Zozue 6:27 - Bibeli do fee

²⁷ Aɔ̃ Lafɛ̃ɛ í wɛɛ do Zozue nɔ iriɛ í fangaa bii fei si ilɛu.

Zozue 6:27 Iomraidhean Croise

Kusintii Andunya 39:21

Amma Aɔ̃ Lafɛ̃ɛ í wɛɛ do nŋu nɔ í ceaa didɔ̃. Nɔ inɛ ngboi woo degbe ile piisɔ̃ɔu í buu jiida.

Samuɛli 2, 7:9

Ǹ wɛɛ do awɔ tengi bii ì bɔ fei. Ǹ kpa mbɛɛɛ ŋau fei, nɔ an jɔ̀ i nya iri bɛi inɛ nla nlai andunya ŋa.

Bomma 1, 14:17

Ŋɔi Davidi í nya iri si ilɛ ŋa bii fei, nɔ Ilaaɔ̃ í jɔ̀ inɛi ilɛ ŋau fei à waa ce njoɛ.

Ɛsitɛɛ 9:4

Maadosee í nɛ gbugbã si inɔ kpasɛ̃i ilaaluu, nɔ iriɛ í bɔ bii fei si ilɛu si na iyi í jɔ̀ gbugbãɛ í la wa kɔ̃ɔsi.

Matie 14:1

Si waati bɛɛbɛi Herodu, ilaalui Galileeu í gbɔ laabaaui Jesu.

Matie 18:20

domi tengi bii amanɛ minji walakɔ mɛɛta í tɔtɔɔ à waa ce kutɔɔ do irim, ǹ wa si anini nŋa.

Matie 28:20

Nɔ ide ŋa iyi ǹ sɔ̃ ŋɛ fei, i kɔ ŋa si ide ŋau ku jirima ŋa. Nɔ an maa n wɛɛ do iŋɛ ajɔ fei hee kɔɔi andunya.

Matie 4:24

Nɔ baauɛ í fangaa bii fei si ilɛi Siri fei, hee inɛ ŋa à wasi ku naaò bɔ̃ɔ nŋa ŋa wa bi tɛɛ. Inɛ ŋa iyi à nɛ dimii bɔ̃ɔ ikã ikã fei do inɛ ŋa iyi à nɛ wahalai ara kuro nkpɔ do inɛ ŋa iyi inɛi inɔɔko ŋa à mu, do inɛ ŋa iyi à waa ce bɔ̃ɔi cukuuna do wɛɛgɛ ŋa, à naaò aŋa fei wa bi tɛɛ, nɔ í jɔ̀ aŋa fei à ba iri.

Wooda ku kɔsi 31:6

I jɔ̀ i ce wɔɔkɔ nɔ i dasi gbugbã ŋa. I maà jɔ̀ njo ku mu ŋɛ, nɔ i maà jɔ̀ zigi nŋɛ ku daò ŋa ŋa, domi Aɔ̃ Lafɛ̃ɛ takaɛi á maa nɛ do iŋɛ, nɔ kaa fũsi ŋɛ awɔ ajɔ kãma.

Timɔtee 2, 4:17

Do nŋu fei, Lafɛ̃ɛ í leekĩ do amu í muum gbugbã, ku ba n waazo laabaau jiidau mam mam nɔ dimi mmu ŋau fei a gbɔɔ. Nɔ ǹ fita si wahalau bɛi inɛ iyi í gbã hai si gɛlɛi muusu nla.

Timɔtee 2, 4:22

Lafɛ̃ɛ ku wɛɛ do awɔ. Nɔ didɔ̃i Ilaaɔ̃ ku wa si iŋɛ fei.

Zozue 1:5

Si kuwɛɛɛ fei mbɛɛ kãma kaa yɔkɔ ku kɔ̀ ide si wajuɛ, domi an maa n wɛɛ do awɔi bɛi ǹ tako ǹ wɛɛ do Moizi wo. Ajɔ kãma n kaa n fũsiɛ awɔ hee má jɛ n jɔ̀ɛ.

Zozue 1:9

Maà gbɛjɛ iyi ǹ sɔ̃ɛ ǹ ni, jɔ̀ i nɛ wɔɔkɔ nɔ i nɛ gbugbã. Maà jɔ̀ njo ku muɛ, nɔ i maà ti i mɔngɔ munya, domi amu Aɔ̃ Lafɛ̃ɛɛ an wɛɛ do awɔ bii ì waa bɔ fei.

Zozue 9:1

Ilaalui ilɛ ŋa iyi à wa ikpa nunui alɛi idoi Zuudɛ̃ɛu à gbɔ bɛi Zozue do inɛi Izirɛli ŋa à cea inɛi Ai ŋa. Laabaaui ideu í fangaa si ilu ŋa iyi à wa si iri kuta ŋau do ilu ŋa iyi à wa lɔɔma do ilu ŋa iyi à wa ikpa bi Tenku Nlau fei hee ku bɔ kɔkɔi ilɛi Libãa. Ŋɔi inɛi Hɛti ŋa do inɛi Amɔre ŋa do inɛi Kanaã ŋa do inɛi Ferɛzi ŋa do inɛi Hɛvi ŋa do inɛi Zebusi ŋa

Zozue 9:3

Amma waati iyi inɛi Hɛvi ŋa iyi à wa ilui Gabaɔ̃ɔ à gbɔ bɛi Zozue í cea ilui Zeriko do ilui Ai,

Zozue 9:9

Ŋɔi à jɛaa à ni, awa woo ce icɛɛ ŋa hai ilɛ jĩijĩi à naa si na iyi í jɔ̀ à gbɔ idei laabaaui Aɔ̃ Lafɛ̃ɛɛ, domi à gbɔ mii ŋa iyi í ce si ilɛi Ezibiti fei

Woo kiiti ŋa 1:19

Aɔ̃ Lafɛ̃ɛ í wɛɛ do inɛi Zudaa ŋa, ŋɔi í jɔ̀ à jɛ inɛi iri kuta ŋau igũ, amma a kù yɔkɔ a kù lele inɛ ŋa iyi à wa lɔɔma ŋau domi inɛ nŋu ŋau à nɛ sarɛtii igũ ŋa iyi à ce do isɔ.

Samuɛli 1, 18:14

Í ya maa jɛ igũi waati kãma fei domi Aɔ̃ Lafɛ̃ɛ í wɛɛ do nŋu.

Samuɛli 1, 2:30

Na nŋu, í ni nŋu í tako í cea inɛi kpasɛ̃ɛ do ti baaɛ ŋa kuwã wo í ni aŋai aa jɛ woo weei nŋu ŋa hee do ajɔ fei. Amma bɛbɛi nŋu kaa ce bɛɛbɛ má. Ntɔ ntɔ, inɛ ŋa iyi à waa saalu nŋu aŋai nŋu á saalu. Amma inɛ ŋa iyi a kù waa saalu nŋu, aa yɛ anyɔ.