Zozue 6:25 - Bibeli do fee

²⁵ Zozue í jɔ̀ Rahabu do inɛi kpasɛ̃ɛ ŋa fei à wɛɛ, si na iyi í jɔ̀ í singa inɛ minji ŋa iyi à koo à cɔ yaasei ilui Zerikou wo. Í wa si inɔi inɛi Izirɛli ŋa, nɔ tɔkuɛ ŋa à wa bɛ baa nsɛi.

Zozue 6:25 Iomraidhean Croise

Matie 1:5

Salamɔɔ do aboɛ Rahabu à bí Boazi. Boazi mɔ do aboɛ Ruutu à bí Obɛdi. Obɛdi mɔ í bí Izai.

Woo bɛ ŋa 2:21

Amma inɛ ŋa iyi à waa kpe Aɔ̃ Lafɛ̃ɛ fei aa ba faaba.

Ebɛɛ 11:31

Na naanɛ ku dasii, Rahabu abo à ta icuu kù ku do inɛ ŋa iyi a kù jirima Ilaaɔ̃ ajɔ, si na iyi í jɔ̀ í gba woo bɛ ŋau do inɔ akã.

Zaaki 2:25

Bɛɛbɛ mɔi abo à ta icu iyi à ya kpe Rahabuu í ce. Í jɛ amanɛ dee dee si wajui Ilaaɔ̃ na kookoosuɛ ŋa si na iyi í jɔ̀ í gba inɛi Izirɛli woo bɛ ŋau si kpasɛ̃ɛ nɔ í nya ŋa do kpãa mmu.

Zozue 2:1

Zozue amai Nunu í bɛ inɛ minji gɔ ŋa do asii hai ilui Sitimu í sɔ̃ ŋa í ni a koo a cɔ yaasei ilɛ iyi í wa icei idou wa, nɔ iyi í re mɔm nŋui í jɛ ilui Zeriko. Ŋɔi inɛ ŋau à koo. Iyi à to Zeriko nɔ à bɔ kpasɛ̃i abo à ta icu gɔ iyi à ya kpe Rahabu, nɔ à sɔ bɛ.

Zozue 2:18

Waati iyi aa ka naa ka to wa si ilɛu ihɛ̃, ikũ nkpau ihɛ̃i aa dĩ si anu fɛrɛnti hai do bii ì jɔ̀ à fitaòu ihɛ̃. Nɔ i tɔtɔɔ inɛɛ ŋa inɔ kpasɛ̃ɛ ihɛ̃, hai iyeò baaɛ ŋa do igbãɛ ŋa do ifɔɛ ŋa do wecĩɛ ŋa fei hee do nyaanzei baaɛ ŋa fei.

Zozue 2:4

Hee a maa to, ŋɔi Rahabu í so inɛi Izirɛli ŋau í singa ŋa, nɔ í jɛa woo bɛi ilaalu ŋau í ni, ntɔ ntɔi inɛ ŋau à to wa bi tom, amma n kù mà hai iwoi à naa.

Zozue 2:6

Wee í ko abou í jɔ̀ à gũ antaii ile sikifaɛ bɛ, nɔ í singa ŋa si kungbã kambo ŋa iyi í jilɛ bɛ.

Zozue 4:9

Nɔ Zozue í jɔ̀ à jilɛ kuta maateeji mmuɛ ŋa má si aninii idoi Zuudɛ̃ɛu tengi bii woo wee ŋa iyi à waa so kpakou à jilɛ kutɛ nŋa ŋa. Nɔ baa nnyi kuta ŋau à wa bɛ.