Zozue 6:24 - Bibeli do fee

²⁴ Nɔ à dasi iluu ina hee do mii ŋa iyi à wa bɛ fei, í gbe isɔ fũfũ do wura do isɔ nkpa do isɔ iyi í gbe fei. Mii ŋau bɛ fei, bi ku singa amanii Aɔ̃ Lafɛ̃ɛi à koo à dasi.

Zozue 6:24 Iomraidhean Croise

Samuɛli 2, 10:5

Ŋɔi Davidi í gbɔ ideu, nɔ í bɛ inɛ ŋa a bɔ ku kò nŋa, domi inɛ ŋau à wa si anyɔ nla nla. Nɔ í ni a sɔ̃ ŋa a wa ilui Zeriko titã hee agbã nŋa ŋau a wu, si anyiɛ nɔ a baa wa.

Ilaalu 2, 25:9

Nŋui í jo kpasɛ̃i Aɔ̃ Lafɛ̃ɛu do kpasɛ̃i ilaaluu do ilei Zeruzalɛmu ŋau fei hee do ti ilu jirima ŋau.

Bomma 1, 18:11

Nɔ Davidi í koo í jilɛa Aɔ̃ Lafɛ̃ɛ jĩnɛ ŋau, bɛi í tako í jilɛa isɔ fũfũ do wura iyi í ba wa hai ilɛ bii í jɛ igũ ŋau fei, waatɔ ilɛi inɛi Edɔmu ŋa do ti inɛi Moabu ŋa do ti inɛi Amɔɔ ŋa do ti inɛi Filisi ŋa do ti inɛi Amalɛki ŋa.

Kuka 31:10

Ŋɔi à jo ilui inɛ ŋau hee do asɔ nŋa ŋau fei,

Wooda ku kɔsi 13:16

aa kpa inɛi ilu bɛ ŋau do taakuba ŋai. Aa ce nfe nŋai mam mam hee do mii iyi í wa bɛ fei. Nɔ aa kpa hee do mɛɛmu nŋa ŋa mɔi do taakuba.

Wooda ku kɔsi 13:17

Aa tɔtɔɔ amani ŋa iyi ì ba ŋaui si bantumai iluu, nɔ i jo iluu fei mam mam do amani ŋa iyi ì ba bɛ ŋau fei na bɛɛrɛi Aɔ̃ Lafɛ̃ɛ nŋɛ. Iluu bommai á baa ku jɛ, nɔ a kaa teese a maa má pai.

Wooda ku kɔsi 20:16

Amma si ilui inɛ ŋa iyi Aɔ̃ Lafɛ̃ɛ á mu nŋɛ ilɛ nŋa ku jɛ tubu nŋɛu, i maà jɔ̀ nkãma bɛ ŋa iyi wa mi si hunde.

Zozue 6:19

Hai isɔ fũfũ do wura do isɔ nkpa do isɔ iyi í gbe fei, fei ndɛɛ ti Aɔ̃ Lafɛ̃ɛi á jɛ nɔ fei ndɛɛ bi ku singa amaniɛ ŋai á lɔ.

Zozue 6:25

Zozue í jɔ̀ Rahabu do inɛi kpasɛ̃ɛ ŋa fei à wɛɛ, si na iyi í jɔ̀ í singa inɛ minji ŋa iyi à koo à cɔ yaasei ilui Zerikou wo. Í wa si inɔi inɛi Izirɛli ŋa, nɔ tɔkuɛ ŋa à wa bɛ baa nsɛi.

Zozue 8:28

Zozue í jo ilui Aiu fei, í jɔ̀ iluu í baa í kpɔò bomma baa nsɛi.

Kuyɛi Zãa 17:16

Ngo mɛɛwa iyi ì yɛu bɛ do mɛɛmuu, aa cé abo à ce sakarau. Aa so mii iyi í nɛ fei nɔ a jɔ̀ɔ basĩ. Aa ŋɔ iŋaɛ nɔ a joo ina mam mam.

Kuyɛi Zãa 18:8

Na nŋu, bɔ̃nɛ ikã ikã á baa si ajɔ akã. Bɔ̃nɛ ŋau wee. Patapoo do inɔ kufɔi iku do ari. Nŋu takaɛ á joi mam mam, domi Aɔ̃ Lafɛ̃ɛ iyi í kiitiɛ í jɛ ilu gbugbã.