Zozue 6:26 - Bibeli do fee

²⁶ Si anyii nŋu, ŋɔi Zozue í fɔ do irii Aɔ̃ Lafɛ̃ɛ í ni, ikpe ku mu inɛ iyi á na ku dede ku ma ilui Zerikou ihɛ̃ má. Inɛ iyi í na wa bi ku teese ku ma iluu, waati iyi á nyɔ icui ile ŋau, ama yemmaɛ á kui, nɔ waati iyi í na wa masi gambo ŋau, ama kɔdaaɛ á kui.

Zozue 6:26 Iomraidhean Croise

Ilaalu 1, 16:34

Si waatiu bɛi Hiɛli inɛi Betɛliu í teese wa ma ilui Zeriko. Nɔ ide iyi Aɔ̃ Lafɛ̃ɛ í ni Zozue amai Nunu ku fɔu í ce. Iyi à nyɔ icui bindiu ŋɔi Abiramu ama yemmaɛ í ku, iyi à dasi gambo ŋau nɔ Segubu kɔdaaɛ í ku.

Ilaalu 1, 22:16

Ŋɔi ilaalu í ni má, isɛ fɛloi an jɔ̀ i gbasi do irii Aɔ̃ Lafɛ̃ɛ n ba n mà iyi ntɔi ì waa sɔ̃m.

Ilaalu 2, 2:4

Ŋɔi Elii í sɔ̃ɔ má í ni, Elizee, leekĩ ihɛ̃, domi Aɔ̃ Lafɛ̃ɛ í bɛm Zeriko. Ŋɔi Elizee í jɛaa í ni, bii Aɔ̃ Lafɛ̃ɛ í wɛɛ nɔ awɔ mɔ ì wɛɛ, n kaa n tɛkɛɛ n jɔ̀ɛ pai. Nɔ à to Zeriko.

Malasi 1:4

Inɛi Edɔmu dimii Esau ŋa aa ni, à lɛgɛ ilu nwa ŋa, amma aa ka teese ka ma ŋa má. Amu Aɔ̃ Lafɛ̃ɛi lele do ilɛ ǹ ni, baa bii à teese à ma ŋa má, an nyi n kɛkɛ ŋa mái. Nɔ aa ya maa kpe ilɛ nŋau ilɛi woo ce laalɔ ŋa iyi idɔɔkɔ̃i amu Aɔ̃ Lafɛ̃ɛ í wa si hee do ajɔ fei.

Matie 26:63

Amma Jesu wa cokoɛ. Ŋɔi woo wee nlau í sɔ̃ɔ í ni, do irii Ilaaɔ̃ nŋu iyi í wɛɛ, fɔ bii awɔ ì jɛ Amai Ilaaɔ̃ inɛ iyi Ilaaɔ̃ í cicaui.

Woo bɛ ŋa 19:13

Zuifu gɔ ŋa à ya maa dabii bii fei a maa nya inɛi inɔɔkoi inɛ ŋa. Si inɔ nŋa gɔgɔ nŋa ŋa à dasi idɔ a kpe irii Lafɛ̃ɛ Jesu a nyaò inɛi inɔɔkoi inɛ gɔ ŋa. Zuifu inɛ ngboi woo weei Ilaaɔ̃ gɔ iyi à ya kpe Seva, ama inɛmɔkɔ mɛɛjeɛ ŋai à waa bi a ce bɛɛbɛ. Ajɔ nŋu gɔ à sɔ̃ inɛi inɔɔkoi inɛ gɔ à ni, do irii Jesu iyi Pɔlu wa waazou, fita.

Zozue 16:7

Hai bɛ nɔ í bɔ ikpa Atarɔti do Naara nɔ í koo í kãsi Zeriko nɔ í kpa iri idoi Zuudɛ̃ɛ.