Zozue 7:11 - Bibeli do fee

¹¹ Inɛi Izirɛli ŋau à ce dulum nii, a kù jirima akabuu iyi awaò ŋa à dĩ. À so mii ŋa iyi ǹ ganji ŋa ǹ ni a maà na a so. Mii ŋa iyi à sou, mii ndom ŋai, à ce ilei mii ŋau nɔ à singaɛ si aso nŋa ŋa.

Zozue 7:11 Iomraidhean Croise

Ilaalu 2, 18:12

Aɔ̃ Lafɛ̃ɛ í jɔ̀ à mu ŋa aru si na iyi í jɔ̀ a kù jirima ideɛ ŋa nɔ à kua akabuu iyi aŋaò ŋa à dĩu. A kù gbɔ idei Moizi woo ce icɛi Aɔ̃ Lafɛ̃ɛu hee a ceò icɛ.

Ilaalu 2, 5:24

Iyi à to bi iri kutau, ŋɔi Gehazi í gba aso ŋau hai si awɔ nŋa í koo í jilɔɔ kpasɛ̃ nɔ í ni a koo a nɛ.

Ezai 24:5

Inɛ ŋa iyi à wa si ilɛu, à jɔ̀ ilɛu í so riisi, domi a kù jirima woodai Aɔ̃ Lafɛ̃ɛ ŋau, nɔ a kù ceò ikɔɛ ŋa iyi à ba icɛ. Akabuu hai nɛ kɔɔ iyi í wa si gãmɛi aŋaò Aɔ̃ Lafɛ̃ɛ ŋau, à jɔ̀ í leekĩ.

Zeremi 31:32

Nɔ akabuuu kaa jɛ dimi bɛi ǹ tako ǹ dĩ do bala nŋa ŋa si waati iyi ǹ mu awɔ nŋa ǹ fitaò ŋa wa ilɛi Ezibitiu. Akabuu inɛ nŋu a kù kɔ̃ɔ baa do iyi ǹ jɛ Lafɛ̃ɛ nŋa fei.

Ozee 6:7

Iŋɛ mɔ i kù jirima akabuum bɛi inɛi ilui Adamu ŋa. Si gãmɛu bɛi ì zambam ŋa.

Kuwee 5:15

bii inɛ gɔ í ce mii iyi kù jɛ dee dee nɔ í ce dulum iyi kù jɛ do idɔɔbiɛ si mii ŋa iyi í nɛ ku nya ikã a jɛ ti amu Aɔ̃ Lafɛ̃ɛ, angudã kombo iyi kù nɛ leebu kãmai á ceaò amu Aɔ̃ Lafɛ̃ɛ kuweei ku teese. Angudã iyi kuwoɛ á to kuwo iyi à jilɛ si gãmɛi kuwoi fiai ile kumáui á mu wa.

Abakuku 2:6

Aa maa fɔɔa inɛ ŋau idei bɛi ara do mɔnda, nɔ a yaako ŋa. Inɛ ŋau aa maa ni, hee waati yoomai aa leekĩò amani iyi kù jɛ tu ŋɛ ku ko ŋa. Gbese nla nlai ì waa kɔ̃a ara nŋɛ si bɛ. Inɔ kufɔi á jɛ tu ŋɛ.

Zakari 5:4

Aɔ̃ Lafɛ̃ɛi lele do ilɛi í ni nŋu á samba ikpeu wa. Ikpeu á na ku bubai si kpasɛ̃i woo ce ile ŋa do woo gbasi do irii Aɔ̃ Lafɛ̃ɛ si ibo ŋa. Hai jĩi ndii ile nŋa do kutaɛ ŋa fei á kpa iri.

Matie 22:21

Nɔ à ni, ti Sezaai. Ŋɔi Jesu í sɔ̃ ŋa í ni, to, debɛi i sãa Sezaa iyi í jɛ tɛɛ ŋa, nɔ i sãa Ilaaɔ̃ mɔ iyi í jɛ tɛɛ ŋa.

Woo bɛ ŋa 5:9

Ŋɔi Piɛɛ í beeɛ í ni, bɛirei í ce iŋɛ minji fei ì ce anu akã i cɔ laakaii Hundei Aɔ̃ Lafɛ̃ɛ bɛɛbɛ ŋa. Cɔ, inɛ ŋa iyi à si mɔkɔɛ à wa andɛ koofa bɛ, aa si awɔ mɔ.

Wooda ku kɔsi 17:2

Á yɔkɔ ku jɛ ajɔ gɔ si akãi ilu ŋa iyi Aɔ̃ Lafɛ̃ɛ í mu nŋɛu, inɛmɔkɔ walakɔ inaabo gɔ í cea Aɔ̃ Lafɛ̃ɛ mii iyi kù dɔ̃aa si nɔ í bɛjɛ akabuu iyi í wa si gãmɛi aŋaò,

Ebɛɛ 4:13

Nkãma kù wɛɛ iyi wa manjia Ilaaɔ̃ woo taka. Fei ndɛɛ í cĩ wa jilɛi si wajuɛ. Nɔ nŋui awa fei aa ka tusɛa kuwɛɛ nwa.

Zozue 23:16

Bii ì fũ akabuu iyi Aɔ̃ Lafɛ̃ɛ í dĩ do iŋɛu ŋa, nɔ ì koo ì waa tɔɔ iwɛ̃ ŋa si agbɛi Aɔ̃ Lafɛ̃ɛ ì waa gulɛ si waju nŋa ŋa, idɔɔkɔ̃ɛ á dede si ŋɛ, nɔ kaa kpɛ mɔm ku kpa iri nŋɛ hai si ilɛ jiida iyi í mu nŋɛu.

Zozue 7:1

Inɛi Izirɛli ŋau à ce kurara nla nla si mii ŋa iyi Aɔ̃ Lafɛ̃ɛ í ni a maà ti a so. Akãai í so mii ŋa iyi Aɔ̃ Lafɛ̃ɛ í ni a maà sou, ŋɔi idɔɔkɔ̃i Aɔ̃ Lafɛ̃ɛ í dede si inɛi Izirɛli ŋa. Akãau si dimii Zudaai à búu, amai Kaamii wa jɛ, Kaamiu mɔ amai Zabudii, Zabudi mɔ amai Zerai.

Zozue 7:10

Ŋɔi Aɔ̃ Lafɛ̃ɛ í sɔ̃ Zozue í ni, dede. Bɛirei í ce ì waa sɛɛbata bɛɛbɛ.

Woo kiiti ŋa 2:20

Ŋɔi idɔɔkɔ̃i Aɔ̃ Lafɛ̃ɛ í dede si inɛi Izirɛli ŋa, nɔ í ni, si bɛi inɛ ŋau ihɛ̃ a kù jirima akabuu iyi amu do bala nŋa ŋau à dĩ, nɔ a kù jirima idem,

Samuɛli 1, 14:38

Ŋɔi Saulu í tɔtɔɔ inɛ ngboi soogei Izirɛli ŋa wa fei bi titɛɛ nɔ í ni, i jɔ̀ ka dɛdɛ dulum iyi à ce nnyi ŋa.