Zozue 6:23 - Bibeli do fee

²³ Ŋɔi à koo à gbã Rahabu wa do iyeò baaɛ, do igbãɛ do ifɔɛ ŋa, do wecĩɛ ŋa do nyaanzeɛ ŋa iyi à gbe fei. Nɔ à koo à jilɛ ŋa kɔkɔi tengi bii aŋa taka nŋa à ce asɔu.

Zozue 6:23 Iomraidhean Croise

Kusintii Andunya 12:2

Hai bi tɛɛi an jɔ̀ dimi nla nla gɔ ku fita. An weeɛ nɔ n jɔ̀ i nya iri nɔ do saabuɛ inɛ nkpɔ nkpɔ á baò kuwee.

Kusintii Andunya 18:24

Waatɔ bii í jɛ amanɛ jiida ŋa à wa si iluu bɛi zakai aŋa ciitaa, aa kpa ŋa mái? I kaa cea inɛi ilu ŋau suuru na irii amanɛ ciitaa ŋau?

Kusintii Andunya 19:29

Waati iyi Ilaaɔ̃ wa bi ku kpa irii ilu ŋau, lasabuɛ í koo si Aburahamu. Na nŋu, í jɔ̀ Lɔtu í sa hai tengi bii í wa wo ku bɛi ku ce nfe nŋa.

Kuka 31:19

Iŋɛ fei aa gbe ŋai do anyii asɔu ajɔ mɛɛje. Si inɔ nŋɛ inɛ iyi í kpa inɛ gɔ fei, walakɔ inɛ iyi í lu ikui inɛ gɔ fei, si ajɔ mɛɛtasia do si ajɔ mɛɛjesia í nɛ ku ce bukii ara kumaajui. Woodau bɛ hee do ti aru ŋa iyi ì mu wa ŋaui.

Woo bɛ ŋa 10:28

Nɔ í sɔ̃ ŋa í ni, iŋɛ taka nŋɛ ì mà ŋa iyi woodai awa Zuifu ŋa í kɔ̀ nwa ka tɔtɔɔ do iŋɛ dimi mmu ŋa, walakɔ ka bɔ kpasɛ̃ nŋɛ. Amma Ilaaɔ̃ í sɔ̃m í ni kù sĩa n kpe inɛ gɔ ilu riisi hee má jɛ n kɔ̀siɛ.

Woo bɛ ŋa 27:24

í ni, Pɔlu, maà ce njo. Kù nɛ bɛi aa ce iyi i kù leekĩ si wajui ilaalu nlai Romu. Nɔ wee inɛ ŋa iyi iŋɛò ŋa ì wa inɔ akɔu fei, Ilaaɔ̃ í yɔɔda nŋai a baɛ ku wɛɛ.

Kɔrɛnti 1, 5:12

Amu n kù nɛ kpãa n kiiti hai dasi Jesu naanɛ ŋa. Ilaaɔ̃i á kiiti ŋa. Amma í sĩa i kiiti inɛi igbɛ nŋɛ ŋa. Debɛi, i nya inɛ laalɔ hai si anini nŋɛ si bɛi kukɔi idei Ilaaɔ̃ wa fɔ.

Efɛɛzu 2:12

Waati bɛɛbɛ ì jĩò Kirisi ŋa wo nɔ ì jɛ isɛ mmu bi inɛi Izirɛli ŋa. I kù nɛ baa nŋɛ si akabuu iyi Ilaaɔ̃ í wãò inɛɛ ŋa. Ì wa si andunya ihɛ̃ i kù waa cɔò kpãai nkãma ŋa, nɔ i kù wɛɛa Ilaaɔ̃ ŋa.

Ebɛɛ 11:31

Na naanɛ ku dasii, Rahabu abo à ta icuu kù ku do inɛ ŋa iyi a kù jirima Ilaaɔ̃ ajɔ, si na iyi í jɔ̀ í gba woo bɛ ŋau do inɔ akã.

Ebɛɛ 11:7

Na naanɛ ku dasii, Nowee í gbɔ idei Ilaaɔ̃ waati iyi í ni ku ce laakai si mii iyi á na ku naa iyi kù yɛ titã. Í jirima idei Ilaaɔ̃ nɔ í gbe akɔi inyi si bii nŋu do inɛi kpasɛ̃ɛ ŋa fei aa ba faaba. Do yaase bɛɛbɛi í yɛò taalei inɛi andunya ŋa nɔ Ilaaɔ̃ í ni í jɛ amanɛ dee dee.

Zozue 2:13

iyi wa nyisi iyi do ntɔ aa faaba iyeò baam ŋa, do igbã do ifɔm ŋa, do wecĩm ŋa hee do inɛi kpasɛ̃ nŋa ŋa fei, nɔ i faaba wa i maà jɔ̀ a kpa wa ŋa.

Zozue 2:16

Nɔ hee a maa fita í sɔ̃ ŋa í ni, i koo i manji ikpa bi iri kuta ŋau bɛ ŋa ku ba inɛ ŋa iyi à waa dɛdɛ ŋɛ ŋau a maà ko ŋɛ. I manji bɛ ŋa ajɔ mɛɛta hee inɛ ŋau à koo à baaò wa i bɛi i nɛ ŋa.

Zozue 2:18

Waati iyi aa ka naa ka to wa si ilɛu ihɛ̃, ikũ nkpau ihɛ̃i aa dĩ si anu fɛrɛnti hai do bii ì jɔ̀ à fitaòu ihɛ̃. Nɔ i tɔtɔɔ inɛɛ ŋa inɔ kpasɛ̃ɛ ihɛ̃, hai iyeò baaɛ ŋa do igbãɛ ŋa do ifɔɛ ŋa do wecĩɛ ŋa fei hee do nyaanzei baaɛ ŋa fei.

Woo kiiti ŋa 1:25

Nɔ inɛɛu í nyisi ŋa hai do bii aa ba a lɔò inɔ iluu. Ŋɔi à lɔ nɔ à kpa inɛi ilu ŋau, amma à jɔ̀ inɛ iyi í nyisi ŋa hai do bii aa lɔò nŋu do nyaanzeɛ ŋa fei à nɛ.