Zozue 6:19 - Bibeli do fee

¹⁹ Hai isɔ fũfũ do wura do isɔ nkpa do isɔ iyi í gbe fei, fei ndɛɛ ti Aɔ̃ Lafɛ̃ɛi á jɛ nɔ fei ndɛɛ bi ku singa amaniɛ ŋai á lɔ.

Zozue 6:19 Iomraidhean Croise

Samuɛli 2, 8:11

Nɔ Davidi í koo í jilɛa Aɔ̃ Lafɛ̃ɛ jĩnɛ ŋau, bɛi í tako í jilɛa isɔ fũfũ do wura iyi í ba wa hai ilɛ bii í jɛ igũ ŋau fei.

Ilaalu 1, 14:26

Ŋɔi í ko amanii kpasɛ̃i Aɔ̃ Lafɛ̃ɛ ŋau do ti ilei ilaaluu fei. Í so tɛlii wura ŋa iyi Salomɔɔ í ceu fei.

Ilaalu 1, 7:51

Bɛɛbɛi icɛi kpasɛ̃i Aɔ̃ Lafɛ̃ɛ iyi Salomɔɔ wa ceu fei í kpa iri. Ŋɔi í so isɔ fũfũ do wura ŋa do mii ŋa iyi Davidi baaɛ í jilɛa Aɔ̃ Lafɛ̃ɛ nɔ í naa í dasi bi ku jilɛ amanii kpasɛ̃i Aɔ̃ Lafɛ̃ɛu.

Ilaalu 2, 24:13

Ŋɔi í ko amanii kpasɛ̃i Aɔ̃ Lafɛ̃ɛ ŋau fei do ti kpasɛ̃i ilaaluu. Nɔ í lɛgɛ jĩnɛi wura ŋa iyi Salomɔɔ ilaalui Izirɛli í ce si kpasɛ̃i Aɔ̃ Lafɛ̃ɛu fei si bɛi Aɔ̃ Lafɛ̃ɛ í tako í fɔu.

Bomma 1, 18:11

Nɔ Davidi í koo í jilɛa Aɔ̃ Lafɛ̃ɛ jĩnɛ ŋau, bɛi í tako í jilɛa isɔ fũfũ do wura iyi í ba wa hai ilɛ bii í jɛ igũ ŋau fei, waatɔ ilɛi inɛi Edɔmu ŋa do ti inɛi Moabu ŋa do ti inɛi Amɔɔ ŋa do ti inɛi Filisi ŋa do ti inɛi Amalɛki ŋa.

Bomma 1, 26:20

Ahiya inɛ akãi dimii Levii ŋaui í jɛ woo mu amanii kpasɛ̃i Ilaaɔ̃ ŋau do si mii ŋa iyi à nya ikãu.

Bomma 1, 26:26

Amani ŋa iyi ilaalu Davidi do inɛ ngboi kpasɛ̃ ŋa do inɛ ngboi wuaai sooge dubu ŋa do ti cĩɔ ŋa do ti sooge mmu gɔ ŋa à jilɛa Ilaaɔ̃ ikãu, Selomiti do inɛɛ ŋai à jɛ inɛ ngboi amani ŋau.

Bomma 1, 26:27

Mii ŋa iyi à gba wa hai si igũ ŋaui à jilɛa Aɔ̃ Lafɛ̃ɛ a teeseò kpasɛ̃ɛ.

Bomma 1, 26:28

Mii ŋa iyi Samuɛli woo yɛu do Saulu amai Kisiu do Abinɛɛ amai Nɛɛu do Zoabu amai Seruyau à jilɛa Aɔ̃ Lafɛ̃ɛu, Selomiti do inɛɛ ŋai à jɛ inɛ ngboɛ.

Bomma 1, 28:12

Ŋɔi í nyisiɛ yaase bɛi á ma mii ŋa iyi nŋu wa lasabu ku mau fei, hai bantumai kpasɛ̃i Aɔ̃ Lafɛ̃ɛu do ilaawa ŋa iyi a kaakoɛò fei ku jɛ bi ku jilɛ amanii kpasɛ̃u do mii ŋa iyi à nya ikã à jɛ ti Ilaaɔ̃u.

Bomma 2, 15:18

Í so isɔ fũfũ do wura do jɛɛ ŋa iyi nŋu do baaɛ à nya ikã a jɛ ti Ilaaɔ̃ í koo í jilɛ ŋa si inɔ kpasɛ̃i Ilaaɔ̃u.

