Zozue 6:5 - Bibeli do fee

⁵ Bii à na à fã kuuu à mɔɔ, inɛ fei á dɔ̃ anui igũi nla nla. Waati bɛɛbɛi bindii iluu á cukui do araɛ, nɔ inɛ fei ku sɛi ku dasi inɔ iluu ku maa ce igũ. Inɛ fei á sɛii ku maa too wajuɛ suusuu.

Zozue 6:5 Iomraidhean Croise

Kufita 19:19

Ibai kuuu wa dɔ̃ do gbugbã wa kɔ̃ɔsi. Moizi wa fɔ ide nɔ Ilaaɔ̃ wa jɛaa hee lele.

Ezai 25:12

Nɔ inya ku nɛ gbugbã iyi kulɔɛ í gaabu na idĩ kugbokaɛ ŋau, í lɛgɛɛ í bɔ ilɛ. Í kɛkɛɛi hee ilɛ í baa í ce sãa.

Ezai 30:25

Si iri kuta kugboka ŋa fei, do si geete ŋa, aa tu inya ŋai bii inyi á maa cã, nɔ inyi á maa wɛɛi si ajɔi igũ waati iyi ile kugboka ŋau aa cuku.

Zeremi 50:15

I dɔ̃ siɛ anui igũ hai do bii fei ŋa. Nŋu takaɛi á wu awɔɛ ŋa lele ku na araɛ. Ile ku nɛ gbugbãɛ ŋau à cukui, nɔ bindi ŋa iyi à waa jɛ gbugbãɛ ŋau fei à cukui. Waati bɛɛbɛ, Aɔ̃ Lafɛ̃ɛi í dedeò gbese ku sã bɛ. Iŋɛ mɔ i sãa gbese ŋa. I ceaa mii iyi nŋu mɔ í ce ŋa.

Ebɛɛ 11:30

Na naanɛ ku dasii bindii Zeriko í cuku waati iyi inɛi Izirɛli ŋa à kaako iluu ajɔ mɛɛje.

Zozue 6:16

Si tuuba mɛɛjesiau, iyi woo wee ŋau à fã kuu ŋau à mɔɔ, ŋɔi Zozue í sɔ̃ zamaau í ni, i dɔ̃ anui igũ ŋa, domi Aɔ̃ Lafɛ̃ɛ í da nŋɛ iluu si awɔ mbɛ.

Zozue 6:20

Ŋɔi inɛ ŋau à dɔ̃ anu, nɔ woo wee ŋa à fã kuu ŋau. Iyi inɛ ŋau à gbɔ à fã kuu ŋau gbakã, ŋɔi aŋa fei à dɔ̃ anu hee lele, nɔ bindii iluu í cuku, nɔ à dasi inɔ iluu a ce igũ. Inɛ fei í so kpãaɛi í nɛ wa cɔò wajuɛ suusuu nɔ à gba iluu.

Zozue 6:4

Woo wee mɛɛjei á cua do wajui kpakoi akabuuu, aŋa fei aa maa mu kuui akã akã. Si ajɔ mɛɛjesiau aa nɛ i kaako iluu ŋai tuuba mɛɛje nɔ woo wee ŋau a maa fã kuu ŋau.

Zozue 6:6

Iyi Aɔ̃ Lafɛ̃ɛ í fɔ bɛɛbɛ í tã, ŋɔi Zozue í kpe woo wee ŋau í sɔ̃ ŋa í ni, i so kpakoi akabuui Aɔ̃ Lafɛ̃ɛu ŋa, nɔ si inɔ nŋɛ inɛ mɛɛjei á so kuu iyi à ce do ngoi angudã kombo a maa cuaa kpakoi akabuu.

Woo kiiti ŋa 20:37

Ŋɔi anu akã inɛi Izirɛli bubu ŋa iyi à waa manjiu à dasi inɔ iluu, nɔ à kpa inɛ ŋa iyi à wa bɛ fei.

Samuɛli 1, 17:20

Ŋɔi Davidi í dede daadaakɔu í jɔ̀a woo degbe mmu gɔ angudãɛ ŋa nɔ í so asoɛ í nɛò si bɛi Izai í sɔ̃ɔ. Iyi í to asɔ ŋɔi í ba sooge ŋau à waa ce sɔɔlui igũ à wasi ku dɔ̃ anu.

Samuɛli 1, 17:52

Ŋɔi inɛi Izirɛli do inɛi Zudaa ŋa à dɔ̃ anu à waa lele ŋa à bɔò ŋa hee Gati do Ekorɔ̃ɔ. Ikui inɛi Filisi ŋau wa kɔ̃i si kpãai Sarimu hee ku bɔ Gati do Ekorɔ̃ɔ fei.

Samuɛli 1, 4:5

Iyi à toò kpakou wa asɔ nŋau, ŋɔi inɛi Izirɛli ŋa fei à dɔ̃ anu do inɔ didɔ̃ hee ilɛ wa yaya.