Zozue 6:4 - Bibeli do fee

⁴ Woo wee mɛɛjei á cua do wajui kpakoi akabuuu, aŋa fei aa maa mu kuui akã akã. Si ajɔ mɛɛjesiau aa nɛ i kaako iluu ŋai tuuba mɛɛje nɔ woo wee ŋau a maa fã kuu ŋau.

Zozue 6:4 Iomraidhean Croise

Kusintii Andunya 2:3

Nɔ í wee si ajɔ mɛɛjesiau í nyaa ikã domi si ajɔ nŋu bɛi í sĩmi waati iyi í kpa irii icɛi kutakau fei.

Ilaalu 1, 18:43

nɔ í ni awaasũ woo ce icɛi nŋu koo gũ iri kutau ku cɔ ikpa bi tenkuu. Ŋɔi woo ce icɛɛu í gũ, í cɔ ilu nɔ í ni, n kù yɛ nkãma. Elii í ni ku nyi bɛɛbɛ hee isɛ gbɛɛje.

Ilaalu 2, 5:10

Ŋɔi Elizee í bɛ inɛ gɔ koo sɔ̃ɔ ku ni, koo wɛ isɛ gbɛɛje inɔ idoi Zuudɛ̃ɛ, araɛ á baa nɔ i maaju.

Ilaalu 2, 5:14

Ŋɔi Naama í bɔ idoi Zuudɛ̃ɛu nɔ í wɛ isɛ gbɛɛje bɛi waliii Ilaaɔ̃ í sɔ̃ɔu. Ŋɔi batai araɛ í baa í yɛ bɛi ti ama keeke nɔ í maaju.

Bomma 2, 13:12

Ilaaɔ̃ do woo weeɛ ŋau à wɛɛ do awa, nɔ à tã sɔɔlu a fã kãakãakĩ a naò laabaaui igũ si gãmɛ nŋɛ. Iŋɛ inɛi Izirɛli ŋa, i maà ba Aɔ̃ Lafɛ̃ɛi bala nŋɛ ŋau igũ ku ce, domi i kaa jɛ igũ ŋa.

Bomma 2, 20:17

Iŋɛ i kù nɛ ija kãma ku ce si ideu bɛ ŋa. Iŋɛ de i koo nɔ i wa bɛ ŋa. Aa yɛ faaba iyi Aɔ̃ Lafɛ̃ɛ á naa nŋɛ wa. Inɛi Zudaa ŋa do ti Zeruzalɛmu ŋa, i maà ce njo ŋa nɔ i maà jɔ̀ zigi nŋɛ ku da. Ala i fita i kò ŋa ŋa. Aɔ̃ Lafɛ̃ɛ á wɛɛ do iŋɛ.

Bomma 2, 20:19

Ŋɔi dimii Levii ŋa si tɔkui Kehati ŋa do si tɔkui Kore ŋau à dede ku ba a saabu Aɔ̃ Lafɛ̃ɛi Izirɛliu do anu ku dɔ̃ hee lele.

Bomma 2, 20:21

Ŋɔi aŋaò zamaa ŋau à ce anu akã à so woo kɔ̃ iri ŋa. À waa dasi jĩnɛ kumá ŋa à cuaa sooge ŋau, à cĩ Aɔ̃ Lafɛ̃ɛ à waa ni, i saabu Aɔ̃ Lafɛ̃ɛ ŋa, domi araareɛ í wɛɛi do ajɔ fei.

Zɔɔbu 42:8

Nsɛi iŋɛ fei i dɛdɛ kɛtɛ kombo mɛɛje do angudã kombo mɛɛje i bɔò bi Zɔɔbu ŋa, nɔ i ce kuwee iyi à ya jo si ina fei sãa sãau na iri nŋɛ ŋa. Zɔɔbu woo ce icɛm nɔu ku ce nŋɛ kutɔɔ. An gba kutɔɔi nŋu Zɔɔbu, nɔ do saabuɛ n kaa n kpã ŋɛ iju na ide hai nɛ yaase nŋɛ, domi i kù fɔ idem dee dee bɛi Zɔɔbu ŋa.

Ezai 27:13

Waati bɛɛbɛ, kuu nla nla gɔi aa fã. Waati nŋui inɛ ŋa iyi à mu à nɛò ilɛi Asiri ŋau do inɛ ŋa iyi à fangaa si ilɛi Ezibitiu aa baa. Aŋa fei aa sɛɛbatai si wajui Aɔ̃ Lafɛ̃ɛ si iri kuta kumái Zeruzalɛmuu.

Kuwee 14:16

Woo weeu á dasi amaawɔ njɛɛ si ikpo iyi í wa si awɔ cangaɛui, nɔ do amaawɔɛu ku fã ikpou si wajui amu Aɔ̃ Lafɛ̃ɛ tuuba mɛɛje,

Kuwee 4:6

Á dasi amaawɔɛi si njɛu nɔ ku fãa si wajum fii mɛɛje tengi bi acɔi ile iyi í re do kumáu í wa.

Zakari 4:2

Nɔ í beem í ni, mii ì waa yɛ. Nɔ ǹ jɛaa ǹ ni, ǹ yɛ bi ku lesi fitila iyi à ce do wura do bi ku dasi ikpoɛ lele. À lesi fitila mɛɛje, nɔ fitila ŋau akã fei í nɛ gɛlɛ do ikũ iyi í ya kooò ikpo.

Zakari 4:6

Nɔ í jɛɛm í ni, ide iyi Aɔ̃ Lafɛ̃ɛi lele do ilɛ í sɔ̃ Zorobabɛli, nŋu iyi wa ma kpasɛ̃ɛ wee. Í ni, kù jɛ do yiikoi amanɛ, kù nɔ kù jɛ do gbugbãɛi aa ceò icɛɛu. Amma do saabui hundem nii.