Bomma 2, 31:12

Ŋɔi à ko amaajɛ sinte ŋau do akã si mɛɛwa ŋau do amua ŋa iyi à jilɛa Aɔ̃ Lafɛ̃ɛu à dasi inɔ ile ŋau. Ŋɔi à so inɛi Levii gɔ iyi à ya kpe Konania wa jɛ inɛ ngboi amaajɛ ŋa iyi à naaò wau, nɔ ifɔɛ Simei wa jɛ minjisiaɛ.

Neemi 10:38

Ka ya naaa woo wee ŋau iyafũ sinte nwa ŋau wa si inɔ kpasɛ̃i Aɔ̃ Lafɛ̃ɛ nwa do amua nwa ŋa, do isoi jĩi ndu wa ŋa fei, do vɛ̃ɛ titɔ̃ ŋau do ikpo. Nɔ si amaajɛi ilɛ nwa ŋa, si mɛɛwa fei ka ya na inɛi Levii ŋau akã. Aŋa taka nŋai à nɛ à ya gbaa wa si ilu ŋa bii inɛ ŋa à waa ce logoo fei.

Zeremi 38:11

Ŋɔi Ebɛdi-Melɛki í gbã amanɛ kuntaa ŋau nɔ aŋaò ŋa à bɔ kabai ilaaluu, nɔ à lɔ inɔ ile bii à ya jilɛ jĩnɛ ŋa, nɔ í so jaaɛ ngbo ku ga gɔ ŋa iyi à wa bɛ do ikũ í bɛi í toa Zeremi si inɔ lɔgɔu.

Kuwee 19:24

Isoi jĩi ŋa iyi aa ba si adɔ̃ mɛɛsiau fei aa nyaa ikãi ku jɛ titom bii ì waa ce jingaui amu Aɔ̃ Lafɛ̃ɛ ku saabu ŋa.

Misee 4:13

Iŋɛ inɛi Siɔ̃ɔ ŋa, i dede i tɛɛsɛ mbɛɛ nŋɛ ŋau ŋa. An jɔ̀ i ba gbugbã ŋai bɛi kɛtɛ ŋa iyi à nɛ ngo ku nɛ gbugbã bɛi isɔ, do kɔwe ku nɛ gbugbã bɛi isɔ nkpa. Dimi nkpɔ ŋau fei aa tɛɛsɛ ŋa ŋai. Aa ko amani nŋa ŋau feii ŋa, nɔ amu iyi ǹ jɛ Aɔ̃ Lafɛ̃ɛi ilɛu fei, amui aa jilɛa ŋa.

Kuka 31:11

nɔ à nɛò mii ŋa iyi à gbau fei, hee do amanɛ ŋau hee do mɛɛmu ŋa iyi à gbau fei.

Kuka 31:12

Ŋɔi à baaò fei ndɛɛ wa bi asɔ nŋa iyi í wa si lɔɔmai Moabu, kɔkɔi idoi Zuudɛ̃ɛ do wajui Zerikou suusuu, ku ba a koo a nyisi Moizi do Eleazaa woo weeu do zamaai Izirɛliu fei.

Kuka 31:22

Mii ŋa iyi à ce do wura do isɔ fũfũ do isɔ nkpa do isɔ fũfũ ku rɔ gɔ do lolo,

Matie 27:6

Inɛ ngboi woo weei Ilaaɔ̃ ŋau à so fiau à ni, bɛirei aa ka ceò fiau ihɛ̃. A kù nɛ kpãa ka dasi kpakoi kpasɛ̃i Ilaaɔ̃ si na iyi í jɔ̀ fia iyi à sã na a nikãò njɛi inɛ gɔi.

Maaku 12:41

Ŋɔi Jesu í koo í buba kɔkɔi kpakoi kɔlɛti wa cɔ bɛi inɛ ŋa à waa dasi fia. Ilu fia gɔ ŋa à dasi fia nkpɔ.

Zozue 7:11

Inɛi Izirɛli ŋau à ce dulum nii, a kù jirima akabuu iyi awaò ŋa à dĩ. À so mii ŋa iyi ǹ ganji ŋa ǹ ni a maà na a so. Mii ŋa iyi à sou, mii ndom ŋai, à ce ilei mii ŋau nɔ à singaɛ si aso nŋa ŋa.