Zozue 6:21 - Bibeli do fee

²¹ Nɔ à kpa zamaai iluu fei hai inɛmɔkɔ do inaabo, hai awaasũ do mɔkɔ ngbo fei. Nɔ à kpa hee do kɛtɛ ŋa do angudã ŋa do gbankɛlɛ ŋa fei.

Zozue 6:21 Iomraidhean Croise

Ilaalu 1, 20:42

Ŋɔi waliiu í ni, Aɔ̃ Lafɛ̃ɛ í ni si bɛi ì jɔ̀ inɛ iyi nŋu í ni a kpau í nɛ hai si awɔɛ, awɔi aa ku si agbɛɛ nɔ zamaaɛ ku ku si agbɛi zamaai inɛɛu mɔ.

Zeremi 48:18

Iŋɛ inɛi ilui Dibɔ̃ɔ ŋa, i kita wa hai si kitã ilu bɛɛrɛ nŋɛu. I koo i buba si iri ankitã ŋa. Inɛ iyi á na ku ce nfei Moabuu wa to wa ku na ku lɔ siɛ. Nŋui á lɛgɛ bindi ku nɛ gbugbãɛ ŋa.

Wooda ku kɔsi 13:16

aa kpa inɛi ilu bɛ ŋau do taakuba ŋai. Aa ce nfe nŋai mam mam hee do mii iyi í wa bɛ fei. Nɔ aa kpa hee do mɛɛmu nŋa ŋa mɔi do taakuba.

Wooda ku kɔsi 2:34

Ŋɔi à gba iluɛ ŋau fei à lɛgɛ ŋa mam mam. À kpa inɛmɔkɔ do inaabo do ama keeke nŋa ŋa, a kù jɔ̀ baa inɛ akã ku fita si.

Wooda ku kɔsi 7:16

Inɛ ŋa iyi Aɔ̃ Lafɛ̃ɛ í da nŋɛ si awɔ fei, aa kpa ŋa ŋai, i maà ce araare nŋa, nɔ i maà tɔɔ iwɛ̃ nŋa ŋau, domi nŋu bɛi á na ku jɛ nŋɛ bɛi cɛkũm.

Zozue 10:28

Ajɔ akãu bɛi Zozue í gba ilui Makeda, nɔ í kpa ilaaluu do inɛi iluɛ ŋa fei. Kù jɔ̀ inɛ kãma kù ba kù gbã. Nɔ í cea ilaaluu bɛi í cea ilaalui Zerikou mɔ.

Zozue 10:39

Ŋɔi à jɛ aŋa mɔ igũ nɔ à kpa ilaaluu do inɛɛ ŋa hee do ilu ŋa iyi à wa amɛɛ bɛ fei. Nɔ à kpa inɛ ŋau fei a kù jɔ̀ inɛ baa akã. Ŋɔi Zozue í cea inɛi Debii ŋau do ilaalu nŋa fei bɛi í tako í cea inɛi Eborɔ̃ɔ ŋa do bɛi í cea inɛi Libuna ŋau do ilaalu nŋa fei.

Zozue 11:14

Inɛi Izirɛli ŋa à so amani ŋa do mɛɛmu ŋa iyi à ba si ilu ŋau, amma amanɛ ŋau à kpa ŋai fei sãa sãa a kù jɔ̀ inɛ kãma.

Zozue 8:2

Iluu bɛ do ilaaluɛ aa ceai bɛi ì tako ì cea Zeriko do ilaaluɛ. Amma bɛbɛi, mii ŋa iyi aa ba hai si igũu ŋa, tu ŋɛi á jɛ. Hai amani nŋa ŋa, do mɛɛmu nŋa ŋau fei iŋɛi aa nɔɔ. Yaase bɛi aa ce i jɛò igũ ŋa wee. I koo i jilɛ sooge ŋa a sì a kaako angulei iluu ku ba a zamba ŋa.

Zozue 8:22

Si bɛi inɛ ŋau à sinda à sa à waa nyi inɔ ilu, ŋɔi inɛi Izirɛli mbɔ ŋa iyi à wa inɔ iluu à fita à waa kò ŋa wa, nɔ à baa à dasi inɛi Ai ŋau awɔ ibɔ. Ŋɔi à kpa ŋa a kù jɔ̀ inɛ kãma, nɔ inɛ kãma mɔ kù ba ku sa,

Zozue 9:3

Amma waati iyi inɛi Hɛvi ŋa iyi à wa ilui Gabaɔ̃ɔ à gbɔ bɛi Zozue í cea ilui Zeriko do ilui Ai,

Kuyɛi Zãa 18:21

Ŋɔi amaleka ilu gbugbã gɔ í so kuta nla bɛi alɔ gɔ í nyɔɔ si inyi dũdũu í ni, bɛɛbɛ mɔi aa kɛkɛ Babilɔni ilu nlau do gbugbã nɔ a kaa yɔɔ má pai.

Samuɛli 1, 15:3

Nsɛi, dede bɛbɛi i koo si ŋa. Koo ce asɔɔi mii ŋa iyi à nɛ fei nɔ i maà ce araare nŋa. Kpa mii ŋa iyi à wɛɛ fei, hai inɛmɔkɔ do inaabo do amu ŋa do ama kpɔtɔɔ ŋa hee do kɛtɛ ŋa do angudã ŋa do iwo ŋa ku koo si kpookpo do gbankɛlɛ ŋa fei.

Samuɛli 1, 15:8

Í kpa zamaau fei do taakuba, í gbe Agagi ilaalu nŋa nŋu akã iyi í mu.