Kuka 23:1

Ŋɔi Balamu í sɔ̃ Balaki í ni ku maa nŋu bi kuwee ikɔ mɛɛje tengi bɛ, nɔ ku dɛa nŋu kɛtɛ kombo mɛɛje do angudã kombo mɛɛje wa.

Zozue 6:13

Woo wee mɛɛje ŋa iyi à waa mu kuu ŋau à dasi kpãa má à waa cuaa kpakou à waa fãò kuu nŋau. Nɔ woo ja igũ ŋau gɔgɔ ŋa à waa cuaa zamaau, nɔ gɔgɔ ŋa mɔ à wa do anyii kpakou. Waati iyi à dasi kpãa à waa nɛ nɔ à wasi kuu ŋau ku fã.

Zozue 6:3

Awɔ do woo ja igũ ŋau fei i nɛ i maa kaako iluu ŋa, ajɔ akã fei i ya kaakoɛ gbakã akã ŋa, nɔ i ce bɛɛbɛ ŋa hee ku to ajɔ mɛɛfa.

Zozue 6:5

Bii à na à fã kuuu à mɔɔ, inɛ fei á dɔ̃ anui igũi nla nla. Waati bɛɛbɛi bindii iluu á cukui do araɛ, nɔ inɛ fei ku sɛi ku dasi inɔ iluu ku maa ce igũ. Inɛ fei á sɛii ku maa too wajuɛ suusuu.

Kuyɛi Zãa 1:20

Leleaɔ̃ mɛɛje ŋa iyi ì yɛ si awɔ njɛm nɔu do bi ku lesi fitilai wura mɛɛje ŋau yaasei aŋa fei wee. Leleaɔ̃ mɛɛje ŋaui à jɛ amaleka mɛɛje ŋa iyi à waa mu igbɛ mɛɛje ŋau, nɔ bi ku lesi fitila mɛɛje ŋau, akã fei igbɛ akãi.

Kuyɛi Zãa 1:4

Amui Zãa, ǹ ce ŋɛ fɔɔ, iŋɛ igbɛ mɛɛjei inɛi Jesu ŋa iyi ì wa ilɛi Azii. Ilaaɔ̃, nŋu iyi í wɛɛ, iyi í tako í wɛɛ wo, nɔ wa naa, ku mu nŋɛ didɔ̃ do laakai ku sũ, nŋu do Jesu Kirisi do hunde mɛɛje ŋa iyi à wa si wajui kitãi bommaɛ. Jesu Kirisiu nŋui í jɛ woo jɛ sɛɛda ilu naanɛ, do inɛ sinte iyi í jĩ hai si balɛ, nɔ í jɛ ilaalui ilaalu ŋa. Í bi wa nɔ í faaba wa hai si dulum du wa do njɛɛ.

Kuyɛi Zãa 10:3

Nɔ í dɔ̃ anu bɛi muusu nla. Iyi í dɔ̃ anu í tã ŋɔi ǹ gbɔ kulai ijĩ tuuba mɛɛje.

Kuyɛi Zãa 15:1

Si anyii nŋu, ǹ yɛ nyinda gɔ má lelei Aɔ̃, í lá nɔ í nɛ njo. Iyi ǹ yɛ wee. Amaleka mɛɛje gɔ ŋa à waa mu ijuukpã mɛɛje. Aŋai à jɛ ijuukpãi ankãanyi domi si bɛi idɔɔkɔ̃i Ilaaɔ̃ á tã.

Kuyɛi Zãa 15:7

Ŋɔi inɛ akãi mii ilu hunde mɛɛ ŋau í na amaleka mɛɛje ŋau fatai wura ara mɛɛje iyi í kɔ̃ do idɔɔkɔ̃i Ilaaɔ̃, nŋu iyi í wɛɛ hee do ajɔ fei.

Kuyɛi Zãa 16:1

Ŋɔi ǹ gbɔ ide ku fɔ nla gɔ hai kpasɛ̃i Ilaaɔ̃u í sɔ̃ amaleka mɛɛje ŋau í ni, i koo i nikã idɔɔkɔ̃i Ilaaɔ̃ iyi í wa si fata mɛɛje ŋau si ilɛ.

Kuyɛi Zãa 5:1

Ŋɔi ǹ yɛ inɛ iyi wa buba si kitãi bommau wa mu tia gɔ iyi à ka si awɔ njɛɛ. À kɔ tiau anyiò waju, nɔ à cĩmboɛ do sɛɛda mɛɛje.

Kuyɛi Zãa 5:6

Iyi ǹ cɔ ikpa bi kitãi bommau nɔ ǹ yɛ ama angudã iyi à ceò kuwee wo wa leekĩ anini bɛ, nɔ ilu hunde mɛɛ do inɛ ngbo ŋau à kaakoɛ. Ama angudãu, í nɛ ngo mɛɛje do iju mɛɛje iyi í jɛ hunde mɛɛjei Ilaaɔ̃ ŋa iyi í bɛ si andunya fei.

Kuyɛi Zãa 8:2

Si anyii nŋu, nɔ ǹ yɛ à na amaleka mɛɛje ŋa iyi à ya maa leekĩ si wajui Ilaaɔ̃u kãakãakĩ mɛɛje.

Kuyɛi Zãa 8:6

Si anyiɛ, amaleka mɛɛje ŋa iyi à waa mu kãakãakĩ mɛɛje ŋau, à ce sɔɔlu a fãa.