Zozue 6:22 - Bibeli do fee

²² Amma waati iyi bindii ilui Zerikou í cuku, Zozue í sɔ̃ inɛ minji ŋa iyi à tako à koo à cɔ yaasei iluu í ni, i bɔ kpasɛ̃i Rahabu abo à ta icuu nɔ i fitaɛ wa, nŋu do inɛɛ ŋa fei, bɛi ì tako ì ceaa kuwãɛ ŋa.

Zozue 6:22 Iomraidhean Croise

Samuɛli 2, 21:2

Ŋɔi ilaaluu í kpe inɛi Gabaɔ̃ɔ ŋau ku sɔ̃ ŋa ide. Inɛi Gabaɔ̃ɔ ŋa a kù bɛi a kù jɛ inɛi Izirɛli ŋa, amma mbɔi inɛi Amɔre ŋai. Aŋaò inɛi Izirɛli ŋa à nɛ akabuu. Do nŋu fei Saulu í bi nŋu ku kpa aŋa fei na kookaai iyi wa ce na aranfãanii inɛi Izirɛli ŋa do inɛi Zudaa ŋa.

Samuɛli 2, 21:7

Ŋɔi Davidi í jɔ̀ Mefibosɛti, amai Zonatãa tɔkui Sauluu na akabuu iyi aŋaò Zonatãa à dĩ si wajui Aɔ̃ Lafɛ̃ɛ.

Iri ku kɔ̃ 15:4

Í ya kɔ̀si woo yaako inɛ ŋa, í ya mà bɛɛrɛi inɛ ŋa iyi à waa jirima Aɔ̃ Lafɛ̃ɛ. Ci ya ce kuwã iyi kù kɔ̃ɔ.

Ezekiɛli 17:13

Í so inɛ akã gɔ si dimii ilaaluu, í dĩ akabuu do nŋu. Nɔ ilaaluu í mu inɛ ngbo ilu bɛɛrɛ ŋa iyi à wa si ilɛu í nɛò ideɛ,

Ezekiɛli 17:16

Ntɔ ntɔ amu Aɔ̃ Lafɛ̃ɛ ǹ wa n fɔɔi do kugbasi iyi ilaaluu bɛ á kui si ilɛi ilaalu iyi í naa bommau, domi kù jirima akabuuɛ nɔ í dede si ide iyi à fɔ à jilɛu. Babilɔni bɛi á ku.

Ebɛɛ 11:31

Na naanɛ ku dasii, Rahabu abo à ta icuu kù ku do inɛ ŋa iyi a kù jirima Ilaaɔ̃ ajɔ, si na iyi í jɔ̀ í gba woo bɛ ŋau do inɔ akã.

Zozue 6:17

Aa kpa inɛi ilu ŋaui hee do mii ŋa iyi à nɛ fei. Rahabu abo à ta icuui aa jɔ̀ ŋa do inɛ ŋa iyi à wa bi tɛɛ inɔ kpasɛ̃ bɛ fei. Aa jɔ̀ɔ ŋai si na iyi í jɔ̀ nŋui í gba inɛ ŋa iyi à bɛ wa ihɛ̃ ŋau í singa ŋa.

Zozue 6:23

Ŋɔi à koo à gbã Rahabu wa do iyeò baaɛ, do igbãɛ do ifɔɛ ŋa, do wecĩɛ ŋa do nyaanzeɛ ŋa iyi à gbe fei. Nɔ à koo à jilɛ ŋa kɔkɔi tengi bii aŋa taka nŋa à ce asɔu.

Zozue 9:15

Nɔ Zozue í dĩ akabuui laakai ku sũ do inɛ ŋau. Si akabuu iyi à dĩu í jɛsi nŋu ku jɔ̀ inɛ ŋau à wɛɛ si hunde. Nɔ inɛ ngboi inɛi Izirɛli ŋau mɔ à jɛsi do kugbasi.

Woo kiiti ŋa 1:25

Nɔ inɛɛu í nyisi ŋa hai do bii aa ba a lɔò inɔ iluu. Ŋɔi à lɔ nɔ à kpa inɛi ilu ŋau, amma à jɔ̀ inɛ iyi í nyisi ŋa hai do bii aa lɔò nŋu do nyaanzeɛ ŋa fei à nɛ.