kpa inɛ dee dee ŋa.

Kuka 14:39

Moizi í koo í sisia inɛi Izirɛli ŋau ide iyi Aɔ̃ Lafɛ̃ɛ í fɔ fei, nɔ aŋa fei à wɛɛò inɔ kufɔ nla nla.

Kuka 14:42

I maà koo ŋa domi Aɔ̃ Lafɛ̃ɛ kù wɛɛ do iŋɛ, i maà jɔ̀ mbɛɛ nŋɛ ŋau a koo a jɛ ŋɛ igũ.

Kuka 14:43

Inɛi Amalɛki ŋau do inɛi Kanaã ŋau à wa waju nŋɛ fa, aa jɛ ŋɛ igũ a kpa ŋɛ. Aɔ̃ Lafɛ̃ɛ kaa wɛɛ do iŋɛ si na iyi í jɔ̀ ì sinda ì tooa anyi ŋa.

Kuka 14:45

Iyi à to ŋɔi inɛi Amalɛki ŋau do inɛi Kanaã ŋau à kita wa hai bii à wau, nɔ à jɛ inɛi Izirɛli ŋau igũ à tã à lele ŋa à waa kpa ŋa wa hee ilui Ɔɔma.

Wooda ku kɔsi 7:26

I maà ya lɔò mii laalɔ dimi bɛɛbɛ kãma inɔ kpasɛ̃ nŋɛ ŋa, domi bii ì ce bɛɛbɛ ŋa, aa na a ce nfei iŋɛ do mii nɔu fei ajɔ ŋa. Na nŋu, mii dimi bɛɛbɛ fei, aa lɛgɛɛi mam mam, nɔ i mà iyi mii laalɔi ŋa.

Zozue 6:18

Amma i ce laakai ŋa i maà so nkãma iyi Aɔ̃ Lafɛ̃ɛ í ni i kpa ŋa. Bii kù jɛ bɛɛbɛ, aa na i fa nwa mii laalɔ do nfe ku ce wa ŋa.

Woo kiiti ŋa 16:20

Nɔ í dɔ̃ anu í ni, inɛi Filisi ŋau à to wa siɛ Samusɔ̃ɔ. Ŋɔi í jĩ nɔ í tamaa bɛi nŋu á fita si bɛi tako mái. Kù mà iyi Aɔ̃ Lafɛ̃ɛ í sɛkɛɛ hai bi ti nŋu.

Woo kiiti ŋa 2:14

Ŋɔi idɔɔkɔ̃i Aɔ̃ Lafɛ̃ɛ í dede si inɛi Izirɛli ŋau nɔ í jɔ̀ mbɛɛ ŋa iyi à waa kaako ŋa ŋau à kãmia ŋa à ko mii ndu ŋa ŋa, nɔ a kaa yɔkɔ a kɔ̀ ide si waju nŋa.

Woo kiiti ŋa 2:4

Waati iyi amalekai Aɔ̃ Lafɛ̃ɛu í sɔ̃ inɛi Izirɛli ŋa ide ŋau í tã, ŋɔi à dɔ̃ anu hee lele à kpata.

Samuɛli 1, 14:38

Ŋɔi Saulu í tɔtɔɔ inɛ ngboi soogei Izirɛli ŋa wa fei bi titɛɛ nɔ í ni, i jɔ̀ ka dɛdɛ dulum iyi à ce nnyi ŋa.